L'armée était alors sous les ordres de Trivulce, à qui

mille hommes espaignoiz qui leurs estoient venus de renfort, avecque la bende de mons"^ de Mollart et de mons"" de Richebourg, qui estoient gentilz hommes et gentilz compaignons pour l'assault; et pour lanskenecht, avons le capitaine Jacob Sevenus (?) avecque sa bende, lesquelz estoient sy fort et gentilz compaignons pour aussy peu qu'ils estoient. Et ne pense jamais avoir veue armée plus délibéré pour le nombre des gens qu'ilz estoient plus nette. Et vindrent à deux mille près de la dicte ville de Concorde ; et, avant que l'assiegier, fut envoyé ung commissaire d'artillerie qui avoit nom Lubin , lequel avoit aultresfois esté charpentier, fort bien congnoissant à l'artillerie, et le Jeune Adventureux avecque luy ; et fut le dict commissaire frappé d'ung coup de hacquebutte à crochet à la teste en devisant de asseoir l'artillerie, lequel morut huyt jours après à Hostie. Ce fait, l'armée partit et vint mettre le siège devant; et fut l'artillerie assize par Perot Dugnois, lieutenant de mons' d'Espy en Itallie ; et l'artillerie assize bien près de la dicte ville, sans gabion et trenches, et commencèrent la batterie à huyt heures du matin, si très rude qu'il parlementèrent. Laquelz chose voyant, les adventuriers françoys et les Espaignoiz donnèrent l'assault, sans bresche, là où avoit ung fossé d'eaulx de deux picques de hault et la muraille d'aultant, et gaignerent la ville du premier assault. Et après entrèrent entremêliez ensamble dedans le chasteau, là où eut de compte faict neufz cens hommes tuez^, sans ceulx qui furent prins.

Louis XII confia le soin de continuer la guerre après la mort de Chaumont.