Le manuscrit porte : saulver

Or, ce temps pendant que la gensdarmeriez estoil en ce combat, revenons au gens de piedt de cela qu'ilz fièrent. Mons"" de Mollart et le capitaine Jacob se fachoient fort de l'artellerie, car il avoient estes trois heures en ceste paine et n'avoient où se cachier ; se commencèrent à eulx seoir, luy et le capitaine Jacob, et demandèrent à boire et buverent, et en buvant, ung coup de quennon les va emporter tous deux, qui fut ung grant dommaige, et avoit esté tuez ung peu devant le grant Fabien*, capitaine.

Ce voyant, les gens de piedt, tant Françoys que lanskenecht, vollurent assiéger le fort, où estoit Pettenoiare et les gens de piedt, qui ne se bougoient de leurs fort. Les gens de pietz partirent, tant Françoys que Italiens et lanskenecht, et leurs vindrent donner ung fort assaulx, là où trouvèrent ung merveilleux fort, tant de hacquebuttes à crochet que de charettes, et tous plains de gens de bien : et tut mons"^ de Montgiron tuez sur une charette^ et tous plains de gens de bien tuez, et les piétons, tant Françoys que lanskenecht, tous tuez et en fuytte, et les Espaignolz sortirent^ à la queue de ses gens de piedt suyvant, et en firent grant meurdre, et en y fut tué bien xij' hommes.

Cela faict, veu le groz nombre qu'ilz estoient et gens frais, si pensoient du commencement avoir gaignez la bataille, encorre les pensoyent mieulx avoir gaignée à cest heure. Mais, comme Dieu ordonne les choses, il y avoit quelquez lanskenecht et Françoys et Picars qui n'y estoient poinct allez [qui] vindrent et