Après luy, le manuscrit porte : estre

l'Adventureux, après avoir mys ordre ung peu à son affaire, s'en alla à Visé pour faire ses pasques, en attendant que ses gens assamblez voUoient faire, car il avoit mys bons espiez pour entendre de leur volunté. Laquelle chose faicte se mist en ung batteau pour aller au dict Visé ; et y eult quelquez gentilz [hommes] et valletz des siens qui voUoient aller par terre, lesquelle furent prins et mené en ungne place qui s'appelle Dolchin. Le dict Adventureux, après ouy la messe et receupt Dieu, ouy l'alarmés dedans le camp, que le drossart* de Francquemont avoit assamblez tout le commun et gentilz hommes [pour] courir sus, jà soit ce que l'Adventureux ny ses gens ne vouUoient faire nul mal sur le pays, fors seulement vivre.

Touttesfois l'alarme fut grosse, et s'arma le dict Adventureux dedans son batteau, en tendant à ses gens qui se voUoient mettre en ordre, et, en vous en dire le vray, c'estoit ungne merveilleuse belle bende, et vindrent marchier contre les aultres pour combattre ; tellement que, quant ce vint à l'aborder, fut l'escharmouche fort belle, tant de gens de cheval que de piedt, et y eut tout plain de gens tuez et affoliez. Et les lantskenech, et le Jeune Adventureulx avecque eulx, baisierent la terre, comme il leur esté de coustume de faire, et marchèrent tous droict à eulx ; mais il ne les vollurent attendre, et avoit quelquez petite pièces d'artilleriez avecque eulx, desquelz il avoient tirez tout le jour après les dicts lantskenectz, laquelle fut gaignez.

1. D'après l'abbé Lambert, le mot drossart serait l'équivalent du mot prevost.

Ce faict, les lantskenecht, qui cuydoient aller logier à ung villaige qui s'appelle Hesvie, au pays de Luxembourg, se commencèrent à mutiner entre eulx, disant qu'il voulloient avoir argent ou qu'il ne passeroient poinct l'eaue, et rapasserent tous l'eaue pour retirer vers Gheldres, dont le dict Adventureux fut fort mary, et le vollurent tuer dedans leur domaine S comme il disoient. Touttesfois, il alla à eulx, et se commença à courroucer le premier, et leur donna xiiij enseignes, et les commença à prier de venir au service du Roy, laquelle choze accordèrent la plus grant part. Et quant il veirent les batteaulx tous prest et l'Adventureulx qui print deux enseignes en ses deux mains, le suyverent, et n'en retourna que trois cens hommes; et passèrent la dict rivière de Meuse et allèrent en Ardenne, là où le roy Loys envoyé au dict Adventureux ung gentilz homme, nommé Larromagier, qu'ilz luy prioit qu'il donna congiet à ses dictes lantskenectz et qu'il n'avoit que faire pour l'heure présent de gens de piedz, sans luy envoyer ung grant blanc pour les contenter ; de laquelle chose ne fut pas bien content, mais bien mary, comme la raison le vouUoit. car il ne voulloit poinct perdre son credict avec(jue le[s] dicts lantskenecht qui estoient venu pour l'amour de luy. Touttesfoy, il leur donna congiet, pour ce que le dict seigneur de Sedan luy manda c|ue pour l'heure i'entreprinse des Trêves estoient rompue, et aussy pour ce que le Roy n'en voulloit poinct, et pour ce se deffit^ de ses dicts lantskenecht et grande mutineriez; touttesfois, il en eschappa