Le manuscrit porte : ce deffaictes vous

du mieulx qu'il peult, et estoit avecque luy Aymond Somniart, s"^ d' Allembert .

Gela faict, le dict Adventureux s'en vint à Sedan et de là en France, bien mary et prest à dire au Roy qu'il ne luy avoit poinct faict bon tour avecque les Allemans et qu'ilz avoit perdu une belle bende, et que sy ungne aultre foys il en avoit affaire, c(u'il n'en recouvreroit poinct.

Et huyt jours après qu'il eut laissez les lantskenecht, luy estant à Severenges de retour, luy vindrent lettres de par le Roy, que sur tous les service qu'il luy povoit faire, qu'ilz fit letourner ceste bende de lantskenect. Laquelle lettre veue, le dict Adventureux fut merveilleusement mary; touttesfois, pour faire service au Roy, partit en toutte diligence et re[n]voye après les dicts lantskenecht et en recouvrit bien deux mille, et estoit le capitaine Thomas du Haut, et d'en recouvrir plus ne fut possible, et fut force au Roy pour avoir plus largement qu'on leur envoya chascun ung escus en Allemaigne dedans leur maison avant que jamais voulsissent partir; qui fut une merveilleusse constance* au Roy, pour ce quant ce vint au monstre, il ne voulloyent poinct rabattre; touttesfois, avecque l'ayde de force argent, le Roy en eult assez, et en fit deux armées avecque aultres gens qu'ilz avoit, dont l'ugne fu pour envoyer en Guyenne et l'aultre en Rallie . Et en amenoient le dict Adventureux au Roy deux mille sans ungne aultre bende que le duc de SufPolk luy amena ^ du costé de Lorraine.