Le manuscrit porte : assiégez

3. D'après Guichardin, le feu fut si mal dirigé que les Suisses refusèrent de laisser fermer la porte de la ville qui regardait le camp (livre XI, p. 331).

hault pour descendre dedans la ville et failloit tombei' de ceste haulteur ; mais du costez du camps les fossés ne valloient riens et les maysons estoient assés près des murs, là où les Suysses avoient mys touttes leurs hacquebutteries et quelquez pièces d'artilleriez en platte forme pour deffendre le dict assault.

L'assault fut présenté aux lantskenecht , laquelle choze il pritidrent voluntier, jà soit qu'elle fut bien mal aysée; mais il vollurent avoir des gens d'armes avecque eulx, entre chascun ung lanskenecht ung homme d'armes ou ung archier, pour ce qu'ilz estoient mieulx armée pour soustenir le groz faicts, que ung piedtons qui est tout nudz. Laquelle choze présenté par le dict Adventureux, fut regardez que c'estoit ungne choze mal aysée à faire, veu la descente de la bresche qui estoit fort dangereuse et le gros nombre de gens ({ui estiont dedans. Et après, les Françoys mirent devant une porte deux quennons, assés près de la dicte ville et la bresche, et rompirent la porte, et quant la dicte porte fut rompue, les dicts Suysses firent ungne saillie, mais il furent rebouttée. Et fut d'oppionion le seigneur de Sedan, et le Jeune Adventureux et aultres capitaines lantskenect de coupper chascuns une manche de chemise et l'emplir plaine de pouldre pour bouter le feu en la ville, qui eult esté ungne merveilleuse choze bien faictes, et de quoy on se repentit beaulcoup. Touttesfois elle ne se fit poinct et demeura là on touttes la nuict, là où on eult [nouvelle par] les Albannois et avant ^ coureurs françoys que secours estoit venus à ceulx de la ville et entra dedans à dix heures de nuyct.