Le manuscrit porte : en eult les Albannois d'ai'ant

Et, comme vous ay dict cy devant, il failloit faire bon guet; car par la porte et par la bresche qu'on avoit faict il povoient saillir et entrer beaulcoup de gens. Et, sans poinct de t'aulte, les Suysses eussent dès le soir présenté la bataille au Françoys, mais il estoient sy très las de la grande diligence qu'il avoient f'aicte que plus ne povoient, car il estoient venus en trois jours de leurs pays, et aussy tous leurs gens n'estoient poinct arrivez, et venoient fille à fille toutte la nuict; et, comme j'ay dict, les lantskenecht et les Françoys firent bon guet. Et, quant ce vint au matin, y eult une merveilleusse grosse escharmouches, et furent [d'advis] les capitaines françoys de lever le sièges et dissiniuller la battaille, et se retirèrent près de Tracas \ sur ungne montaigne où il y avoit ungne abbaye, et se logèrent là, en attendant le résidu de leur armée. La quelle choze fut faicte, et marchèrent la gensdarmerie devant, les adventuriers après; et l'Adventureulx et les lantskenecht, avecque l'artilleriez , demeurèrent derrière, et estoit toutte l'artilleriez du chasteau affûtées sur eulx, car ceulx de la ville veirent bien qu'il ne voulloient poinct donner assault, ny combattre là.

Et ne fault pas doubter que l'artilleriez plouvoit et battoit dedans les dicts lantskenecht et tua beaulcoup de gens, mais poinct de gens de nom. Les adventuriers qui estoient devant, quant il furent hors de la batteriez, voulloient tenir ordre, pour ce qu'il failloit

1. Trecate, Italie, prov. de Novare. — Les Français, n'ayant pas su empêcher la jonction des Suisses avec la garnison de Novare, décidèrent de se retirer à ïrecate, à 5 milles de là, en attendant les renforts de France (J. Bouchet, éd. Michaud et Poujoulat, l""" série, t. IV, p. 449).

passer uiig passaige pour monter la montaigne où estoit cest abbaye, et l'artilleriez de la ville battoit tousjours dedans les dicts lantskenecht, la quelle choze leur nuysoit merveilleusement. Mais quant le dict Adventureux veit cela, il commanda aux lantskenecht qui estoient [devant], pour ce qu'ilz estoient derrière et que les Suysses estoient tous jours sur les bras escharmouchant, qu'il donnissent des coup de picques aux fesses des adventuriers, ce qu'il fièrent, et adoncques les adventuriers se hasterent de monter la montaigne et tout le monde se logist, ainsy qu'ilz avoit esté conclud. Et se logèrent le seigneur de la Trimouille et le seigneur de Sedan, le duc d'Albanye, et le seigneur Jehan Jacques et aultres capitaines dedans l'abbaye; et le Jeune Adventureux demoura avecque les lanskenecht au camp, là où il faillit deux fois d'estre tuez de l'artilleriez du chasteau qui battoit terriblement fort, et' emporta le cheval d'ung capitaine qui avoit nom Honrecht qui devisoit avecque luy.

L' Adventureux s'en alla dedans l'abbaye vers mons' de la Trimouille pour veoir qu'il avoit de faire; car l'artilleriez du chasteau les battoit fort et luy faisoit ung groz meurdre de ses gens; et comme il debatoient la choze avecque eulx, ung coup de quennon vint du chasteau, la quel perça touttes les fenestre de la chambre où il estoient en conseil, sans faire mal à personne.

Et incontinent faict, fut conclud de deslogier et de aller logier à Tracas, qui est ungne petite ville à deux milles de là et trois mille de la ville No[v]aire, et incon-