I. C, D. K. T. IX

s'advance avec deux aultres qui le suivent , et allasmes nous quatre, à toutes brides, au villaige : et quand ils Feurent bien révisé de toutes parts, ils trouvèrent que j'avois dict la vérité qui fast cause qu'ils s'en retournèrent devers leurs gens en la même diligence, et moy avec eux. Nous arrivez , et ayants faict leur rapport, ils commencèrent à regnyer Dieu d'une estrange sorte , disants les ungs : « Ha I marquis Albert , tu n'auras pas ta revanche de Bougerieules; retire hardiment ton artillerie ; » les aultres : « Ha ! prince de Tlnfantasque, tu as perdu tes vingt mille escus , car tu ne livreras pas Vieilleville à l'Empereur; mais, qui sommes si malheureux que d'avoir failly M. de Nevers I c'estoient cinquante mille escus de ranson. Allons vistement faife retourner tout le monde , pour ne perdre poinct de temps ny les pas, en despit de Dieu , de tant donner de fascherie à l'Empereur ; il faul t qu'il se retire par force : car, par la mort-Dieu ! luy et nous sommes assiégez , et non pas les Français. Que mauldite soit cent pieds sous terre l'entreprise , et que la peste puisse crever le cœur à tous ceux qui luy donnèrent jamais ce conseii ! car c'est sa ruyne et la nostre. » Là-dessus ils s'en allèrent, les ungs devers le marquis Albert , pour faire retirer son artillerie et ses trouppes, car c'estoit peine perdue ; les aultres devers le prince de l'Infantasque et Brabançon, pour mesme effect : et de moy. je pris à gauche, faisant sembler d'aller à Villesalcron ; mais quand je les vey un peu esloignez je m'en retournay à Comey, pour venir dire en toute vérité ce que vous avez ouy. »

Ce rapport contenta merveilleusement M. de Nevers, M. de Vieilleville et toute l'assistance, qui ne fust sans admirer l'ordre du langaige de ce maire, et la subtilité de ses remonstrances, attendu sa basse qualité. Mais ce pacquet courut incontinant par toute la ville de bouche en bouche , si bien que gentilshommes, soldats , bourgeois, et toutes sortes de gens, furent si ravys d'allaigresse, que l'on ne pensa plus que à se resjouyr. Et donna à ce maire M. de Vieilleville vingt escus , M. de Nevers dix, disant tout hault que chacun devoit luy donner quelque chose selon son moyen, car nous estions tous perdus sans luy : etluy-mesme fist laqueste, pressant les plus aisez de user de quelque libéralité en son endroict, et qu'il meritoit plus que Ton ne luy sçauroit donner : qui valut beaucoup a ce maire, car on avoit honte de reffuser ung prince.

HÉMOIBSS DB VTWLLBVILIB. -* HBNBI H. [1568]