CHAPITRE XXT
M. de Vicillcville partage le butin fait sur les ennemis.
Toutes les festes de Noël s'escoulerent en telle rcsjouïssance , et avec la meilleure chere du monde , sans aulcun soing ny soulcy , et à départir le butin , tant des chevaulx , qui se vçndoient à bon compte , gue des prisonniers , que Ton ransonnoit sans grande rigueur [car la pluspart furent renvoyez sur leur foy , et avec terme], et une infinité d'aultres bardes qu'on laissoit à non prix : et estoit l'argent qui en provenoit distribué par M. de Vieilleville avec telle discrétion et respect des qualités et mérites , que chacun demeura contant; et plustost donnoit du sien. Mais sa providence ne pouvoit permettre que , parmy tant de festes, allaigresses et contentements , on negligeast ce qui estoit du devoir de la guerre; car il envoyoit tous les jours deux hommes , Tung au plus matin , Taultre après disner , par de là Corney bien avant , pour descouvrir les entreprises de l'ennemy, qui nous en rapportoient de si agréables nouvelles, qu'elles accroissoient à souhaict nos aises et plaisirs ; et ce doux pacquet nous arrivoit deux fois le jour, qui nous entretenoit en Incomparables délices : et y jouoit-on à la chance à trois dez , et à la raffle, des chevaulx d'Hespaigne , coursiers de Naples, barbes, sardes et roussins, aussi libéralement que s'ils n'eussent esté qu'asnes de
moulin.
Il y en eust qui voulurent faire le semblable de quelques prisonniers , parce qu'ils estoient de païs incogneus et d'estranges régions, sans aulcune espérance d'en tirer ung seul denier de ranson, sinon qu'ils se disolent des environs du destrie (1) de Gilbathar , mais en Europpe , et par conséquent chrestien ; mais M. de Vieilleville s'en courrouceafortasprement, etlescuyda tuer quand il les surprint sur le falct, trouvant trop Inhumain , tant estoit homme de bien , que Ton turquisast ainsi le christianisme , et par les mesmes chrestlens : 11 mist tous les prisonniers en liberté sans rien payer , et chassa ces barbares joueurs, leurs malstres , de sa suicte, sur peinede la vie s'ils y estoient trouvez deux heures après le commandement ; et s'il y eust eu une strapade en la ville , Us se pouvolent bien asseurer d'y servir d'exemple d'une telle abomN nation.
(I) Détroit.
