CHAPITRE n
Fermeté de M. de Vieilleville k maintenir le bon ordre dans la garnison de Metz.
Les choses ainsi àsouhaict composées , ils dlsnerent tous avecques luy, comme aussi firent les sieurs de Biron, de Guron et de Montendre, lieutenant, enseigne et guydon de la compaignie de M. le prince de La Roche-sur-Yon , qu'il avoit retenue exprès à Metz pour avoir quelques forces de son costé ; et avoit envoyé quérir à Yerdun la compaignie de chevaux ligiers de M. le comte de Sault, qu'il y amena luy-mesme à toute Joye avant le partement de M. de Gonnor. Et oultre ce, M. de Lanques, capitainne de cent harquebuziers à cheval , qui estoit demeuré en garnison à Metz , s'estoit venu présenter à luy pour luy faire très-humble service , avec offre de sa vie ; et n'en fist pas moins le sieur de Mesvretin, lieutenant des cent chevaulx ligiers de M. de Gonnor, qui estoient aussi demeurés du reste du siège , les ayant tous deux fort dextrement gaignez.
Et 'après disner l'ordonnance fust publiée, premièrement à la porte de son logis , en la présence des capitainnes cy-devant nommez, puis par les carrefours et aux trois places de la ville. Et quand elle fust publiée en la grande place
HÉUOIBBS m VtBILLBTII.IJI. —- HBNBl n« [I6SB]
qui se nomme le Ghamp-Passaige , toute la ca- Yallerie susdicte estoit en bataille avecques ses chefs ; qui iist cogiïoistre à tous la volonté qu'un chacun avoit de hiy porter obéissance , mais bien davantaige , car les plus mutins et revesches furent surpris par ceste veue de si grande frayeur, qu'ils excitoient les aultres à faire joug à ceste ordonnance, prévoyants le moyen qu'il avoit de bien chastier les autheurs d'une sédition.
En laquelle place il se voulut bien luy-mesme trouver, sur son brave cheval Yvoy, au milieu de sa garde , vingt-cinq de chaque costé , des plus beaux hommes que le comte de Nanssau luy avoit envoyez, choisis en trois régiments de lansquenets , qu'il faisoit merveilleusement beau veoir avec leurs belles halebardes à longues dagues, et de nouvelle façon, accoustrez à leur mode et de ses couleurs jaulne et noir, desquelles il ne changea jamais, car madame de Yieilleville les luy avoit données estant encores fille, du nom de mademoiselle de La Tour.
Il ne se peult dire au reste de quel respect ceste ordonnance fut observée et obeye ; car, de deux mois après la publication d'icelle , il ne s'esmeut une seule querelle , fors de deux soldats qui au jeu se castillerent , dont Tun tua l'autre en plaine rue; mais tous deux , tant le mort que le vif, furent décapitez pour servir d^exemple : et poursuivit M. de Vieilleville si vivement ceste exécution , qu'il contraignit le capitainne Pierre Lanque de représenter à justice le soldat vivant , qui estoit de sa compaignie et retiré chez luy , sur terribles peines; qui n'y faillit pas, encores qu'il fust des plus capricieux de toute la garnison , et l'amena luy-mesme au prevost avant l'heure expirée , après ce rigoureux commandement ; lequel soldat veit transcher la teste à celluy qu'il avoit tué, et passa de mesme incontinant après. Ce brave traict de justice humilia merveilleusement les soldats, et le fist beaucoup redoubter.
