CHAPITRE XI
Mort du maréchal Strozzi.
Le lendemain, qui estoit le saeziesme jour, M. le mareschal Strozzy, qui prevoyoit bien la place par cest endroict imprenable , et estoit en «ngmerveiiieuY desespoir , d'aultant que c'estoit de son seul advis qu*on l'avoit par-là assaillie, voulut faire approcher les six coulevrines, et les assembler avec les canons , pour battre en faîne et fouldroyer la ville; mais, faisant ce commandement de colère, sans prandre garde à soy, une mousquelade luy traverse le corps , dont il mourut à demie-heure après le coup, estant M. de Guyse fort près de luy; auquel il dist : • Haï teste-Dieu ! monsieurlle Roy perd aujourd'huy un bon serviteur, et Vostre Excellence encorcs. » Et le voulant ce prince admonester de son salut, et luy remémorant le nom de Je-
(t)Cnied'eaa.
sus: «Quel Jésus, dist-il, mort-Dieu! venezvous me ramentevoir icy? Je regnie Dieu ! ma feste est finie. » Et redoublant le prince son exhortation, luy dist qu'il pensast en Dieu, et qu'il serait aujourd'huy devant sa face. « Mort-Dieu ! respondit-il, Je seray où sont tous les aultres qui sont morts depuis six mille ans. » Le tout en langage italien ; et à ceste dernière parole il expira. Qui estoit un testament assez commun à ceulx de sa nation florentine, et digne de la vie qu'il avoit toujours démenée, et selon sa foy, qui n'estoit pas plus chrestienne ny religieuse qu'il ne falloit ; comme il la fit paroistre le soir précèdent qu'il souppa avec M. de Yieilleville. Car , le soupper finy , il demanda de gayeté de cueur : « Que &isoit Dieu devant qu'il fist le monde? » Demande que reprima M. de Yieilleville assez modestement , luy remonstrant qu'elle n'estoit poinct en toute la saincte Escriture ; et quand elle cesse de nous enseigner , il nous fault cesser de nous enquérir ; car il n'y a rien en icelle que ce qui nous est nécessaire au salut. « C'est une belle chose, dist-il lors; ceste saincte Escriture est fort bien inventée, si elle estoit vraye. » Incontinant à ceste scandaleuse et satanesque parolle, de M. Yieilleville fainct d'estre saezy d'une grande douleur de colique, et se levé de table afBn de rompre compaignie. Et estant i'aultre retiré avec sa snicte , il dist à ceux qui estoient demeurez qu'il protestoitde Jamais ne converser, flaire amitié , ny ung seul repas avec un tel atheiste ; et qu'il croyoit fermement que ce siège devoit faire la terminaison de sa vie. Ce qui advint sans attendre le cours de vingt-quatre heures ; car le lendemain il fut frappé, environ midy , et rendit l'esprit; mais Je ne scey à qui, veu les horribles blasphèmes qu'il vomist en mourant, et ce que l'on peult juger de sa créance par les meschantes parolles qu'il prononcea le soir précèdent, qui le privèrent , à mon advis , en l'article de la mort, de la cognoissance de Dieu : mais son incompréhensible bonté et miséricorde infinie par dessus.
Ayant M. de Guyse perdu ce brave chevalier, qu'il regretta merveilleusement , et voyant l'impossibilité et desespoir des choses,il dist à M. de Yieilleville qu'il sçavoit bien quMI avoit escrit au Roy , et asseuré Sa Majesté qu'en moins de sept jours il prandroit ceste place ; et qu'il y avoit engagé sa vie s'il n'eu arrivoit ainsi ; et toutesfois , ce Jour estoit le saeziesme qu'ils estoient devant , avec bien peu d'espérance d'en venir au-dessus; le priant d'effectuer sa parolle pour ester à Sa Migesté toute occasion de fascherie , et le subject de l'attaquer sur sa promesse.
A quoy M. de Yieilleville respondit que, s'il
IliMOIHBS DB V{BILLBVItI.B. -« HBNHI U. [IS&S]
luy eost pieu adhérer an conseil qu'il luy avoit donné dès le second Jour de son arrivée, il seroit desja dedans, et peult-estre en Luxembourg; mais il s'estoit trop promptement laissé gaigner à la piapheuse oppinion du feu mareschal Strozzy , qui est cause de tout le mal et de ceste pernicieuse longueur : et, pour luy faire paroistre qu'il n'est pas donneur de parolles , principalement à son roy et souverain seigneur, il entreprend, dès le soir de ceste Journée, les tranchées devers le lourrillon ; et y oblige de rechef sa viei de laquelle il le constitue Juge s'il fault d'exécuter sa promesse. Alors M. de Guyse l'embrassant , le prie de faire la diligence , et proteste , en la présence des seigneurs là présents, de ne plus se mesler de rien , ains luy laisser toute puissance, authorité et commandement gênerai en l'armée.
