CHAPITRE XYI

M. de Guise , apprenant la défaite de l'armée da Roi à Gravelines , part poar se rendre auprès de Sa Majesté. — Nouveaux liabitans établis à Thionville.

Deux jours après, comme l'on vouloit marcher devers Luxembourg, nous eusmes nouvellescertaines de la deffaicte de M. de Thermes, mareschai de France , près de Gravelines , en laquelle il perdit de braves trouppes , luy bien blessé et emmené prisonnier ; qui nous garda non seulement de passer oultre, mais nous fit penser de la retraicte : car, le conseil tenu là-dessus , on trouva que ceste armée victorieuse nous pouvoit et devoit venir combattre, et par-tout où elle passeroit seroit suivie de toute la noblesse et aultres habitansdes Pays-Bas, qui, enflez de ceste victoire, nous pourroit semblablement deffaire , avec la grosse garnison qui estoit dedans Luxembourg , que le comte de Mesgue y avoit assemblée, attendant le siège en bonne délibération de se bien deffendre, s'y estant fortiffié a merveilles, par le grand loisir que nous luy en donnasmes du long temps qui se perdit en attendant M. de Guyse et au siège de Théonville : et que par ce moyen nous serions investis de toutes pai1s, et en danger d'estre deffaicts.

Il fut doncques advisé et arresté par le conseil, que r9n se devoit retirer et rompre ceste armée. De sorte que , dès le jour mesme, M. de Guyse print le chemin de Yerdun , par derrière le mont Saint-Quentin, avec ce qu'il avoit amené de trouppes ; et M. de Yieilleville se Tendit à Théonville avec les siennes. Et y arrivasmes le mesme jour; où il trouva que M. de Yadancourt avoit usé d'une extrême diligence en la charge qu*il luy avoit laissée ; car les tranchées estoient toutes esplanadées , les bresches fort bien remparées, lesplafeS'formes revestuesetgabbionnées, et l'artillerie desja placée dessus; semblablement

MEMOIRES DB YIEILLEYILLB. — HBIfHI II. [iS5S]

le tounillon, par cy-devant vuide, tout remply de terre , flancqué des deux costez; et quinze ou vingt massons pour reffaire la muraille que la sappe et le canon avoient renversée. De quoy il receust ung merveilleux contentement , disant tout hault qu'il n*avoit pas instalé en ceste place ung fainéant , mais que , continuant ses coups, il en recevroit beaucoup d*honneur.

Le lendemain il fut question de licencier Tarmée estrangiere et de faire monstre générale; car il y avoit argent à suffire , ne nous ayant pas, le receveur gênerai de Ghampaigne, oubliez; et furent faictes et depeschées en deux Jours, tant des Allemants de cheval et de pied , que des forces qui estoient sorties de Metz en gênerai, horsmis de sa compaignie de gensdarmes.

Or avoit M. de Yieilleville faict faire, par deux très-experts orfeuvres, environ deux cents médailles d'or, les unes du poids de trois escus pièce, lesaultres de deux, et la plus grande part d'un escu , ausquelles estoient des deux costez les portraicts du Roy et de la Roy ne bien gravez^ et pendantes chacune à des rubans desoye jaulne et noire, qu'il distribua aux princes, colonels reithermistres , capitainnes , lieutenants et enseignes, selon leur qualité; qui furent si aises et contants de ces médailles portants la ressemblance du Roy, qu'ils avoient servy environ trois mois, et de leur solde et payement qui leur fut fouruy tout en or, qu'ils se mirent tous en bataille , gens de cheval et de pied , et si bien ordonnée, qu'il n'y avoit chose si plaisante à veoir. Et jugea t-on bien que les mareschaulx et maistres de camp qui les avoient ainsi dressez n'estoient pas novices au mestier de la guerre, mais fort experts en la discipline militaire ; de quoy nos capitainnes français furent fort esbahys. Et prenants congé de M. de Vieil leville, qui estoit aussi à cheval , avec environ trois cents chevaux , ils marchèrent en ceste belle ordonnance, sans se rompre nullement, leurs charrlots etbagaigesà Fescart, tant que la plaine leur dura, qui estoit d'environ de demie-lleue, où les fanfarres de trompettes , bruicts de tambours, harquebuzerie et coups de pistole , ne furent pas espargnez.

M. de Yieilleville, d'aultre part, pour leur faire cognoistre qu'il avoit leur adieu agréable, et ceste façon de deslogement, commanda aux canonniers de faire jouer toute l'artillerie estant sur les plate-formes; qui firent telle raige de tirer, et semblablement nos vingt enseignes de Metz et harquebuziers à eheval, que l'air en retentissoit, et de telle sorte , qu'il porta ce bruict, avec Taide de la rivière » bientost à Metz; qui donna l'allarme si chaulde à M. de Senneeterre , I

lequel avoit desjà en la nouvelle de la defbicte du mareschalde Thermes, et que l'armée victorieuse venoità grandes Journées combattre nostre armée, qu'il croyoitfermement, par ce bruict, qu'ils fussent desja aux mains. Et depescha eo toute diligence le capitainne Serres, lieutenant du capitainne Rahus, Tun des quatre qui estoit demeuré pour la garde de Metz, afQn de descouvrir que ce pouvoit estre , et luy en venir, à toutes brides , foire le rapport. Mais il troa^a M. de Yieilleville desja esloigné de U«ie et demie de Théonville, qui s'en revenoit à HeU avec les trouppes qu'il en avoit tirées, en toutes lesquelles , la reveue faicte, il ne se trouva perte que de quarante hommes pour le plus. Mais il renvoya le capitainne Serres, en la mesme diligence , devers M. de Senneeterre , le prier d'assembler tous les chanoines de la grande église, et de s'y trouver ; car il y vouloit aller descendre pour louer Dieu et le remercyer de la prise de Théonville avec si peu de perte, et de ce qu'il luy avoit pieu le préserver de la mousquetade; car si le coup eust donné deux doigts plus bas il estoit mort sans doubte, luy faisant bailler &od habillement de teste, que portoit un paige, pour le luy monstrer.

Quand nous fusmes à la Dompchamp, il doubla le pas avec la cavallerie , laissant les enseignes de gens de pied derrière, car ils n'avoient plus que demie-lieue ; et vinsmes descendre devant la grande église , où tout le clergé de la ville s'estoit pareillement assemblé, Jusquesaux mandiants , avec les croix et tous leurs ornements. Et là Dieu fut loué d'une fort rcverable et très-devote façon , avec une resjouissancedes habitants de la ville de tous estais et de tous sexes, incroyable; louants et remercyantsDieu de ce qu'il luy avoit pieu préserver leur bon père et gouverneur de ce mortel dangler, et qu'il avoit ainsi subjugué leurs ennemys mortels; et que désormais ils vivroient , par sa valeur, en bonne paix et repos universel , pour n'estreplus leurs bestiaux en hasard d'estre prisny courus, comme au temps passé, ny leurs bleds, vins, foings et aultres sortes de vivres et fourraiges; et que chacun , à l'avenir, pourroit aller visiter ses possessions aux champs , en toute liberté et sans dangler d'estre pris , comme ils avoient ac* coustumé.

Et sur ces louanges et cordiales prières il y avoit grande presse pour achepter des maisons à Théonville et s'y habituer; lesquelles M. de Yieilleville, voyant leur bon zèle etiecueurainsi purement français, leur vendit à fort bon compte : de sorte qu'eb moins de quinze jours la ville fut repeuplée d'habitants , et tous mes-

H^MOIBBS DB TIBILLBnLLB. — HBRBl U. [l558j

siDS ; car quelques Lorrains se présentèrent pour en avoir, mais ils furent refusez. U y eust aussi quelques artisans , naturels français, qui y furent reoeus et en eurent meilleur marché que les anitres, et y vindrent habiter : qui flst fleurir ceste ville-là plus que jamais elle n'avoit faict.