CHAPITRE XVn
Libéralité de M. de VieUIeviUe.
Uargent de toutes ces veuditions pouvoit revenir, oultre celles qu'il avoit données , à la somme de vingt mille escus , de laquelle il ne se voulut jamais aproprier, tant estoit zélateur du prouffîet de son maistre , encores que, de tout droiet ancien et usance de guerre , elle luy appartint, comme aux canonniers les cloches d'une ville qu'ils ont battue , en quelque sorte qu'elle se soit rendue , ou par force ou composition. Mais, après avoir donné à chacun des vingt capitainnes qui estoient au siège cent escus , à leurs lieutenants cinquante , aux enseignes quarante , à chacun des sergents dix , et aux caporaux six ; le tout oultre leurs gaiges, il remit le reste entre les mains du trésorier des réparations, pour en rendre compte avec les aultres deniers de sa (barge. Mais il n'oublia, auparavant s'en defûûre , d'en distribuer aux chefs des quatre cornpaignies qui estoient demeurées pour la garde àt Metz , comme il avoit faict à ceux qui estoient venus au siège, à l'exemple de David, qui ordonna que ceux qui gardoient le bagaige participeroient aussi-bien au butin que les autres qui, estants allez à la faction, I*avoient gaigné sur Tennemy. £t furent ces liberalitez si bien départies, que, depuis le plus grand jusques au pins petit, il n*y eust personne qui ne demenrast très-contant ; louants en une infinité de sortes la grande et incomparable équité de leur chef, qui y oultre ce, ordonna mille escus aux povres, et flst payer ceux qui avoient des malsons par les cliamps sur le passaige des AUeloants, qui avoient mangé leurs bestiaulx et consommé leurs fourraiges : obligeant, par telles charitez, tout le monde à louer Dieq et le prier pour sa bonne prospérité et santé.
Il avoit laissé à M. de Vadancourt trois compaignies de vieilles bandes françaises pour la garde de la ville , et les cinquante harquebusiers À cheval de sa compaignie , desquels estoit capi* tainne Chesnaye de Craonnois, surnommé Lailier, fort vaillant homme : car en ce temps- là à chasque eompalgnle de gensdarmes il y avoit
cinquante harquebuziers à cheval , qui servoient à faire les descouvertes et escarmoucher çà et là ; et les appelloit-on argouiets.
Or estant M. de Yieilleville, par ceste nouvelle et bienheureuse conqueste , demeuré en repos , et tout le pays messin semblablement , il ne se donnoit plus de peine que d'envoyer gens en campaigne , pour descouvrir les entreprises de l'armée ennemye qui avoit deffait le mareschal de Thermes ; en quoy il n'espargnoit nullement l'argent , po«r y estre fidèlement servy. Et trouva que le roy d'Hespaigne n'entreprenoit rien de son costé ; de quoy il fut fort desplaisant , pour la résolution qu'il avoit faicte de se jecter dedans Théonviile et y mourir, s'il la fust venu attaquer en personne ; n'estimant rien sa vie au prix de l'honneur qu'il eust acquis à tenir contre un roy d'Hespaigne et d'Angleterre, fils du plus grand et plus belliqueux empereur que le soleil aict rayonné depuis Gharlemaigne , bien qu'il y en aict eu trente-huict entre eulx deux.
Mais il fut adverty qu'il assembloit de terribles forces pour aller droiet à Amiens , où estoit le Roy, qui ne dormoit pas de son costé, et faisoit son amas sur la rivière de Somme, et l'aultre sur celle d'Authye.
Le Roy, pour cest effet et se monstrer le plus fort , depescha ung courrier à Metz devers M. de Vieilleville, affîn qu'il luy envoyast le plus de forces qu'il pourroit; lequel, sans rien reco* gnoistre , ny aulcune appréhension de demeurer foible , car la citadelle estoit quasi en deffence, et ceste belle courtine de Théonviile , luy envoya les douze compaignies de légionnaires , sa compaignie et son lieutenant M. de Sennecterre, M. d'Espinay avec la sienne , et ne retint , pour toute cavallerie , que Lancques. De sorte que ces deux armées , estimées chascune de plus de soixante mille hommes , se tranchèrent et ramparerent , se flancquants d'artillerie , comme si elles eussent voulu faire un long séjour et se matter l'une l'autre par temporizer ; car elles y furent environ trois mois sans rien faire ny entreprendre , pas seulement s'escarmoucher que bien peu.
