CHAPITRE XXI

Kntralîen de M. de Vieilleville avec le Roi. — Sa Majesté lai donne an brevet de maréchal de France.

[1559] Estant doncques M. de Vieilleville auprès du Roy , Sa Majesté le tira à part pour conférer avecques luy des cboses susdictes; où il n'oublia de luy ramentevoir le très-grand service qu'il luy avoit faict en la prînse de Théonville, mauldissant cent et cent fois Tambition qui avoit rompu le col à ses aultres braves entreprises; sans laquelle il avoit bien sceu que toute la duché de Lu:xembourg seroit de ceste heure incorporée à la couronne de France; et si le duc de Guise eust poursuivy sa victoire, et ne laisser son armée à M. de Thermes, il y avoit grande espérance de réduire la Flandres en son obéissance, car tous les Pays-Bas estoient merveilleusement esbranlcz de Tarmée qu'il avoit si promptement dressée devant Théonville, et puis l'aultre de Guyse sur les bras , que la conqueste en estoit fort aisée, a Et pour conclurre , dist le Roy comme en colère, il n a pas pris Théonville, cl m'a faict perdre Luxembourg qui ne vous pouvoit faillir , sans le temps qui se perdit pour l'allendre, ensemble Tesperance que je me promettois de la Flandres : que mauldit soit encore ung coup Farabition 1 »

M. de Vieilleville, voyant que Sa Majesté sçavoit la vérité de toutes choses, ne luy sceut rien aultre respondre , sinon qu'il voyoit bien qu'elle avoit esté bien informée du faict, et que sans doubte M. de Guyse estoit la seule cause de ce malheur; car il n'avoit aulcun besoing de sa présence, ny de ses forces, pour venir au-dessus de son entreprise; etmonstra à Sa Majesté la

lettre qu'il luy avoit escrite, par le capitainne de La Salle , pour le sur-attendre. De quoy elle ftat par trop esbahie.

Et , continuant ses propos , elle luy demanda s'il estoit vray que le maréchal Strozzy avoit faict une si misérable fin. A quoy M. de Vieilleville respondit qu'il n'estoit aultrement besoing d'en rien publier davantaige, estant cela en la miséricorde de Dieu , que nos esprits ne peuvent comprendre ; aussi que, ayant cest honneur d'estre proche parent de la Royne, il n'estoit pas licite d'y apporter du scandale. Ce que Sa Majesté eust fort agréable, et le trouva fort bon.

En après, il lui demanda pourquoy il avoit proposé qu'il falloit desmollir de fonds en comble Théonville et la raser du tout. Il respond : i Pour deux raisons, Sire, que Vostre Majesté trouvera fort légitimes. La première, que l'Empereur avoit faict razerrez-piedrez-terre la ville de Therouanne , Tune des plus anciennes villes de toute l'Europe , portant tiltre d'évesché , bas ^ tie , il y a plus de trois mille trente-cinq ans, par un prince de Troyes (i), nommé Morlneus, qui se vint réfugier en la Gaule après la destruction de Troyes ; et de n'avoir poinct la revanche de cela , il luy sembloit que la nation française seroit blasmée de ne se ressentir aultrement d'un si grand oultraige receu. L'aultre, que si la paix se faict, il fauldra nécessairement rendre toutes les villes et places fortes que vous avez prises l'un sur l'aultre, et les restabllr en leur premier estât. 9 Sa Majesté replicqua qu'elle estoit bien marrie que son oppinlon , qui estoit très-bonne et fort considérab!e, n'a volt esté suivie ; car , par nécessité la paix se faisant, il faut que cela advienne. Mais il prevoyoit bien que M. de Guise vouloit que la place demeurast en son entier pour une marque de sa mémoire , et adjouster ceste conqueste à celle de Calais. En quoy toutesfois il se trompoit , car la France et toute rAllemaigne sçavent trop à qui en appartiennent l'honneur et la gloire, a Et quant à moy, monsieur de Vieilleville, dist-ll lors, comme bien informé de tout ce qui s'y est passé , ainsi que je vous ay prédict , je les vous adjuge et vous en donne ma voix. Mais ce n'est pas tout; car vous y avez faict de si grandes preuves de vostre valeur et industrie, d*une très-admirable diligence, avec le grand hazard de vostre vie, que vous cuydastes perdre à la prise du tour« rillon , que je serois le plus in<];rat prince du monde si je ne vous faisois une récompanse condigne à vostre mérite, et aux très-grands et si-

If ) TradUion fabuleuse.

HÉMOIBBS DE YTBILLBVILLB. — HBNBI II. [1559]

gnalez services que vous avez faiets de-cà et delà les monts et sur la mer , au bien et advancement de la couronne' de France, depuis le temps que le feu Roy, mon seigneur et père, me commanda de vous mettre au rang des premiers gentilshommes de ma chambre. » Et ce disant , il avoit ung brevet signé de sa main, et contresigné des quatre secrétaires des commandements , qu'il luy mist en main , duquel la teneur s'ensuict :

« Aujourd'huyquinziesme de février 1558 (1), le Roy estant àVilliers-Costerets, memoratlf des braves , magnanimes et vertueux gestes que a faiets depuis vingt cinq ans , pour le service et advancement de la couronne de France, le sieur de Vieilleville , chevalier de son ordre, conseiller en son conseil privé , capitainne de cinquante hommes d'armes de ses ordonnances, et son lieutenant-gênerai en la ville de Metz , pays messin et terres adjacentes, àicelluy Sa Majesté a donné et donne, pour commencer à recognolstre ses mérites et services , le premier estât de mareschai de France vacant; et au cas que dedans Tannée, à compter de la datte de ce présent octroy et brevet de don, il n'en vacquast aulcun , Sa Majesté luy a promis et promect, en foy de roy et prince souverain , d'ériger ung estât de mareschal de France qui sera supernumeraire, pourTen pourvoireten jouir aux honneurs, qualitez , prérogatives , authorités , tiltres , gaiges , pensions et pouvoirs, de telles prééminences et grandeurs que ont accoustumé faire les quatre mareschaulx de France qui de toute ancienneté ont esté establis et instituez en ce royaume , et soubs ceste couronne : en tesmoing de quoy Sa Majesté a signé ce présent brevet de sa main, et a commandé à nous, secrétaires de ses commandements, de le contre-signer, pour valider et servir à la confirmation de sa volonté. Donné à Yilllers-Costerets, Ijs jour et an que dessus. Ainsi signé Henri; et au-dessoubs, de TAubespine, Bochetel , Bourdln, Dutier. n

Mais en l'honorant dudict brevet, Sa Majesté adjousta ces paroles : « Il me desplaist grandement , quand le mareschal Strozzy fut tué, que vous ne m'en advertistes ineontinant; car je jure au Dieu vivant que je vous eusse préféré à celluy qui a eu son estât ; et me deviez bien faire souvenir de la promesse que je feis au feu Roy mon seigneur en vostre présence, que si je ne vous donnois le premier estât de mareschal vaccant après sa rnort^ que je vous préférasse au

(I) Nons aTons déjà dit que l'année commençait à Pâqnes en ce temps-là; par conséquent cette date tombe en 1559 , suivant la manière actuelle de compter.

moins , pour Tamour de luy , au second ; et m'en fist un exprès commandement, sur l'obéissance que les enfans doivent à leurs pères, et m*y obligea comme par testament et dernière volonté : ce que le comte de Sancerre , qui aussi estoit présent à sa mort , me sceust bien Taultre jour, non pas seulement ramentevoir, mais en grande colère reprocher , alléguant vos valeurs et mérites , et en fort bonne compagnie , d'avoir laissé passer tant d'occasions sans exécuter ce eommandement. »

A quoy M. de Vieilleville respondit t que pour mourir il ne Teust voulu accepter, Tassearant que quiconque l'avoit Induict À pourvoir M. deThermesdel'estatdumarechalStrozzi, estoit la principale cause de sa deffaicte. Car il fauU nécessairement que nos Roys ayent une maxime, de jamais ne donner ung estât de mareschal de France vaquant lorsqu'ils auroient leure années en campaigne et l'ennemy en teste ; car il n'y a seigneur ou grand capitainne en l'armée, qui ne se paisse de l'espérance de ce brave tiltre d'honneur pour récompance de ses services , et qui ne s'en sente aultant digne^ capable et d'illustre maison, que celluy qui en a esté pourven; qui est cause que, se voyants frustrez de l'espérance de leurs mérites, ils se retirent, par un extrême crevecueur dejalouzie , en leurs maisons, faisant une merveilleuse bresche par leur retraicte en une armée. Ce qu'a malheureusement esprouvé ce povre mareschal de Thermes ; car il ne fost pas sitost proclamé , que les sieurs de Ylllebon , de Senerpont, de Morvilliers, de Bonnivet , de Crevecueur, vidame d'Amiens et de Pecqpiigny ne l'abandonnèrent : en se retirant de l'armée, ils y firent bresche de dix-huict cents ou de deux mille chevaulx. Ce que voyants ceulx des Pays- Bas , le chargèrent de telle furie, qu'il en est advenu ce que vous voyez. Et Vostre Majesté mesme sceit bien à quoy s'en tenir, car ayant envoyé au sieur Pierre Strozzy Testât de mareschal de France en vostre armée de la Toscanne, où il y avoit vingt ou trente grands seigneurs naturels français, vous en perdîtes la Toscanne et tout ce que vous pouviez espérer au-delà des monts Apennins , car tous l'abandonnèrent ; et, se retirant , toute la noblesse française les suivist ; et devint le nom français , depuis ce grand coup d'estat , très-odieux et en très-grand mespris par toute l'Italie, jusques à vouloir préférer à Rome l'ambassadeur d'Hespaigne à ceiny de France , ce qui n'avoit jamais esté auparavant ce grand desastre mis en dispute ; car, de tonte ancienneté et temps immémorial, l'ambassadeur de France a tousjours précédé tous les am* bassadeurs de la chrestienté auprès du Pappe. i

MÙIOIBBS DS VIBILLBVILLB. -^ HBNRI II. [1559]