CHAPITRE XXII

M. de VieiUcville Mtitte ani conférencei de la paix , qui le tiennent à Gateau-Cambresis.

Quand le Roy eust bien soigneusement escoalé les discours de M. de Yieilleviiley il luy dist qu'il voyoit bien que son ambition n'apporterait jamais aulcun préjudice à sa couronne , eocores aussi peu ses concussious et larcins , et qu'il estoit impossible à tout serviteur du Roy, de quelque qualité qu'il eust peu estre , de mieux Dy plus dignement conseiller son seigneur et sou maistre; et, pour ceste cause, il luy commanda de ne le plus abandonner , et se tenir prest pour aller à Casteau-Cambrezy , mener sa seconde fille , madame Claude ; que le duc de Lorraine avoit espousée le cinquiesme dudict mois de février , devers sa belle-mere, Taltesse de Lorraine, qui y estoit venue comme médiatrice de la paix \ car tous les députez y estoient desja arrivez , que je laisse à nommer pour éviter prolixité.

Mais il luy commanda qu^après avoir faict son présent de la brue à labelle-mere, qu'il les laissast ensemble pour entrer aux conférences de la paix, se confiant de sa très-grande expérience aux affaires; et pour cest effect , Sa Majesté en escrivit à M. le connestable et à M. le mareschal de Saint- André j cbefs et sur-intendants du party de France en tout ce négoce, qui Teurent trèsagréable , et le firent loger en leur voisinance , pour tousjoars s'entre-communiquer tout ce qui 9e presentoit de disputable , et y apporter , par la promptitude de son esprit , le remède requis et nécessaire. En quoy ils se trouvèrent grandement soulaigez, car sonoppinion estoit estimée des meilleures et plus solides. Et y furent tous les susdicts députez, d'une part et d*aultre, depuis la my février jusques au troislesme d'avril ensuivant 1559, auquel jour la paix fut conclue et arrestée. Et fut député pourTannoncerau Roy M. de Yieilleville, afïïnde bien faire entendre à Sa Majesté toutes les difficultez et accrochements qui s'y estoient présentez ; comme celluy qui les entendoit très-bien pour en avoir esté de moictlé, et s'y estre aultant travaillé à débattre rhonueur de la couronne de France et de son Roy que pas ung. Et de l'aultre party , le prince d'Oranges fut envoyé devers le roy d'HespaIgne pour mesmes effects , qui estoit un fort gentil prince et de bon entendement.

Il n*est possible , au reste , d'exprimer l'aise et contentement que receust Sa Majesté de ceste tres-heureose nouvelle , et comme elle demeura salisfaiete en son ame de ce que ceste négocia-

tion s'estoit parachevée avec la conservation de son honneur ; et que toute la chrestienté ne luy pourroit imputer qu'il eust plyé ou cédé à son ennemy d'un seul poinct qui eust peu offenser sa grandeur et réputation. Et fist à M. de Yieilleville de merveilleuses caresses, et meilleur visaige de racueil qu'à Taccoustumée , luy disant que, non-seulement la France , mais toute l'Europe, ne devoit remercier de ceste très-heureuse et très-nécessaire paix, après Dieu, aultre que luy , qui en avoit si dextrement, par l'entremise du moyne , faict l'ouverture. Et luy demanda ^ là-dessus , de quelle inspiration il avoit esté excité à faire partir de Metz cest angelicque messaiger, et le si bien emboucher.

Qui luy respondit qu'il estoit en telle tremeur de la subversion de son Estât s'il eust donné la bataille, qu'il cuyda aller luy-mesme devers le roy d'HespaIgne en habit dissimulé. « Car il ne fault doubter. Sire, que ne l'eussiez perdue, estant bien adverty que de jour à aultre vostre armée s'escouloit, estant la retraicte fort aisée^ principalement à vostre noblesse, qui s'ennuye incontinant , et généralement tous les Français , s'ils ne sont chaudement employez et mis en besoigne ; aussi, que la pluspart des douze compaignies de légionnaires que je vous avois envoyez, estants dedans leurs pays, s'estoient retirez en leurs maisons. D'autre part, ayant envoyé cinq ou six hommes dedans les Pays-Bas, qui m'estoient fort fidèles, d'heure à aultre m'advertissoient que les meilleures villes de Flandres faisoient descendre, à despens communs, de terribles forces de la Basse-AUemaigne , devers Gouloigne et la Lyvonye, pour vous venir combattre, et donner une esirette, saichant que vostre armée estoit diminuée des deux parts. Et, ce qui estoit plus à craindre, c'estoit dedans vostre royaume qu'ils vous eussent livré la bataille ; avec protestation résolue de ne tomber pas en la faulte qu'ils firent après la^rlctoire de la journée Saint Laurent , mais de vous enfoncer jusques dedans Paris, où tout le monde fust allé de trèsardent couraige, sur l'espérance du butin et pillaige d'une si riche ville. Et ne fault doubter, Sire , que nos Allemants mesmes ne se fussent joincts avec eux pour y participer et s'y enrichir. Toutes lesquelles raisons me firent appréhender vostre ruyne , et m'esmeurent à praticquer ce moyne, que je cognoissois d'esprit, et mon affectionné, lequel je gardai quatre jours en lieu secret pour l'emboucher et apprendre sa leçon ; qui Ta si bien retenue et exécutée, qu'il s'en est ensuivy ce que vous voyez ; et en gouste présentement les fruicts Votre Majesté, dont Dieu soit loué. »

Le Roy, sur ce discours qu'il escouta fort attentivement, luy dist telles parolles : a Je veoy bien, monsieur de Yieilleville, que, quelque esloiguement qu'il y aict entre nous deux , vous avez toujours le cueur tendre sur les événements de ma fortune; qui me faict bien cognoistre le le grand zèle et pure fidélité que vous portez à mon service , et de ceste couronne ; protestant devant Dieu, et toute ceste assistance, de ne me jamais plus précipiter, comme j'ai faict, en la distribution des estats que vous venez de nommer. Car je cognois bien maintenant que toutes les pertes que j'ay faictes, et les malheurs qui me sont advenus, proviennent de m*y estre trop inconsidérément laissa aller et persuader, aultant pour le regard de Strozzy que de Thermes ; et pouvez croire que vostre remonstrance ne sortira jamais de mon entendement, comme très-utile et fort nécessaire a la manutention de mou £stat. Je veulx, au demeurant, partir demain pour aller à Paris y attendre mes députez, qui apporteront la ratification de toutes choses. Mais cependant, j'ay advisé que la cour de parlement et la chambre des comptes entendent ceste bonne nouvelle par vostre mesme bouche, et aux propres termes que vous la m'avez recitée, sans oublier la leçon du moy ne, et Tinstructiou que vous m'avez donnée pour me gouverner désormais eu la distribution des honneurs et grands estats de France, affin que ces deux corps de parlement et des comptes cognoissent que vous n'estes poinct inutile auprès de ma personne, mais trèsnécessaire , me disant toujours sans flatter, en toutes choses, la vérité. »

Cela dict, parce que c*estoit en sa chambre que ce colocque se tenoit, en laquelle est toujours tendu le second lict qui est dédié pour le premier gentilhomme de la chambre, qni estoit lors M. le mare^chal de Saint André, Sa Majesté luy dict qu'il vouloit qu'il en print possession, et qu'il y couchast tandis que ledict sieur mareschal seroit absent. De quoy toute l'assistance fut par trop esbabye , mais encores plus de ce que le trésorier de l'espargne, qui avoit fait apporter quatorze sacs de mille escus chacun, et les ayant mis sur la table devant le Roy, Sa Majesté en print dix qu'il donna à M. de Yieilleville ; présent de dix mille escus qui luy vint fort à propos pour l'acquitter de l'excessive despence cy -dessus recitée ; et les aultres quatre à M. d'Espinay son gendre et ù M. de Thevalle son neveu. Puis, rompant compaiguie, il commanda à tous de s'apprester pour desloger le lendemain, et aller coucher à Danipmartin en Gouelle. Ainsi chacun se retira trcs-ai^e d'aller à Paris, et non sans esbahissemcnt des grandes faveurs que

MÉMOIRES DB VIBILLEVILLE. — HENBt II. [1559J

M. de Yieilleville avoit reoeoM en leurs picsences ; et le tenoient desja pour mareschal de France.