CHAPITRE XXVI
La cour de Fmocc se plaint de ce que TEmpcreur n'y a [ point envoyé d'ambasiadcur.
Et après ces parolles , M. de Vieilleville, qui avoit fûct graver une douzaine de médailles d'or à Metz , du poids de trois escus chacune ; où es-
toit d'un costé le portraict du Roy, et de i'aultre ceiluy de sa mère , fort bien représentez , en tira une pendante à une chaisnette d*or qu'il présenta à la princesse , suppliant la Majesté de ITmpe « reur de luy commander de la prandre ; ce qu'il fist avec bien grande joye. Et elle la prenant comme ravie d'aise , redoubla le baiser, et la pendit à son col avec les aultres babioles que femmes et filles y portent communément. Mais M. de Vieilleville luy remonstra que ceste princesse requeroit semblablement son portraict pour le porter à son serviteur. Ce que l'Empereur avec grand aise et contentement luy promist et accorda , et le fist entendre à sa niepce. Et ainsi , sur ces discours d'amours , la compaignie se départit, et chacun se retira.
Le cinquiesme jour fust employé aux despesches que l'Empereur faisoit pour respondre à toutes lettres et créances que M. de Vieilleville luy avoit apportées ; qui fut cause que nous ne le vismes poinct tout ce jour-là. Mais cependant nous ne laissasmes pas d'estre en festins , collations , danses et aultres passe-temps , dont le disner fust au logis du cardinal d'Arras, la collation par les princesses , où estoit des premières l'Infante Elisabeth en ung fort merveilleux appareil; où les danses continuèrent jusques au soupper, qui fust chez l'ambassadeur de France , et très-magnificque , auquel toute la susdicte trouppe assista ; et recommencea le bal de plus belle.
Le lendemain l'Empereur envoya quérir M. de Vieilleville pour luy communiquer le tout ; où il trouva que Leurs Majestés demeureroient fort contentes et satisfaictes de telles et si cordiales responces, qui scelloient une inviolable amitié entre les deux maisons. Et avoit Sa Majesté fort pertinemment respondu , et à cueur ouvert , à tous les articles contenus en son instruction, hormis à ceiluy sur le faict de l'ambassadeur, qui contenoit ces propres mots :
« Ledict sieur de \ieillevitle luy fera semblablement entendre que de tout temps immémorial il y a eu des ambassadeurs des rois de France auprès des Empereurs , et des Empereurs auprès des rois de France; et qu'ils ont juste occasion de trouver estrange que depuis qu'il est parvenu au supresme grade d'honneur de la chrestienté , par la démission que luy a faicte de la couronne impériale l'empereur Charles cinquiesme son frère , ils ont tousjours entretenu des ambassadeurs auprès de luy, et que ceiluy qui y est à présent a parachevé , peu s'en fault, son service, qui est limité à tous ambassadeurs à trois ans ; toutesfois il n'en a poinct depuis ce temps-là envoyé ni entretenu ung seul en France : et qu'il
MÉMOIBES DE VIEILLEVILLE. — CHARLES IX. [t56S]
s'eacquiere soigneusement dudict sieur Empereur à quoy il tient quMl ne mutualize ceste fraternité; et sMI se ressent de quelque chose du passé qui Fesmeut À leur tenir ceste rigueur, que librement il en affranchisse leurs esprits , affin qu'ils y remédient ; car, encores qu'ils la puissent j avec grande raison , appeller mespris en leur endroict , si est-ce qu'ils ne veulent pas , IK)ur n'Irriter l'heureuse et Inviolable amitié qu'ils veulent former avec luy par ceste visitalion , luy donner aultre tiltre que d'oubliance , espérants que l'en faisant souvenir il se y pourra plier : ce que ledict sieur de Vieilleville sollicitera sans intermission. »
C'estoit le vray contenu de ccst article , sans y rien adjouster ou diminuer. Sur lequel M. de Vieilleville dist À Sa Majesté qu'elle avoit bien articulairement respondu sur toute son instruction ; mais , ayant obmis cestuy-là , il la supplioit très-humblement de l'en esclarer; car s'il n*en portoit une ample resolution au Roy son maistre , à la Royne sa mère et à leur conseil , il penseroit n*avoir faict que demy-voyaige.
