MEMOIRES DE VIEILLE VILLE. — CHARLES IX

aise, sans estre poursuivi, à Sainct-Denys avec* ques ses blessés; mais , bien plus , qu'il se présenta le lendemain en bataille devant Tarmée ennemie , et qu'il n'y eust ame vivante des leurs qui osast venir au combat , encore qu'ils y fissent alte jusques à midi ; et un cbef ne se peult dire saezy de Thonneur d'une journée, qu'il n'aict chassé , deffaict et tellement ruyné et achevé son ennemy , qu'il ne s*en puisse relever ; et tant s'en fault que cela soit advenu , que le matin ils reffuserent la bataille ; et ung milliasse d'aultres propos que tenoit ledit sieur prince pour tirer le droict de son costé.

M. le mareschal de Montmorency alleguoit d'aultre part que l'honneur luy appartenoit, d'aultant qu'il demeura maistre du champ de bataille et qu'il eust tout loisir d'enterrer ses morts ; et que tout le bagaige de ses ennemis fust pillé et emporté par les siens ^ et leurs corps demeurez nuds sur la place , aux chiens et oiseaulx : de dire que son armée print la fuicte devers Paris avec ung grand spavente, sont propos faicts à plaisir ; mais y allèrent seulement ceulx quMl ordonna pour la conduite de M. le connestable son père ; il confessoit bien qu'il y y avoit plus de mille hommes, mais c'estoit pour servir d'escorte À sondit père ; car il y avoit tant de fuyards de l'armée ennemie , que , s'ils l'eussent veu mal accompaigné , ils se fussent peultestre ralliez et Jectez dessus luy et sa trouppe , estant petite.

Sur ces propos , le Roy et les mareschaulx de Brissac et de Bourdillon ne pouvoient asseoir aucun Jugement, tant pour rincertitude des allégations, que pour ce qu'il n'y avoit en la compaignie personne qui n'y fust du party catholique et suspect en la matière , et qu'ils ne vouloient pas tollir au plus ancien mareschal de France, qui estoit de Montmorency, ce qu'ils pensoient à la vérité luy appartenir.