Arch. nat., R^ÔS

que l'on procéderoit par effet à l'exécution de mon édit de pacification, qui est la chose de ce monde que je désire le plus, affin de veoir mes sujects unis en repos par le bénéfice d'icelluy. Mon cousin, je sçay que vous me pouvés beaucoup servir en cette occasion; partant, je vous prie me faire connoistre par effet l'afïection que vous portés à mon contentement et à la tranquillité de mon royaume, et croire que je recognoistray le devoir que vous y ferés, comme vous fera entendre de ma part le s"" d'Arqués \ en vous délivrant ou envoyant la présente. Priant Dieu qu'il vous ayt, mon cousin, en sa saincte garde.

Écrit à Paris, ce 16 mars 1579.

Henry.

catherine de médigis au maréchal de damville^.

Agen, 17 mars 1579.

Mon cousin, il y a quelque temps que, pour quelque leiger propos que le s' viconte de Turenne et le s' de Rozan eurent ensemble, il s'estoit meu aussy quelque débat entre lesdicts viconte de Turenne et de Duras, dont je les avois depuis deux jours mis d'accord, par l'advis des princes et s"^* du Conseil privé du Roy, Monsieur nion filz, et aultres s'* et cappitaines qui sont icy : toutesfois, contre les défenses que leur avois faictes, de la part du Roy, mondict S' et filz, et de moy, de ne se demander rien l'un à l'aultre, pour ce qui restoit à accorder entre ledict s"^ viconte de Turenne et le frère dudict s"^ de Duras, qui n'estoit lors icy, ilz se sont