Bibl. nat., f. fr. 3203, fol

appeliez, sans que personne en ayt rien sceu, et combatuz ce jourd'huy de grand matin, sur la grève de ceste ville, s'estans blessez les ungs les aultres, dont je fais informer par la Chambre de Parlement establie en ceste dicte ville, pour en faire faire la justice exemplaire à rencontre de ceulx qui se trouverront avoir failly, estant ce que l'on doibt désirer ; mais, afFm que chacun entende comme le tout est passé et ne soit cela cause cependant d'interrompre ou retarder l'exécution de la résolution de nostre conférence tenue à Nérac au bien de la paix, je vous en ay bien voulu escripre ce mot de lectre, affin que vous sçaichiez comme ce que dessus est advenu et le faciez entendre à ceulx que verrez que besoing sera, tenant la main que, pour cela (qui est ung faict particulier et dont la justice se fera sur ceulx qui l'auront mérité), le bon œuvre de la paix et l'exécution d'icelle ne soit aulcunement différé ny retardé. Priant Dieu, mon cousin, vous avoir en sa saincte et digne garde. Escript à Agen, le xvif jour de mars 1579.

Vostre bonne cousine, Gaterine.

DISCOURS DE LA QUERELLE DU VISCOMTE DE TUREYNE AVEC LE SIEUR DE ROZAN, 1579^

L'an mil cinq cens soixante et quinze, estant à Montauban, commandant en Guyenne à ceulx de la Religion et Gatholicques, uniz soubz l'auctorité de Mon-

1. Bibl. nat., Cinq cents de Colbert, t. XXIX, fol. 231 v°. Ms. f. fr. 20153, fol. 177 r°. — Ce récit semble écrit par le vicomte de Turenne lui-même; il est, d'ailleurs, le développement de deux pages des Mémoires. — (Voir plus haut, p. 141 et suiv.)

seigneur le prince de Gondé et depuis de Monseigneur, il advint que ceulx de Gaslelzaloux jectèrent le s' de Savillan' hors de leur ville, lequel y commandoit, et lors, craignant que la ville ne se perdist, j'ay mis le sieur de Rozan pour y commander. Depuis, ayant receu commandement de Monseigneur de l'aller trouver avec des forces et veoir toutes les villes en passant, les laisser en bon estât et seureté, et luy en apporter au vray Testât, tant desdictes villes que des hommes et deniers, pour commencer madicte charge, je m'acheminay à Glérac-, où estant je sceuz que quelques ungs avoient assiégé un chasteau qui tenoit pour mondict seigneur, duquel désirant faire lever le siège, je feuz contrainct d'assembler quelques forces, où vint ledict s' de Rozan avec une trouppe. Je luy parlay alors, pour adviser de faire faire raison au s"" de Savillan de quelque argent que luy retenoient ceulx dudictGhasteaujaloux, à quoy il m'assura de tenir la main; je luy dis aussi que je yrois audict Ghasteljaloux : à quoy il me respondit qu'il m'y feroit tout l'honneur qu'il pourroit et que je y serois le très bien venu. De là, je m'en allay à Gaumont, et, depuis, à Damazan, d'où j'escrivi au s"^ de Rozan que je m'en allois à Gasteijaloux : ce que je fiz; mais quelques ungs de mes gens s'estant mis devant et s'estans présentés aux portes pour y entrer, elles leur furent refusées; ce que ayant entendu, je priay Mons"" de Reniez d'y

1. Sur Savailhan, voir la note de la p. 118, et la Monographie de Gasteijaloux, par Samazeuilh, publiée à Nérac en 1860, in-8°, p. 103.

2. Gasteijaloux, Clairac, Damazan (Lot-et-Garonne), arr. de iVérac.

aller, lequel ayant parlé à ceulx qu'il trouva à ladicte porte, les habitans, tous d'une commune voix, luy crièrent que ce n'estoient poinct eulx, mais que c'estoient ceulx de Mons"" de Rozan, qui avoient la force en main, qui l'empeschoient. Sur quoy, ledict s"" de Reniez ayant parlé à ung nommé La Garenne, qui faisoil Testât de scrgent-majour dans ladicte ville, il luy fut respondu par ledict La Garenne qu'il avoit commandement de Mons' de Rozan de n'y laisser entrer personne et qu'il n'ouvriroit poinct, que ledict s'" de Rozan debvoit retourner le lendemain et qu'il s'assuroit qu'il seroit bien aise de m'y veoir. Ayant sceu ceste responce, je m'en allay à Malevirade, où je demeuré tout le reste de ce jour-là et le lendemain encores, affin de l'attendre ; mais, voiant qu'il ne revenoit poinct, je m'en allay à Gaumont\ continuant tousjours mon voiage pour aller trouver Monseigneur. Depuis ce temps-là, je n'avois sceu trouver ledict s" de Rozan, à cause des troubles, jusques ung peu auparavant des troubles de l'année VLXXVI, que, revenant d'Agen, où j'estois allé veoir le roy de Navarre, accompagné de quarente gentilzhommes et environ de trente ou trente cinq arquebuziers, je le trouvay auprès d'Éguillon avec huict ou dix chevaulx en tout ; et, passant près l'un de l'autre dans ung chemin estroict, je le recongneuz. Voiant ceste occasion, je priay le capitaine Valirois, l'aisné, qui estoit avec moy, de luy aller dire de ma part que j'estois dans ung pré là auprès, où je le priois de venir, affin de tirer raison de luy de quelque chose que j'avois à luy