Damazan (Lot-et-Garonne), arr. de Nérac

LE ROI HENRI lU AU VICOMTE DE TURENNE.

[24 juin 1579'.]

Mon cousin, je m'asseure tant du zelle et affection que vous portez au bien de mon service et à la transquilité publicque de mon royaulme, que je suis certain que vous seriez bien marry qu'il s'entreprist rien pour vostre particullier, qui peust apporter retardement à l'establissement de la paix et troubler mes affaires. C'est pourquoy, ayant esté adverty des assemblées qui se commancent à faire, soubz prétexte du différent que vous avez avecques le s"" de Duras, desquelles il ne peult advenir que beaucoup de préjudice et recullement à mondict service, mesmement sur l'exécution de mon eedict de pacifification, je me suis advisé vous faire la présente, par laquelle je vous prie, mon cousin, sur tant que vous désirés faire chose qui me soit agréable, ne permettre que telles assemblées se facent; et, d'aultant que j'ay deslibéré prandre moy-mesmes la congnoissance de vostre différent, auquel toutesfois je ne désire toucher, que la Royne, Madame et mère, ne soit de retour, afïin de m'y conduire par son advis, estre content, pour l'amour de moy, prolonger jusques à' ce temps-là la promesse que vous avez faicte à la Royne, madicte Dame et mère, de ne vous poursuivre et demander rien un à l'aultre; et je vous feray lors congnoistre par effect que je ne suis moings jaloux et soigneux de la conser-