Cop. Bibl. nat., f. fr. 3319, fol. 176 r

vation de vostre honneur et réputation que vousmesmes. Et encores que ce soit chose que je vous prie de faire pour mon contentement, toutesfois, d'aultant qu'il y va de mon service, j'useray de la puissance que Dieu m'a donnée sur vous, en vous commandant très expressément de faire cesser lesdictes assemblées et de ne rien demander audict s' de Duras, jusques à ce que j'en aye aultrement ordonné, et vous ferez chose qui me sera très agréable, etc.

DEFFENSE AUX SIEURS VICONTE DE TURENNE ET DE DURAS DE SE FAIRE AGOMPAIGNER POUR LEUR QUERELLE^.

De par le Roy.

Estant Sa Majesté advertye qu'en son pays et duché de Guyenne et es environs, soubz coulleur et prétexte du différent et querelle d'entre les s""^ viconte de Thurenne et de Duras, plusieurs gentilzhommes et autres sont montez à cheval avec armes, dont ne peult provenir aucun bien, et affin que de cela n'advienne quelque grand désordre, avec trouble et altération au repoz de ses subjectz et establissement de la paix, que Sa Majesté veult conserver sur toutes choses et pour laquelle la Royne sa mère a freischement prins tant de peine, Sadicte Majesté faict par ces présentes très exprès commandement ausdictz gentilzhommes et aultres de se séparer et au plus tost retourner chacun en leurs maisons, sur peine d'encourir son indignation et d'estre désobéissans à ses intentions et commandemens : leur