Cop. Bibl. nat., f. fr. 15562, fol

le s'" de Dussac voluntairement [démis] de cesle charge, nous avons advisé que nous ne sauryons faire choix ne ellection de personnage qui plus dignement et avec plus de contantement d'un chascun s'en puisse acquiter que vous. A ses causes et à plain confians de vostre grande fidellité, bonne conduicte et expériance au faict des armes, vous avons commis et depputé, commectons et depputons, par ces présentes, cappitaine et gouverneur d'icelle ville et chasteau de la RéoUe, pour la garder et conserver sous l'obéissance du Roy et y faire observer ses édictz, avec pouvoir de résister à tous ceux qui y voudront atenter aucune chose au préjudice d'iceux; et, pour ce faire, la munyr de gens de guerres, vivres et autres munitions que vous jugerez sagement y deffaillir. Si prions, et néanmoings en vertu de nostre pouvoyr, enjoignons très expressément aux manans et habitans de ladicte ville, qu'ilz ayent à vous obéir et respecter en tout ce que leurs commanderez, et pour cest efFect, et en vostre absance, à celuy que vous y commecterez et députerez, lequel nous voulions et entandons vous représenter, avec tel pouvoir et octorité que si vous y estiez en personne, faisant chastier et punir exemplairement ceux que vous trouvères sédicyeux et rebelles, afin que les aultres y prennent example, et générallement faire en ceste charge tout ce que ung bon et sage capitaine doit et est tenu faire en une place, de sorte qu'il n'en puisse advenyr aucune faulte ny inconvénient : de ce faire, vous avons donné et donnons plain pouvoir, puissance et octorité, commission et mandement spécial; mandons et commandons à tous justiciers et officiers de la ville qu'à vous ilz obéissent et entendent

diligemment. Donné à Mazères\ le xiv® jour de janvier 1580.

Henry.

Par le roy de Navarre, gouverneur et lieutenent général,

Berziau.

Commission de Monsieur de Turenne .

15 janvier [15802].

Henry de la Tour, viconte de Turenne, conte de Montfort, baron de Montgascon, Oliergues, Bouzoles^, Croc, Fahy et Servissac^, cappitaine de cinquante hommes d'armes des ordonnances du Roy, au s' de Beauchamp^, salut. Comme il a pieu au roy de Navarre, gouverneur et lieutenant général pour Sa Majesté en Guyenne, nous commectre et donner la charge de cappitaine et gouverneur de la ville et chasteau de la Réolle, remise entre ses mains par la dimision voluntaire que luy en a foicte le s"" de Dussac, dernier gouverneur et cappitaine de ladicte place, et que, pour les grandz affaires où sommes occuppez maintenant prez de la personne dudict s"^ Roy, il ne nous soit possible d'y résider, ledict s"" roy nous a promis et accordé de comectre en nostre place ung gentilhomme duquel la

1. Mazères, un des fiefs du roi de Navarre dans le pays de Foix (Ariège), cant. de Saverdun, arr. de Pamiers.