Thomas Vasselin, écuyer, sgr de Beauchamp

fidélité et bonne affection au service du Roy, et si en nous, soit congnue ; savoir faisons que nous, à plain confians de vostre fidélité, prudhomye, conduicte, expérience au faict des armes et bonne diligance, à ces causes, vous avons comis et député, comectons et députons par ces présentes, pour, en nostre absance, tant qu'il nous plaira et que nostre pouvoir s'estandra, commander en ladicte ville et chasteau de la Réolle, la garder et conserver sous l'obéissance du Roy et autorité du roy de Navarre, y jouissant des mesmes honneurs, privilèges, prérogatives, droictz, proufictz, gaiges et esmoluemans qu'avoyent acoustumé de jouyr et user les aultres cappitaines et gouverneurs, voz antécesseurs, et vous opposant à tous ceux qui viendront atanter au contraire. Mandons au cappitaine ordonné pour la garnison de ladicte ville, consulz et habitans d'icelle, et tous autres qu'il appartiendra, de vous y obéir et porter tout respec et ayde, confort et faveur, comme ilz feroient à nous-mesmes, si nous y estions en personne; de ce faire vous avons donné pouvoir, commission et mandement spécial. Donné à Mazers, le quinziesme jour de janvier.

Par mondict seigneur, Turenne.

Gerton.