Autogr. Bibl. nat., f. fr. 15906, fol

leur devers Son Altesse, pour recevoir ses commandemans et les advis de vous aultres messieurs, et ppincipallemant de vous, Monsieur, vous supliant me mander comme je m'y doy gouverner; car, de fidélité et d'afifection, je vous jure devant Dieu que je n'en manqueray en chose du monde, et aymerois mieux perdre la vye, que je n'y marchasse avec toute la sincérité qu'un homme de bien y peult et doibt apporter. Je vous suplie me le renvoyer, le plus tost qu'il vous sera possible ; car j'attendray son retour avec beaucoup de peyne. J'ay esté icy avec Monsieur de Montmorancy, à qui j'ay communiqué de mesmes tout ce que dessus, et eussions desjà beaucoup advancé. Quant à la despesche que vous m'avez envoyée pour le Dauphyné, je ne sçay bonnemant comme je m'y doys gouverner, d'aultant que je l'ay receue sans aulcunes lettres adressantes à Monsieur de Mayne, et ne sçay si je luy dois envoyer ladicte commission, ou si on luy en a faict tenir aultant par aultre voye, joint qu'il ne serviroit rien d'y aller, que nous n'eussions faict icy, d'où les aultres prendront l'exemple et le chemin pour se gouverner. Je vous remercye au reste bien humblemant de la peyne qu'il vous a pieu prendre de m'envoyer la rescription de mille esculz ; mais je n'en ay rien peu toucher du tout, tellemant que, s'il ne vous plaist m'en donner une aultre, mieux assignée et pour plus grande somme que cela, je suis contraint de demeurer, d'aultant que tout l'argent que j'avois apporté de chez moy s'en est allé, et si n'ay en rien agrandy ma despence ordinaire, ainsi que ce porteur vous pourra faire entendre. Je vous suplie donc, Monsieur, y vouloir adviser et me faire ce bien de me

tenir tousjours en la bonne amitié et affection qu'il vous plaist me porter, et je vous serviray de réciproque amitié, accompagnée de véritables effectz, en tout ce qu'il vous plaira de m'empioyer, d'aussi bon ceur que je vous baise bien humblemant les mains. Priant Dieu,

Monsieur, vous tenir en sa sainte et digne garde.

A Montpellier, ce xviii® mars 1581 .

Vostre humble et affectionné amy pour vous faire

^®'^^*^®' TURENNE

Monsieur, j'avois oublié de vous dire comme Mons"^ de Montmorancy et moy, pour ne frustrer le hault Languedoc du bénéfice de la paix, puisqu'il la veuU. recevoir, nous avons député, chacun de sa part, des gentilzhommes pour l'exécuter, et mandons à Monsieur chacun trois villes pour la séance de la Chambre, affin qu'il plaise à Son Altesse nous faire entendre sa volonté. Aussi, Monsieur, j'ay une requeste à vous faire pour un de mes amiz, c'est qu'estant mort un conseiller de ladicte Chambre de la Religion, je suplie Monsieur vouloir accorder que M^ Honoré Lerson, conseiller au présidial de Puylaurens, homme de bien, pacifique et capable, y puisse estre reçeu, et pour ce faire, en escrire au Roy. S'il vous plaist. Monsieur, accompagner ses lettres d'une des vostres, vous m'obligerez tousjours à vous faire bien humble service.

Sur une petite feuille séparée : Monsieur, je vous supliray de faire payer à ce porteur son voyage, d'aultant qu'il est fort raisonnable, et puis. Monsieur, que je ne puis fournir à tout.

Vostre humble serviteur, Turenne.