LE VICOMTE DE TURENNE A MESSIEURS DE GENEVE

30 avril 1581 <.

Très honorez Seigneurs, y ayant longtemps que, pour la malice du temps et le peu de moyen que je ay eu, je ne vous ay visitez d'aulcunes de mes letres, ny adverty de Testât de noz affaires de deçà, j'ay bien voulu en recercher l'occasion par le voyage que j'ay prié Mons"" de Loque de faire en voz cartiers, pour vous advertir par luy de toutes occurrences et particularitez qui se sont passées et qui sont encores à présent sur Testât des affaires des Églyses, dont j'aurois à vous faire un grand discours, si la suffisance dudict s"^ de Loque ne me jetteroit de ceste peyne. Lequel je vous supliray de croire en tout ce qu'il vous fera entendre, et me faire cest honneur que de vous asseurer qu'il n'y a gentilhomme en France de l'amitié et service duquel vous puissiez faire plus d'estat; estans acertenez que je n'espargneray ny moyens ne vye, quant l'occasion s'en offrira, que je ne vous face paroistre que les eflfectz en seront aussi certains comme les promesses en sont véritables, comme plus amplement led. s"^ de Loque le vous fera entendre, sur lequel me reposant, après avoir salué voz bonnes grâces de mes très humbles recommandations, je priray Dieu, très honorez Seigneurs, vous avoir en sa très saincte garde et protection.

A Montpellier, ce dernier avril 1581.

Vostre afectionné serviteur, Turexne

1. Autogr. Arch. de Genève. Pièces historiques, n" 2039. — Suscription : « A très honorez Seigneurs Messieurs les Syn-