Bibl. nat., f. fr. 3306, fol. 33 v

j'ay pareillement entendu qu'il y en a qui font des praticques par forme d'associations du costé de delà, je vous ay bien aussy vouUu exhorter, par la présente, de n'y entendre en quelque façon que se soit, car telles choses sont directement contre mon service, mais vous contenir tousjours, ainsy que je m'asseure que ferez, comme ung bon et fidèle subject, avec asseurance que, oultre que c'est chose qui deppend de vostre honneur et debvoir, vous me donnerez occazion de vous aimer davantage et d'ung singulier contentement, ainsy que j'escriptz à mondict cousin le s"" de Matignon vous déclarer et faire entendre plus amplement de ma part. Priant Dieu, Mons'' de Lanssac, vous avoir en sa sainte et digne garde. Escript à Blois, le xvi^ jour d'octobre 1584.

Henry.

le vicomte de turenne a catherine de médicis.

[Octobre ou novembre 1584*.]

Madame, suivant l'asseurance qu'il pleut à Vostre Majesté me donner à Fontaynebleau^ qu'elle m'honoreroit de ses commandemans, si tost que je fus venu baiser les mains au roy de Navarre et que j'eus demeuré quelque temps près de luy, je m'en revins à Turenne, en intention d'exécuter de tout mon pou-

1. Autogr. Bibl. nat., V^ Colbert, vol. IX, fol. 98. Suscription : « A la Reyne mère du Roy. »

2. Sans doute au mois de juillet 1584, quand, revenant des Flandres, Turenne passa quelque temps chez sa grand'mère la connétable, à Chantilly, et eut occasion de voir à Paris le roi et la reine mère.

voir les commandemans de Vostre Majesté, si elle m'en eust honoré; n'ayant affection au monde si enracinée en mon ame que de luy faire paroistre combien je luy suis très humble et très fidelle serviteur ^ Geste qualité-là, Madame, et l'asseurance qu'il vous a pieu me faire cest honneur d'en prendre, m'enhardissent à représenter à Vostre Majesté le danger qu'il y a, que ce commancemant de brouillemant, qui est advenu en Languedoc, ne s'estende plus loing, au grand préjudice du repos de ce royaulme, s'il n'y est de bonne heure pourveu; et sçachant de combien grande affection Vostre Majesté a tousjours embrassé ce qui concernoit ce repos-là, et quels remèdes elle a apportez plusieurs fois en choses aultant ou plus dangereuses, espérant aussi de vostre bon naturel l'effect de l'affection et bonne volonté qu'il vous a pieu porter de tousjours à Monsieur de Montmorancy, j'ay bien osé suplier très humblemant Vostre Majesté de luy vouloir estre aydante et favorable, et par quelque bon moyen, dont sa prudence s'ad visera, vouloir assoupir ce brouillemant, qui, estant estendu plus loing, ne pourra qu'altérer beaucoup ce qui est du service de Sa Majesté et du repos de son royaulme ; osant vous en parler ainsi, pour l'extrême affection que j'y ay, et pour l'ennuy et déplaisir que c'est à

1. Nous n'avons pas reproduit plus haut une lettre de Catherine de Médicis au vicomte de Turenne du 7 janvier 1578, qui avait pour objet de faire appel à son dévouement, en lui demandant « d'empescher que rien ne s'esmeuve pour ce qui est advenu à Périgueux, » où il s'était rendu plusieurs fois l'année précédente [Mémoires, p. 113 et 122). Cette lettre est imprimée dans V Histoire généalogique de la maison d'Auvergne, par Christ. Justel, Paris, 1645, in-fol., p. 262.

tous les gens de bien et fidelles serviteurs de Sa Majesté de le voir en trouble et en commodité de donner matière aux ennemis d'icelluy de s'en réjouir. J'ose encores à remonstrer un affaire à Vostre Majesté, lequel me concerne, et auquel j'implore sa faveur et assistance. Vous sçavez, Madame, que j'ay eu cest honneur d'avoir en ce royaulme une compagnye de gendarmes des plus anciennes, tant pour sa première institution qu'elle a eue de long temps en ceux desquels je l'ay eue, qu'aussi depuis le temps que j'en cest honneur qu'elle me fut donnée. J'ay toujours esté cy- devant oublié aux reiglemans qui ont esté faitz par Sa Majesté, et dernièremant que j'eus cest honneur de la voir, et vous aussy. Madame, je n'osay en parler à Vos Majestez, de peur de paroistre importun en ce commancemant-là. Mais, maintenant, j'ose y employer la faveur et authorité de Vostre Majesté, laquelle je suplie très humblemant, suivant la bonne affection qu'il luy a pieu me faire cest honneur de me prometre de m'y vouloir estre aydante et secourable, à ce qu'au nouveau reglemant et estât qui se pourra faire pour l'année suivante, j'y puisse estre compris, pour l'entretenemant de madicte compagnye ; asseurant Vostre Majesté et la supliant très humblemant de me faire tant d'honneur d'en asseurer le Roy aussy, qu'elle ne sera employée en chose du monde que pour son service et luy sera entièremant dédiée, pour n'exécuter rien contre ses commandemans et volonté ; ayant commandé à ce porteur de présenter la présente à Vostre Majesté et recevoir là-dessus vos commandemans, pour solliciter et poursuivre ce qu'il luy plaira de faire commander; supliant très humble-

mant Vostre Majesté croire et s'asseurer de moy, de tout ce qu'elle sçauroit jamais désirer de

Son très humble et très obéissant et très fidelle sujet et serviteur,

TURENNE