LE ROI HENRI III A MONSIEUR DE LANSAG

16 octobre 15842.

Mons' de Lanssac, j'ay entendu que, pour vouUoir assister le s"^ de Duras en la querelle qu'il a de long temps contre le s' viconte de Thurenne, vous vous préparez pour faire assennibler des gentilhommes en armes et autres gens de guerre, dont je ne puis, si cella est, que je ne sois très mal content, pour ce que c'est contrevenir directement à mes ordonnances et aux defïences expresses que j'ay faictes sur telz pors d'armes, le violement desquelles deffences aporte mespris de mon auctorité. Et encores que je ne veille croire ny penser que telz amas de gens de guerres soient dressez contre mon service, si esse que, pour la conséquence et licence que ceulx qui ayment le trouble et la division pourroient prendre de faire le semblable, je ne veulx plus aulcunement permectre ny endurer telles assemblées et amas de gens de guerre, soubz quelque coulleur que se soit, sy n'est avec mon congé et permission ou commandement exprès, ou bien de mon cousin le mareschal de Matignon, qui est par delà pour mon service; occazion pourquoy je vous faiz ceste lettre, vous commandant de vous déporter de telles choses et faire retirer et séparer lesdictz gentilzhommes et gens de guerre, sy les avez assemblez ou faict tenir prestz pour vous accompaigner soubz quelque coulleur que se puisse estre ; et, pour ce que