DESTINÉE DE LA MAISON DE NAPLES

grans jeunes, abstinances et aumosnes. Et puis luy advint une terrible maladie de l’escoriation et de gravelle ; et me disrent n’en avoir jamais veü homme si persecuté ; et le tout portoit en grand pacience, deliberant aller user sa vie en ung monastère à Valence la Grand! et se vestir de religion ; mais il fut tant surprins de maladie qu'il vesquit peu et mourut? ; et, selon sa grand repentance, il est à esperer que son ame est glorieuse en paradis.

Son filz demoura peu après et mourut3 de fièvres et fluz. Et croy qu’ilz sont myeulx qu'ilz n’estoient en ce monde. Et me semble que en moins de deux ans ilz furent cinq roys portans couronne à Napples : les trois que ay nommés et le roy Charles de France huitiesme [et] don Federic, frère dudit Alphonce, qui de present règne.