Rovigo et Badia (province et circondario de Rovigo

et plusieurs places‘ perdues, appoincta ledit seigneur Ludovic à l’honneur et prouffit des Veniciens et revint chascun au sien, fors le pouvre duc de Ferrare, qui avoit commencé la guerre / à la requeste de luy et le roy Ferrand dont avoit® espousé la fille!. Et faillut qu'il laissast ausdits Veniciens ce Poulesan qui encores le tiennent. Et dit-l’on que ledit seigneur Ludovic en eut soixante mil ducatz ; toutesfoiz je ne sçay s’il fut vray ; mais j’ay veü ledit duc de Ferrare en ceste creance?. Vray est que pour lors il n’avoit point espousé sa fille 3 ; et ainsi estoit continue ceste amytié entre luy et les Veniciens.

Nul serviteur ne parent du duc Jehan Galiace de Milan ne donnoit empeschement audit seigneur Ludovic à prendre la duchié pour luy que la femme dudit duc, qui estoit jeune et saige et fille du duc Alphonce de Calabre, que par devant ay nommé, filz aisné du roy Ferrand de Napples. Et en l’an M CCCC IIII*x=* et treize*, commença ledit seigneur Ludovic envoyer devers le roy Charles huitiesme, de present regnant, pour le praticquer de venir en Italie à conquerir le royaulme de Napples, pour destruire et affoller ceulx qui le possedoient, que j'ay nomméz. Car, estant ceulx-là en force, n’eust ousé entreprendre® ce qu'il fit depuis; car en ce temps estoient

a. autres places éd. Dupont. — b. encommencée ladite guerre éd. Dupont. — c. de luy et dudit roy Ferrand, dont ledit duc avoit éd. Dupont. — d. contenue éd. princeps, que suit l’éd. Dupont; continuée P et éd. Sauvage, leçon adoptée par B. de Mandrot. — e. en force et vertu ledit Ludovic n’eust osé comprendre ne entreprendre éd. Dupont.