Polleur, dans la province de Liége

L à Go gle JNIVE

168 CHATIMENT DE LIÉGE (novembre-décembre 1468)

lesquelz® estoient au pays, qui est la plus grant façon de vivre qu’ilz ayent, et cerchèrent le peuple parmy les grans forestz où ilz s’estoient cachéz avecques leurs biens, et yen eut beaucoup de mors et de prins, et y gaignèrent les gens d’armes largement.

Je y veïz choses increables de? froid. Il y eut ung gentilhomme qui perdit ung pied, dont oncques puis ne s’ayda’, et ung paige auquel il tumba® deux doiz de la main. Je y veïz une femme morte et son enfant, dont elle estoit acouchée de nouveau!. Par trois jours fut departy le vin que l’on donnoit chez le duc, pour les gens qui en demandoient, à coups de congnée”, car il estoit gellé” dedans les pippes? et failloit rompre le glasson, qui estoit entier, et en faire des pièces, que les gens mectoient en ung chappeau ou en ung pannyer, ainsy qu’ilz vouloient. J’en diroye assez d’estranges choses longues à escrire. Mais la fain nous feit fouyr à grant haste, après y avoir sejourné huict jours; et tira le le duc à Namur et, de là, en Brabant, où il fut bien receü.

[CHAPITRE XV

COMMENT LE ROY PARTIT DE LIEIGE POUR S’EN RETOURNER EN FRANCE ET DE L'APPOINCTEMENT QUI FUT FAIT DERECHEF PAR LE ROY AVEC MONS" CHARLES DE FRANCE, SON FRÈRE, AUQUEL IL BAILLA LA DUCHÉ DE GUYENNE EN PARTAIGE

Le roy, après estre departy d’avec ledict duc, à grant joye retourna” en son royaume, et en riens ne se meüt contre

a. qui P. — b. du M. — c. s’en ayda À. — d. et il y eust À. — e. P, omettant toute une partie de la phrase (ung gentilhomme qui... puis ne s’ayda), écrit : il y eut ung paige à qui il tumba. — f. congnié D. — g. ilz estoient gelléz D. — h. il s’en tira P.