MENÉES DE LOUIS XI

n’avoit nulles garnysons, mais y avoit paix par tout le royaulme, tant du costé dudict duc que du duc de Bretaigne. Et estoit monsr de Guyenne avec le roy en bonne amytié!, comme il sembloit. Toutesfois le roy n’eust pas voulu recommancer la guerre, prendre une ou deux de ces villes là seulement, mais taschoit de povoir mectre une grande rebellion par tout le pays du duc de Bourgongne; et esperoit de tous pointz s’en mectre au dessus par ce moyen.

Beaucoup de gens, pour luy plaire, se mesloient® de ces marchéz et luy raportoyent les choses beaucoup plus avant qu’ilz ne trouvoient; et se vantoyent l’ung d’une ville, et les autres disoyent qu’ilz en substrairoyent® des plus grands personnaiges de sa maison qui se tourneroient® contre luy. Et de tout estoit une partye. Mais quant le roy n’eust pensé que ce qui advint, il n’eust pas rompu la paix ne recommancé la guerre, combien qu’il eust cause de se douloir des termes qui luy avoient esté tenuz à Peronne; mais si avoitil fait publier ladicte paix à Paris trois moys après qu’il fut de retour en son royaulme?. Et recommançoit ceste noyse ung peu en craincte; mai l’affection qu’il y avoit le feittirer oultreë.

Et véez cyles habilitéz qui furent tenues. Le conte de Sainct Pol, connestable de France, homme très saige, et autres serviteurs du duc de Guyenne et aucuns autres desiroient plustost la guerre entre ces deux princes que paix, pour deux regardz : le premieri, craignoient que ces très

a. se mettoient P. — b. soutrairoient À; soubztrairoient M; soubtrairoient P. — c. Les mots des plus grands personnaiges de sa maison qui se tourneroient manquent dans D. Nous les rétablissons d'après P. — d. icy P.

1. Sur les rapports des deux frères à ce moment, cf. H. Stein, Charles de France, p. 269 et suiv.

2. Le 19 novembre 1468, la paix avait été publiée d’après Jean de Roye, éd. B. de Mandrot, t. I, p. 219.

3. Entendez : l’envie qu’il avait d’agir lui fit surmonter sa

crainte.

4. C'est-à-dire : le premier « regard », la première considération,

c'était qu'ils.