ASSEMBLÉE DE TOURS

grans estatz qu’ilz avoient ne fussent dimynuéz si la paix continuoit, car ledict connestable avoit quatre cens hommes d'armes payéz à la monstre!, et n’avoient point de contrerolleur, et plus de trente mille francs tous les ans, oultre les gaiges de son office et les proffitz de plusieurs belles places qu’il tenoit; l’autre, ils vouloient mectre sus au roy et disoient entre eulx® sa condicion estre telle que, s’il n’avoit debat par le dehors et contre les grans, qu’il failloit qu’il en eust avec ses serviteurs, domestiques et officiers et que son esperit ne povoit estre en repozi.

Et, par ces raisons alleguées, taschoient très fort de remectre le roy en ceste guerre. Et offroit ledict connestable prendre Sainct Quentin tous les jours qu’on vouldroit, car ses terres estoient à l’environ. Et disoit encores avoir très grande intelligence en Flandres et en Brabant, et qu’il feroit rebeller plusieurs villes contre ledict duc. Le duc de Guyenne, qui estoit sur le lieu, et tous ses principaulx gouverneurs offroient fort servir le roy en ceste querelle et d’amener quatre ou cinq cens hommes d’armes, que ledict duc de Guyenne tenoit d'ordonnance. Mais leurs fins n’estoient pas telles que le roy entendoit, mais toutes à l’opposite, comme vous orrezi.

Le roi vouloit tousjours proceder en grant solennité, par quoy feït tenir les trois® estatz à Tours5 ès moys de mars et

a. Les quatre mots et disoient entre eulx ne sont que dans D. Ils étaient aussi dans le manuscrit perdu suivi par Sauvage. — b. verrez P. — c. ung trois À.

1. C'est-à-dire : revue. Il suffisait au connétable de « montrer » ses hommes, sans autre contrôle.

2. Entendez : l’autre « regard », c’est-à-dire la seconde considération, c'était qu’ils voulaient...

3. B. de Mandrot, Jacques d'Armagnac, p. 63 et suiv., remarque que cette opinion était celle du duc de Nemours. Cf. la même observation déjà formulée par Commynes dans son portrait de Louis XI, ci-dessus, p. 68.