LE TÉMÉRAIRE ENTRE ÉDOUARD IV ET HENRI VI

maison les ducz de Cestre et de Sombresset! et plusieurs autres du party du roy Henry : par quoy luy sembloit bien que facillement il appointeroit avec ceste lignée. Maïs craignoit fort le conte de Warvic; et si ne sçavoit comment il pourroit contenter celui qui s’estoit retiré chez luy, assavoir le roy Edouard", dont il avoit espousé la sœur, et s’estoient faict frères d'ordre, car il portoit la Toison et ledict duc portoit la Jartière?.

Ledict duc me renvoya incontinent à Callaix et ung gentil homme ou deux avecques moy, qui estoient de ceste parcialité3 nouvelle de Henry, et me commanda ce qu’il vouloit que je feïsse avecques ce monde neufi, et encores me pria bien fort d’y aller, disant qu’il avoit besoing d’estre servy en ceste matière. Je m’en allay jusques à Tournehanÿ, qui estoit ung chasteau lequel est près de Guygnesf, et n’osay passer oultre, pour ce que je trouvay le peuple fuyant pour les Anglois qui estoient sur les champs et couroient le pays. J’envoyay incontinent à Callaix demander ung sauf conduyt à monsr de Vaneloc, car j’estois jà accoustumé de y aller sans congié et y estoie honorablement receü, car les Anglois sont fort honorables.

| Tout cecy m’estoit bien nouveau, car jamais je n’avoye veü si avantc des mutations de ce monde. J’avoye encores ceste nuyt adverty ledict duc de la craincte que j’avoye de passer, sans luy mander que j’eusse envoyé querir seüreté, car je me doubtoye bien de la responce que j’euz. I1 m'envoya une

a. assavoir le roy Edouard omis par P. — b. P omet les deux mots avecques moy, que donne aussi M. — c. P omet si avant.