LA GUERRE ( POUR LE BIEN PUBLIC

avec ledict duc son frère et plusieurs de ses enfans, comme troys filles et ung filz. Toutesfois, l’occasion de la venue dudict duc de Bourbon estoit pour gaigner et conduyre ledict duc de Bourgongne de consentir mectre sus une armée en son pays, et que semblablement feroient! tous les autres princes de France, pour remonstrer au roy le mauvais ordre et justice qu'il faisoit en son royaulme; et vouloient estre fors pour le y contraindre s’il ne se vouloit renger; et fut ceste guerre depuis appellée le bien publicque, pour ce qu’elle s’entreprenoit!soubz couleur de dire que c'estoit pour le bien publicque du royaulme.

Ledict duc Philippes, qui, depuis®sa mort, a esté appellé le bon duc Philippes, consentit que on mist sus des gens, mais le neu de ceste matière ne luy fut jamais descouvert ny ne s’attendoit point que les choses vinssent jusques à la voye de faict. Incontinent se commencèrent à mectre sus les gens et vint le conte de Sainct Pol, depuis connestable de France?, devers ledict conte de Charroloys, à Cambray?, où pour lors estoit ledict duc Philippes; et luy joinct audict lieu et le mareschal de Bourgongne, qui estoit de la maison de Neufchastel#, ledict conte de Charroloys feist une grande assemblée de gens de conseil et autres des gens de son père en l’hostel de l’evesque de Cambray, et là declaira tous ceulx de la maison de Crouy ennemys mortelz de son père et de luy, nonobstant que le conte de Sainct Pol eust donné sa fille en mariage au seigneur de Crouy longtemps avoit#,

a. M et P écrivent toujours despuis. — b. à Cambray en surcharge dans D.

1. Le sens est que, suivant le duc de Bourbon, si le duc de Bourgogne armait, son exemple serait suivi. Le manifeste du duc de Bourbon, qui déclencha la guerre du Bien Public, est dans l'édition Lenglet, preuves, t. Il, p. 443 et suiv.