Entendez : de trouver un accommodement

102 SIÈGE DE GRANSON (19 février 1476)

avecques luy, ilz retournèrent advertir leurs gens et s’aprester pour se deffendre. Et luy approcha son armée du“ pays de Vaulx, en Savoye, que lesdictz Suysses avoyent prins sur mons' de Romont, comme dit est, et print trois ou quattre places qui estoient à monsr de Chasteauguyon!, que lesdictz Suysses tenoient, et les deffendirents mal. Et de là alla mestre le siège devant une place appellée Granson, laquelle estoit aussi audict seigneur de Chasteauguyon. Et y avoit, pour lesditz Suysses, sept ou huict cens hommes bien choisiz, pour ce que c’estoit près d’eulx et la vouloyent bien deffendre.

Ledict duc avoit assez grant armée, car de Lombardie luy venoit à toute heure gens et des subjectz de ceste maison de Savoye et aymoyt mieulx les estrangesc que ses subjectz, dont il povoit finer assez et de bons? ; mais la mort du connestable luy aydoit bien à avoir deffiance d’eulx avecques d’autres ymaginations3. Son artillerie estoit grande et bonne‘ et estoit en grant pompe en cest ost pour se montrer à ces embassades qui venoyent d’Ytalie et d’Allemaigne ; et avoit toutes ses meilleures bagues et de sa vaisselle beaucoup d et largement autres paremens. Et avoit de grans fantasies en sa teste, sur le faict de ceste duché de Müillan où il entendoit* avoir des intelligences.

a. en M. — b. deffendoient 4. — c. estrangiers 4, B et M — d. bagues et vaisselles partout ailleurs que dans D. — e. s'en tendoit P.