INTELLIGENCES ANGLAISES EN BRETAGNE (1474) !1I

autres gens à pied servans à leur ost. Et en toute l’armée n’y avoit pas ung paige!. Et, oultre, devoit le roy d'Angleterre envoyer trois mil hommes descendre en Bretaigne pour se joindre avec l’armée du duc. Et veïz deux lettres escriptes de la main de mons' d’Urfé, grant escuyer de France?, qui, pour lors, estoit serviteur du duc de Bretaigne, l’une adressante au roy d'Angleterre et l’autre à mons' d’Estingues!, grant chambellain d’Angleterre, qui, entre autres parolles, disoient que ledict duc de Bretaigne feroit plus d’exploict en ung moys par intelligence que l’armée des Anglois et celle du duc de Bourgongne ne“ feroient en six, quelque force qu’ilz eussent. Et je croy qu'il disoit vray, si les choses fussent tirées oultreÿ. Mais Dieu, qui tousjours ayme? ce royaulme, conduisoit ‘ les choses comme je diray cy-après. Et les lettres dont j’ay parléS furent acheptéesi d’ung secretaire d’Angleterre soixante marcs d’argens par le roy nostre maistre, que Dieu absole:.