LOUIS XI COMMUNIQUE DES LETTRES SECRÈTES DE MARIE
ne feroit riens sans la deliberation et conseil des troys Estatz de son pays, en leur disant qu'’ilz estoyent mal informéz du vouloir d’elle et d’aucuns particuliers, car il estoit seür qu’elle entendoit conduyre ses affaires par gens particuliers qui ne desiroient point la paix et que eulx se trouveroyent desadvouéz : dont lesditz embassadeurs se trouvèrent* fort troubléz, comme gens mal acoustuméz de besongner en si grans affaires et? matières. Respondirent promptement qu'ilz estoient bien seürs de ce qu’ilz dysoient et qu'’ilz monstreroient leur instruction quant besoing en seroit. On leur respondit qu’on leur monstreroit lettres, quant il plairoyt au roi, escriptes de telles mains qu'’ilz les croyroyent, qui disoyent que ladicte damoyselle ne vouloit conduyre ses affaires que par quattre personnes. Ilz replicquèrent encores qu'ilz estoyent bien seürs du contraire.
Lors leur fist le roy monstrer une lettre que le chancellier de Bourgongne et le seigneur de Humbercourt avoient apportées à l’autre foiz qu'ilz avoyent esté à Peronne, lesquelles estoient escriptes partye de la main de ladicte damoyselle, partye de la main de la duchesse de Bourgongne douairière !, femme dudit duc Charles, sœur du roy Edouart d'Angleterre, et partye du seigneur de Ravastin, frère du duc de Clèves et prochain parent de ladicte damoyselle : ainsi estoit ceste lettre escripte de troys mains. Elle‘ ne parloit que ou nom de ladicte damoyselle, mais il estoit fait? pour y adjouster plus grant foy. Le contenu de ladicte lettre estoit creance sur lesditz chancellier et Humbercourt ; et davantage declairoit ladicte damoyselle que son intention estoit que tous ses affaires seroient conduytz par quatre personnages qui estoient ladicte douairière, sa belle mère, ledict seigneur de Ravastin et les
a. trouvoient P. — b. en si grands affaires B et M (avec omission des mots et matières) ; en si grands matières P. — c. mais elle P. — d. Toute la fin de la phrase, depuis mais il, est surajoutée dans B.
