DIEU PUNIT LES PRINCES

face craindre et que se montre fier et couraigeux‘; et esperent ? qu’ilz seront crains par ce moyen, comme si auctorité estoit leur heritaige.

Ceulx que telz princes auront° ainsi avec ce conseil chasséz et deboutéz et qui par longues années auront servy et ont accointance et amytié en sa terre sont mal contens et, à leur occasion, d’autres leurs amys et bienveillans. Et par adventure on les vouldroit tant presser qu’ilz seroyent contrainctz/ à se deffendre ou de fouyr vers quelque petit voysin”, par adventure ennemy et malvueillant de celuy qui les chasse. Par la # division de ceulx de dedans y entreront ceulx de dehors. Est-il nulle playe et persecution si grande que guerre entre les amys et ceulx qui se congnoissent ne nulle hayne si mortelle?

Des ennemys estrangiers/, quant le dedans est uny, on s’en deffend ayséement. Ilz n’ont nulles intelligences ny accointances. Cuydez-vous que ung prince mal saige, follement accompaigné, congnoisse venir celle malle fortune de loing, que d’avoir division entre les siens? Ne qu'il pense que cela luy puisse nuyre? Ne qu'il vienne de Dieu? Il ne s’en trouve point" pis disné ne pis couché ne moins de chevaux ne moins de robbes, mais beaucoup myeulx accompaigné, car il attire les gens et leur promect! et depart les depouilles et les Estatz de ceulx qu’il aura chasséz et du sien, pour accroistre sa renommée. À l'heure qu'il y pensera le moins, Dieu luy fera sourdre ung ennemy dont, par adventure, jamais il ne se fust advisé!. Lors luy croistront les pensées

a. et qui se montre orguilleux A. Le membre de phrase, omis par D, est rétabli par nous d'après P. — b. esperans P. — c. ceux qu'il aura P. — d. seront P.— e. occasion d'entrée P, qui omet la suite de la phrase. — f. contens P, leçon que B. de Mandrot corrige en contrainz, sans justification d'aucun autre texte. — g. prince voisin P, qui est seul à donner cette leçon. — h. pour ladite P. — i. ne P. — j. estranges P. — k. guères et ne s’en trouve M. — 1. à leur promettre M.