VIE MOUVEMENTÉE D'ÉDOUARD IV

dudict roy Henry sixiesme, et vouloir mectre sus ceste maison de Lanclastre, estre desconfit en bataille, mort, ses frères et parentz avecques luy? Semblablement plusieurs seigneurs d'Angleterre, qui ung temps faisoient mourir leurs ennemys ; après, les enfans de ceulx là se revenchoient, quant le temps tournoit pour eulx, et faisoyent mourir les autres.

Or est-il bien à penser que telles playes* ne viennent » que par la divine justice. Mais, comme j’ay dit ailleurs!, ceste grace a le royaulme d’Angleterre par dessus les autres royaulmes que le pays ne le peuple ne se destruyct point ny ne bruslent ne demolissent les edifices, et tumbe la fortune sur les gens de guerre, et par especial sur les nobles‘. Ainsi riens n’est parfaict en ce monde.

Après que le roy d'Angleterre Edouard a esté au dessus de tous ses affaires en son royaulme, et que # de nostre royaulme avoit cinquante mil escuz l’an renduz à son chasteau de Londres et tant comblé de richesses que plus n’en povoit, soudainement est mort et comme par merencolie ‘? du mariage de nostre roy, qui règne à” present, avec madame Marguerite, fille du duc d’Autriche. Et dès qu'il en eut les nouvelles, print la maladie. Car lors se tint à deceü du mariage de sa fille, qu'il faisoit appeller madame la daulphine à, et luy fut rompue la pension qu'il prenoit de nous, qu’il appelloit tribut ; mais ce n’estoit ne l’ung ne l’autre, et l’ay declairé dessus.

a. telle plaie P. — b. viengne P. — c. P ajoute : contre lesquelz ils sont trop crueeux (entendez cruels). Même leçon dans M, sauf que le dernier mot est déformé en coureux. — d. que omis par P. — e. melancolie À, B, P et M. — f. de P.