AVENTURE DE JACQUES DE LUXEMBOURG

Et* quant ledict messire Jacques, le? seigneur de Fyennes et autres ses parents se trouvèrent par deux fois à une lieue ou deux près de ladicte ville de Sainct Quentin et prestz à y entrer, il se trouva que la doubte! luy estoit passée, et se repentoit, et les renvoyoit. Et feit cecy par trois foiz, tant desiroit demourer en cest estat, navigant entre les deux, car il les craignoit tous deux merveilleusement. J'ay sceü ces choses par plusieurs, et par especial par la bouche de messire Jacques de Sainct Pol, qui ainsi le compta au roy, quant il fut amené prisonnier, où il n’y avoit que moi present. Et luy vallut beaucoup de quoy il respondoit franchement des‘ choses que le roy luy demandoit?.

Ledict seigneur luy demanda combien il avoit de gens pour y entrer. Il respondit que la troisiesme fois il avoit trois mil hommes. Ledict seigneur luy demanda aussi, se il se fust trouvé le plus fort, s’il eust tenu pour le roy ou pour ledict connestable. Ledict messire Jacques de Sainct Pol respondit que, les deux premiers voyages, il ne venoit que pour resconforter son frère, mais que le‘ troisiesme, veü que ledict connestable avoit trompé deux fois son maistre et luy, que, s’il se fust trouvé le plus fort, il eust gardé la place pour son maistre, sans faire violence audit connestable ne à/ riens qui eust esté à son prejudice, sinon qu'il n’en fust point sailly à son commandementÿ. Depuis, et peu de temps après, le roy delivra de prison ledict messire Jacques de Sainct Pol et luy donna des gens d’armes et bel et grant estat ; et s’en servit jusques à la mort : et ses responces en furent causei.

a. et omis par M et P. — b. ledit 4 et P ; le duc B et M.—c. tous deux les craignoit M et P. — d. de P. — e. la D. — f. à manque dans P.