RAISONS DU DISPOSITIF ADOPTÉ AU PONT DE PICQUIGNY

et ledit duc Jehan de l’autre, accompaignéz de grant nombre de gens d’armes, especiallement ledict duc. Ilz se misrent à parlementer sur le pont ; et, à l'endroit où ilz parloyent, n’y avoit avec ledict duc que trois ou quattre personnes‘. Leur parlement encommancé, fut ledict duc de Bourgongne semont tellement, ou par envie de soy humilier ‘ devant le roy, qu'il ouvrit de son costé et on luy ouvrit de l’autre, et passa luy quatriesme?. Incontinent fut tué, et ceulx qui estoient avecques luy*, dont est advenu depuis assez de maux, comme chascun scet.

Cecy n’est pas de ma matière, par? quoy je n’en diz plus avant. Mais le roy le me compta, ne plus ne moins que je vous deïz, en ordonnant ceste veüe. Et disoit que, s’il n’y eust point eu d’huys à ceste veüe dont je parle, on n’eust point eu d’occasion® de semondre ledict duc de passer et ce grant inconvenient ne fust point advenu, dont principallement furent cause aucuns des serviteurs dudict duc d’Orleans, lequel avoit esté tué comme je vous ay dit, et estoient en auctorité avecques le roy Charles septiesme.