CHARLES LE TÉMÉRAIRE ET L'ALLEMAGNE

— Le duc de Bourgongne estoit retourné en son pays et avoit le cueur très eslevé! pour ceste duché qu'il avoit joincte à sa crosse, et trouva goust en ces choses d’Alemaigne, pour ce que l’empereur estoit de très petit cueur? et enduroit toutes choses pour ne despendre riensi. Et aussi de soy, sans l’ayde des autres seigneurs d’Alemaigne, ne povoit pas grant chose. Par quoy ledict duc rallongea sa trève avec le roy, et sembla à aucuns des serviteurs du roy qu'il ne devoit point allonger ladicte trève ne laisser venir au duc si grant bien‘. Bon sens leur faisoit dire ces motz?; mais, par faulte d’experience et de avoir veü’, ilz n’entendoient point ceste matière. Il en y a eu quelques autres myeulx entendans ce cas que eulx‘ et qui avoient plus grand congnoissance pour avoir esté sur les lieux Ÿ, qui dirent au roy nostre maistre que hardiement print ceste trève et qu’il souffrist audict duc soy aller heurter contre ces Allemaignes (qui est chose si grande et si puissante qu'il est presque increable), disans : « Quant le duc aura prins une place ou mené à fin une querelle, il en entreprendra une autre ny n’est pas homme pour jamais se saoulerf d’une entreprinse » (et en cela estoit opposite au roy, car plus estoit embrouillé, plus s’embrouilloit) « et que myeulx ne se pourroit venger de luy que de le laisser faire

a. ne laisser audit duc venir si grand À; ne laissier venir ledit duc si grand P. — b. ces motz omis dans les autres manuscrits. — c. faute d'experience et de veüe P. — d. en D.

1. Le mot «élevé » a ici le sens d”’ « exalté ». Commynes veut dire que le Téméraire était gonflé d’orgueil.