XXVIL— LETTRE DU ROY

A M. Duplessis , escrite de sa propre main.

M. Duplessis, pour response à celle que ce gentilhomme m'a rendeue de vostre part, et ce qu'il m'en adicl, je vous dirai que depuis que M. de La Tremouille vous a nommé pour Tung des exécuteurs de son testament, sur la confiance qu'il avoit prise que, l'aimant durant sa vie , vous assisteriés après sa mort sa veufve et ses enfans de vostre conseil pour leurs affaires , je veulx croire que vous le leur donnerés tousjours conforme à cela , et au bien de mon service et pour le leur propre ; de façon qu'ils me donneront occasion de leur continuer les tesmoignages de ma bonne volonté en leur endroict. Et , remettant le surplus à la suffisance dç ce gentilhonlme, je ne vous en dirai dadvantage, pour pryer Dieu vous avoir, M. Duplessis, en sa saincte et digne garde. Henry.

A Paris, ce 17 décembre 1604.

XXVIIL — LETTRE

De monseigneur le connestable a M. Duplessis.

Monsieur , je n'ai peu , à faulte de commodité , respondre plus tostà vostre lettre du 29 octobre, qui me feut dernièrement rendeue à Chantilly , ni vous remer-

46 LETTRE, etc.

cier, comme je fais maintenant de tout mon cœur, du soing que vous prenés de mes petits nepveux et niepces de La Tremouille , et de ce qui leur touche, selon la recommandation que vous en a faicte feu leur père , auparavant sa mort : en quoi il vous a rendeu une signalée preuve , quoiqu'elle vous soit onéreuse , de la grande amitié quMl vous portoit et de Testât qu'il faiso4t de vous, à qui il a voulleu consigner ce qu'il avoit de plus cher. Je l'ai faict entendre au roy , qui a eu fort agréable ceste sienne élection qu'il a faicte de vostre personne; et, pour moi , je ne la puis assés louer pour la créance que j'ai qu'il n'en pouvoit faire une meilleure , et que vous vous en acquitterés si dignement , et avec tant d'affection que vous y acquerrés de l'honneur, et une grande obligation sur ces petits enfans , à laquelle tous leurs parens participeront , et mesmement moi , qui les veulx aimer comme les miens propres ; qui me faict les vous recommander autant que je puis, encores que je sçache bien qu'il ne se peult rien adjouster au désir que vous avés de leur bien , auquel je conspirerai tousjours avec vous , et m'y employerai fort volontiers en ce que ma niepce et vous me marquerés , vous pryant affectueusement de l'en asseurer, et faire estât que j'ai tousjours chéri et aimé feu vostre frère et vous , et qu'en toutes occasions oïl le moyen m'en sera donné vous appercevrés combien je vous estime et honore. Prenés en , s'il vous plaist, ceste créance; et je supplierai le Créateur, après m'estre, de tout mon cœur, recommandé à vostre bonne grâce, qu'il vous conserve, monsieur, en la sienne très saincte. Vostre très affectionné , plus parfaict et obéissant ami , Moiïi'MORENGir.

De Pari», ce 17 décembre 1604.

LETTRE, cic. 4?