CCLXXXIL — ^ LETTRE DE M. ASSELINEAU

u4 M. Duplessis.

Monsieur , la surprise de la lettre dont m'escrivës me doibt faire assés sage, de laquelle si l'advis feust à son temps veneu comme il debvoit , sans doubte il eust porté coup , quand ce n'eust esté que pour obvier aulx mauvais offices qu'on en a faict et ici et \ Rome. Toute ceste farce là a esté jouée de lui avec le concert du nonce, et M. de Villeroy ne s'est servi du père Gotton que pour couverture. Je la puis appeller farce, puisque ceste inquisition extraordinaire s'est convertie enfin en risée comme indigne de la qualité qu'ils portent et sur Testât d'aultrui , n'ayant produit aultre chose qu'à les faire recognoistre holzoni del papa; c'est le propre terme vénitien; et attirer par mesme moyen une perpétuelle défiance sur eulx. Il n'est pas que ne sçachiés le nom du gentilhomme françois qui a escrit ladicte lettre : sur le soupçon qu'on a eu que j'eusse intelligence avec lui, et d'avoir eu part au négoce qui l'avoit amené en ces quartiers, on a tenté par menaces couvertes de soustraire quelque chose de moi ; mais on a autant gaigné pour ce tentatif là qu'on a faict depuis par des aultres plus doulx, et s'est on bien apperceu que estant en pays libre et ne dépendant d'eulx en façon quelconque^ je n'estois subject à aulcune contraincte. On ne pouvoit foire meilleur accueil à l'ambassadeur de messieurs des estais

LETTRE DE M. ASSELINEAU, etc. 443

que de le recevoir au pair de ceulx des rois; aussi iniportoit il trop que ceste souveraineté feustrecoBneue absolument au cœur d'Italie ; et que la France feust joincte à l'Angleterre à ce que ceste ambassade cust sou entier effect, et ne peust estre troublée des papalins, le pape s'asseuroit rompre ce coup en gratifiant ces seigneurs des décimes pour douze ans, et trompé qu'il s'^st veu , a tasché de s'y opposer avec l'ambassadeur d'Espaigne; mais le tout est réussi à leur confusion : à ceste piqueure si sensible on se debvoit remuer à Rome ; mais tout le collège consistorial y est maintenant si mortifié que rien plus, et se trouve si estonné à toutes ces nouveautés qu'il se trouve tout esperdeu ; c'est pourquoi il ne fault perdre le courage

à l'attaquer vivement, etc.

Du 25 novembre 1609.