LXXIX. — LETTRE

De M. le duc de Rohan à M. Duplessis.

Monsieur , tous ceulx qui vous ont rendeu les tristes visites qu'on doibt aulx amis affligés, ne m'auroient précède en ce debvoir , n*eust esté que le déplorable accident de vostre perte m'a faict si vivement ressentir vostre douleur, qu'elle m'a rendeu incapable de consoler autrui, ni de me consoler moi mesmes. Je ne vous escris donc poiuct à ce desseing; car oultre que ceseroit faire tort à vos vertus , qui ont tousjours adoulci les malheurs de ceulx qui vous ont veu, ou à qui vous avés escrit en divers temps et en -diverses peines, il sembleroit que je cherchasse à me guérir d'ung mal qui ne peult finir qu'en perdant la mémoire de ce qui me feut si cher. Je ne nomme poinct qui c'est , puisque les plainctes des gens de bien en parlent assés, et que par l'effect du mérite de sa seule personne, tout le monde en sçait le nom et en desplore la mort* Mais bien puis je dire qu'entre nous il n'y en a nul qui ait de si vifs ressentimens que moi , qui vous conjure de 'ne trouver donc estrange si je suis des derniers à vous visiter, en remettant ce retardement à l'excès de mon ennui et à la craincte que j'avois de trop renouveller et faâre vivre en vostre cœur les plaies qu'une nouvelle de mort y a faictes*. Cependant je me fais croire que vous ne laisserés de me tenir pour estre l'ung des premiers en TafFection de vostre service , qui est telle et si passionnée, que lorsque vous la considererés (avec la parenté qui est entre nous), vous ne dedaignerés de me faire tenir doresnavant lieu de fils , changeant en

A M. DUPLESSIS. l4l

ceste qualité celle dont tousjours s'est prevaleu, monsieur, vostre plus humble et affectionné cousin , à vous faire service. Henri de Rohan.

De Paris, ce 2a novembre i6o5.