LXXIV. — ADVIS

De M, Duplessis jur les difficultés qui se présentent au traicté de Bretaigne^ envoyé au rojr & a5 décembre i594*

Il fault éviter de rompre , ni aheurter la negotiation de Bretaigne sur la relligion. Ce qui se peult tant en les accrochant sur aultres articles jà mis en avant, qu'en taschant de les contenter par expediens sur icelle.

Pour le premier moyen , sur l'article des Espaignols , le roy peult hardiment , et sans craincte d'estre pris au mot, proposer au duc de Mercœur que, pour monstrer avec quelle sincérité il poui^suit la pacification de sa province de Bretaigne, encores qu'il soit en beau train de la reconquérir par armes , il est prest de renvoyer les Ânglois et rappeller les Suisses, mesme douner une trefve au pays, pendant laquelle la paix se puisse faire, pourveu que M. de Mercœur renvoyé les Espaignols. Il ne l'accomplira pas , par ce qu'il ne le peult ; et cependant ceste proposition est plausible en la province.

Sur l'article aussi, par lequel il prétend traicter pour toute la Bretaigne , Anjou et 1^ Maine , sa majesté peult déclarer qu'elle n'entend poinct que ses^deputés soient receus que pour lui et son parti, estant la plus saine partie de Bretaigne demeurée en son service. Et

îîia ADVIS

pour ceuk d'Anjou et du Maine, que, soubs ombre de quelques maisons particulières qu'ils y tiennent, sa majesté n'entend qu'ils parlent que pour leur particulier, soit soubs le nom de M. de Mercœur," soit aultrement. Ces choses sont si raisonnables, que le refus qu'ils en feront leur donnera le tort envers Routes personnes.

Pour le second moyen, qui gist h les contenter d'expediens sur le faict de la relligion ^ le plus clair seroit que Testât de la relligion en ce royaulme jusques à ung bon concile feust réglé par l'edict de 77 , veu la promesse que fraischement sa majesté en a faicte à ceulx de la relligion , au préjudice de laquelle n'est à, propos de rien traicter, estans mesmes iceulx prêts de s'assembler à Saulmur par la permission de sa majesté, pour entendre de toutes parts ce qu'il a pieu à sa majesté accorder à leurs députés.

Cela n'empescberoit toutesfois que sa ' majesté ne peust gratifier en quelques circonstances ledict sieur duc de Mercœur et les siens, demeurant le corps de l'edict en son entier, mais par articles particuliers et secrets; et, s'il est possible, plustost de bouche que par escrit, sauf à remplacer ceste diminution à ceulx de la relligion en auUres, comme sera dict ci après.

 ce poinct, pour ne s'en départir, sa majesté a interest, pour les traictés à venir avec les ducs de Mayenne, de Joyeuse, de Nemours et aultres; au lieu que les traictés de Paris, Orléans, Rouen, Rheims, par tous lesquels l'edict est conservé, le debvroient préjuger à 1 endroit du duc de Mercœur.

Y a aussi interest, pour ne donner cest advantage audict duc, d'avoir plus obteneu que les aultres , pour

ENVOTÉ AU ROY. ia3

attirer à soi la dévotion de tous les catholiques li* gueurs y comine ayant seul sceu mesaager ce qui estoit de leur relligion. Sur quoi est à noter que la rayne nous a dict, par plusieurs fois, que rien ne le fiischoit pluâ, que quand'on le Youlloit traicter à la mode des aultres, estant tout aultre chose qu*eulx, soit qu'on considère son zèle à la relligion, soit son establisse^ ment ^ soit le secours proche et certain qui ne lui peult manquer.

Et y a neanimoins apparence, s'il a envie de la paix, comme le désir de tout le peuple la lui donne » qu'il passera par dessus ces difficultés, si sa majesté envoyé messieurs ses députés resoleus de son intention , et la leur faict bien entendre.

Ung scrupule, autant que nous avons peu comprendre , les retient. C'est qu ils ne veullent pas qu'il soit parlé de cest edict en leur traicté , craignans qu'il leur soit reproché , qu'au lieu de l'abolir ils ayent aidé à l'establir en la province, n'estant enoores icelui receu au parlement de Bretatgne.

A cela seroit aisé de pourvoir si l'intention de 'sa majesté fôtoit suivie en son parlement de Bretaigne, Car iceulx ayant receu Tedîct pour la province ne seroit plus de besoing d'en faire mention en ce traicté ; ains procederoit on seulement pour s'accommoder à leur scrupule par exceptions et négatives , comme pour exemple , il n'y aura poinct d'exercice de la relligion pretendeue reformée en telles villes et leurs faulxbourgs, etc. Et afin que ceulx de la relligion n'eussent subject de s'en plaindre , sa majesté leur ponrroit es^ tendre en récompense quelque circonstance de l'edict ; comme, par exemple, que MM. de Rohan et de Laval , etc. ^ pourroient ûître prescher en toutes leurs

'villes et maisons^ à quoi il semble qu'ils ne résisteroient pas beaucoup. Parlant particulièrement de Nantes et du vpisinage, ne fault oublier d^excepter Belin , auqi^el lieu il ne seroit séant que le seigneur demeurast sans relligion, estant. sa maison principale. . Si donc sa majesté à agréable cest expédient , fauldroit commencer par la vérification de l'edict en Brefaigne, laquelle seroit infaillible, si elle avoit procédé à Paris. S'il semble trop long , reste à précéder par Taultre ; sçavoir , que , demeurant Tedict , ils soient gratifiés en quelques exceptions , et icelles remplacées à ceulx de la relligion en la forme que dessus.

A M. le duc de Bouillon.

Monsieur , si mes lettres vous trouvent en court , vous aurés sceu tout ce qui s'est passé en nostre negotfation de Bretaigne , tant par les ,memoires que j'en ai envoyés que par le rapport de MM. de Rheims et de Sainct Luc, qui • s'en sont allés au Sainct Esprit. L'abordée a esté qu'on a demandé que la relligion feust excluse du royanlme. Depuis on s'est restreint à la Bretaigne, alléguant que tous les serviteurs du roy en la province iraternisoient avec eulx en ceste proposition. Il n'a esté rien oublié k leur respondre, et les avons arrestés sur l'edict de ^^. Mais je crains que maintenant on n'induise le roy à en rabattre , pour quoi empescher, j 'envoyé des ouvertures fort plausibles au roy, pour lui estre leues par le sieur de Lomenie ; mais qui auraient besoing d'estre pousseea

LETTRE DE M. DUPLESSIS, etc. 1^5

par auctorité telle que la voslre. Mon opinion est que cest homme veult la paix, mais si advantageuse pour le faict de sa relligion , au regard de ceulx qui ont précédemment traicté , qu'il paroisse seul l'avoir vraiement embrassée, afin de tirer à lui la créance des catholiques, deperie entre les mains de M. de Mayenne. Ce qui n'est moins préjudiciable à Testât, aulx occasions qui se peuvent présenter, affermissant la Ligue * en ceste personne , qui peult estre secoureue de l'Espaignol, que de conséquence à ceulx de la relligion pour les traictés qui sont encores à venir. Je n'ai oublié de le bien faire entendre à sa majesté. Pour ne rompre, ni aheurter sur la relligion, nous les avons mis sur le renvoi des Espaignols, offrant de renvoyer les Ânglois et révoquer les Suisses , sans craincte d'estre pris au mot. Sur ces difficultés les festes sont interveneues ; et de part et d'aultre on a voulleu con^ sulter les supérieurs , la partie neantmoins remise au 1 5 janvier à Ancenis. Ici sont encores nos députés de partie des provinces, lesquels, au retour M. de Ghouppes, se sont resoleues de haster les aultres, et les attendre pour tenir l'assemblée consentie en ce lieu par sa majesté. Il seroit à propos que vous leur departissiés ung bon advis; et crois que ledict sieur de Chouppes s'est chargé de vous en escrire, afin que toutes choses s'y passent avec meureté et discrétion ; et de ma part je vous en supplie. Le roy s'est monstre fort affectionné à faire vérifier l'edict et articles accordés; mais les contradictions à la vérification ne cessent poinct , et en l'executhon se trouveront plus

grandes.

D« Saulmur, le 25 décembre 1694.