LXXVI. — LETTRE DE M. DE VILLERQY

A M, Duplessis.

Monsieur, vostre lacquais a eu peioe à nous trouver, comme il vous dira. Nostre voyage de Picardie a esté plus long que nous ne disions. Le roy y a esté malade d'ung flux de ventre; mais il n'a pas laissé d'aller, et se porte bien , grâce à Dieu. Il est resoleu d'aller incontinent à Lyon ; je veulx dire aussitost que messieurs des finances auront graissé ses bottes. Il faict compte de laisser en ces frontières M. de Bouillon, qui n'a peu encores rien faire , et est de présent aulx environs de Soissons, et MM. de Nevers et de Lon-* gueville. Dieu veuille qu'ils ayent moyen d'empescher les desseings de Tennemi , qui n'attend que le par*tement de sa majesté , pour entrer en besoigne. M. de Guise nous a ici envoyé le capitaine de sa garde, pour nojus asseurçr qu'il sera auprès de sa majesté dedans huict jours , et a faict crier vive le rqy à ceùlx de~ Rheims. Draguet, que madame de Nemours avoit en«voyé devers monsieur son fils, est aussi arrivé ici, qni donne bonne espérance de ce costé là ; mais il fault des éffects. Il dict que M. de Mercœur ne traictera poinct sans -les aultres, et je désire qu'il soit mieulx conseillé. Toutes choses sont aussi bien disposées que jamais du costé de Rome. D'Ossat approuve l'adjonction à la légation de M. d'Evreux , et n'attendons plus que sa response à la despesche que vous sçavés , qui lui feut faicte de Sainct Germain le 9 de novembre ^ pour faire partir nos ambassadeurs qui y seront bien

veaeus, principalement si nos affaires continuent à prospérer. Enfin baston porte paix. Peult estre Tesprouverés vous par delà , comme l'ont faict ailleurs. I/armee du Turc a quitté le siège de Comar avec perte. Ceci enflera nos Espaignols, qui ont toutes* fois très mauvais jeu ; car ils n'ont ni capitaine , ni argent pour parvenir à leurs désirs, et ont encores pire cause. Le Turc dresse deux grandes armées pour le printemps; et dict on que l'empereur fera, ce qu'il pourra pour avoir la trefve, à ce conseillé 4u roy d'Espaigne; que nous avons advis de divers endroicts vouUoir recourir et employer les moyens deshonnestes et extraordinaires contre la personne du roy , les aultrès lui roanquans; mais Dieu le préservera, s'il lui plaist. Je vous envoyerai vostre estât au premier jour; car il a esté resoleu suivant vostre advis , et n'est plus question que de sçavoir oii s'en prendra le payement , k quoi j'estime que messieurs du conseil deà finances reformé auront pourveu durant nostre absence ; de quoi vous serés' incontinent adverti. Mais sa majesté est très piquée de ce que la déclaration de l'édict n'a esté publiée suivant ses commandemens. Les factieux en sont cause; lesquels seroient très aises de troubler et mutiner , par ce moyen , ceulx qui y ont interest. Mais ils les tromperont bien , s'ils sont plus sages qu'ils ne sont malicieux; car c'est ce qu'ils craignent, que Testablissement de l'auctorité de sa majesté, comme vous cognoissés mieulx que personne , et comme l'on veult trouver moyen de bastir ung nouveau remuement sur le faict de la relligion. Mais* j'espère que Dieu en descouvrira l'abus , comme il a faict la mauvaise intention de ceulx qui ont pris ci devant ce prétexte pour couvrir leur ambition; et estime qu'en vostre

J^S LETTRE DE M. DE V ILLEROY, etc.

assemblée vous n'obmettrés rien à faire de ce qui sera nécessaire pour ce regard. Je prye Dieu, monsieur, qu'il vous conserve en bonne «anté, et me recommande bien humblement à vostre bonne grâce. Vostre bien humble voisin et serviteur. De Neueville. Du Louvre en Parisis , le 26 décembre 1 594*