CXXVI. —-^MEMOIRE

De ce qui s'est passé depuis le retour de MM. d^Oliçet

et de La Ragotiere.

Le dernier frbvrier iSgS, feut baillé ung escrit aulx sieurs députés de M. de Mercœur par les sieurs députés du roy, pour estre icelui envoyé au ?ieur de Mercœur, par les sieurs d'Olivet et de La Ragotiere, contenant deux poincts, sçavoir;

Que les sieurs députés du roy n'avoîent charge de recevoir ledict sieur de Mercœur à traicter que pour ceulx de son parti , et les places qu'il tient ; ni pareillement ceulx qui pretendoient représenter le Poictou , Anjou et le Maine , que pour les places par eulx occupées. A quoi se restreignans les députés dudict sieur de Mercœur, estoient prests les députés du roy, de leur donner tout raisonnable contentement, tant sur le faict de la relligion que sur tous aultres.

Et, pour le second poinct, que les députés du roy, voyans que le temps se perdoît en allées et veneues à la grande foule du peuple, offroient de la part de sa majesté qu'elle renvoyeroit les Anglois, rappelleroitles Suisses , et donneroit une trefve de trois mois à sa province de Bretaigne, moyennant aussi que ledict duc de Mercœur renvoyast les Espaignols. Le tout neantmoins sans interruption de la negotiation de la paix, pour la continuation de laquelle, au contraire, ils promettoient aulx députés dudict sieur de Mercœur toute assiduité.

Au retour desdicts sieurs d'Olivet et de Ragotiere ,

MËMOIRE. a33

a esté faict response sur lesdicts deux poincts, sçavoir : sur le premier, que ledict sieur de Mercœur estoit resoleu de traicter du faict de, la relligion pour toute la province de Bretaigne , comme gouverneur d'icelle, et toutesfois offroit se restreindre en aultres

choses à ce qu'il tient, encores que ce feust avec diminution de son auctorité.

Et sur le second , que quand on lui feroit ouververtures plus justes pour la trefve que par le renvoi des Ëspaignols, il en communiqueroit avec ses amis, et nommeement avec lesdicts Espaignols , et ils y entendroient volontiers (i).

Le lundi i3, leur a esté faict response par les députés du roy, sçavoir : sur le premier poinot, que sa majesté auroit tousjours estimé eslre le vrai protecteur de la relligion en son royaulme, et ce droict lui appartenir, privativement à tous aultres, mesme depuis la profession par lui faicte , que nul ne pquvoit révoquer en doubte. Ne soufTroit aussi volontiers sa majesté que ce titre lui feust partagé avec quelconque aultre, n'estant à propos que ledict sieur de Mercœur voulleust obliger ses subjects, mesme ceulx qui auroient persisté en son «obéissance , ni par ses prmes , ni par ses traictés , et du faict que sa majesté ne se seroit jamais proposé que ledict sieur de Mercœur eust vouUeu traicter pour aultres que pour ceulx qui le suivent, et pour les places qu'il tient, veu mesme les exemples de tous les traictés precedens , faicts pour la paciâcation de plusieurs provinces de son

(i) Ces mots prohoncés par le sîeur de Saiiict Malo, portant la parole pour ealx, ont esté par eulx opiniastrement rétractes.

royaulme, qui ne lui sont de moindre importance, esquelles chacung auroit borné ses demandes aulx limites et places qu'ils tenoient, qui auroit esté cause que sa majesté n'auroit aussi donné charge aulxdicts sieurs ses députés de traicter avec ledtct sieur de Mercœur qu'aulx susdictes conditions, lesquelles ils ne pouvoient excéder , y estant astreints par les instructions. Mais bien estoient prests comme plusieurs fois ils leur auroient dict, et leur disoient encores, de la part de sa majesté, de leur donner tout raisonnable contentement, tant pour la relligion que pour tous aultres articles, en cas qu'ils se voulleussent restreindre es termes susdicts, sinon qu'ils persistassent tousjours à traicter pour les lieux où ils n'avoient aulcune puissance ( chose à eulx et non preveue par sa majesté^ , qu'ils ne pouvoient sinon despescher exprès vers sa majesté pour lui faire entendre l'intention dudict sieur de Mercœur, et recevoir sur içelle le commandement de sadicte majesté.

Et , pour le second concernant la proposition de la tf efve , leur a esté respondeu qu'ils n'avoient eu charge de la leur proposer qu'en termes qui leur avoit esté déclarés, estimant sa majesté que le renvoi des estrangers estoit ung bien commun pour le soulagement de la province , qui ne pourroit estre qu'embrasé de part et d'aultre. Toutesfois, puisque par ledict sieur de Mercœur il n'estoit jugé tel, ils representeroient le tout à sa majesté par la mesme despesche, et la supplieroient très humblement de leur déclarer sa volonté sur ce poinct, comme aussi ils les pryoient d'entendre dudict sieur de Mercœur, pendant ce temps, les conditions soubs lesquelles il pretendoit faire ladicte trefve, afin qu'au premier abouchement lesdicts

MEMOtRE. ^35

députés se trouvassent suffisamment auctorisës pour la

feire.

A ce feut respondeu que les députés dudict sieur duc de Mercœur rapporteroient response de son intention sur la proposition et condition d'une Irefve, en attendant la continuation du traicté de la paix près de la royne à Chenonccaux, le i5 d'avril, où les députés accordent de se trouver, et aussi les députés de sadicte majesté rapporteront Tinlention d'icelle majesté

sur la trefve et conditions d'icelle.

Da i6 mars iSgS.