CXXVII. — * MEMOIRE
Baillé par M. de La Roche Giffardy le 1 7 mars i SgS. Estât des affaires du roy en Bretaigne^ depuis la veneue de F armée donduicte par M. de Sainct Luc.
Monsieur le mareschal ayant eu advis de Tarmee «onduicte par M. dé Sainct Luc, jugea qu'il esftoit nécessaire d'employer ces forces fraisches, et les siennes rafFraischies depuis le siège de Cranzon , parce que le pays ne pouvoit porter ces trouppes inutiles, pour ceste raison qu'il n'estoit besoing de parler de trefve : estant aussi plus fort de cavallerie et d'infonterie que son ennemi ; joinct que trois places capituloient avec lui , et la plus part de la noblesse du parti contraire cstoit soubs passeports et en traictés secrets
pour se mettre en l'obéissance du roy.
Il proposa au gênerai Noris de s'advancer jusques a Garhais, logis assés grand pour une armée composée de trois fois autant de forces, et situé au milieu de la province.
Il laissoit derrière lui tout le pays bas dernièrement conquis ; portoit h teste vers les ennemis , s'approchoit de cinq ou six places qu'il tenoit en jalousie , et de là faisoit desseing d'investir Vanes à l'improviste , ville grande , riche et aisée à prendre avec une ârmee fraische. Geste place est si proche et utile aulx Espaignols qu'il les obligeoit par tous les debvoirs à combattre, et ne pouvoient les trouppes françoises passer à eulx qu'à la veue de son armée.
Ledict sieur gênerai ne vouUeust partir- du pays de Léon pour le nombre ( comme il disoit) de ses malades , encores qu'on les eust faict mettre aulx villages près de la mer , où on leur foumissoit argent , vivres et chirurgiens.
Il refusa aussi de s'attacher à aucung siège , ne sachant l'heure qu'il seroit mandé de la royne d'Angleterre, toutesfois qu'il assisteçoit à Corlay qui estoit sur son chemin , se retirant à Pimpol.
Sur ceste créance il feit investir le chasteau par le sieur de Montmartin^ où il se joignit, si tost qu'il sceut que les Espaignols venoient.se loger à Pontivy, grand logis proche de Corlay.
Le desseing de monsieur le marescfaal estoit de laisser a Corlay mille hommes de pied' seulement et deux cens chevaulx , qui estoient battans pour ce siège , et avec le reste de l'armée aller à Pontivy / pour prendre ces deux chasteaulx en mesme temps.
Il faisoit estât de garder ces deux places, qui sont distantes de cinq lieues , et qui font la ligne diamétrale de la Bretaigne; il couvroitKimper non encores fortifié, et la citadelle de Morlais qui n'estoit achevée ; et falloit que par nécessité l'armée des ennemis s'arrestast à ces deux chasteaulx avant que d'entrer au pays
