DE M. DE LA ROCHE GIFFARD
bas, parce que ces deux places lui coupoient les vivres, qui ne lui peuvent venir que de fort loing.
Ce desseing feut rompeu, les Ânglois refusant dp se joindre au siège de Corlay, parce que les vaisseaux estoient arrives à la coste pour les embarquer; toutes*fois par pryere ils s'approchèrent de deux lieues du siège.
Monsieur le mareschal ne pouvoit croire ce soubdain partement, n'ayant esté adverti de la royne, ni de Tambassadeur , qu'elle retirast ces trouppes. Il avoit ung homme en Angleterre qui ne lui en donnoit aucung advis, joinct que le gênerai ne lui faisoit voir les commandemens de la royne , lesquels il ne voulleut faire paroistre que trois jours auparavant qu'il s'en aliast, et lui envoya par copie.
Mondict sieur le mareschal avoit despesché des le commencement du siège de Gorlay , le sieur de Forges en Angleterre, par l'intelligence mesme, toutesfois secrète, du gênerai de Noris, pour remonstrer a sa majesté serenissime la grande ruyne qu'apportoit aulx affaires du roy la retraicte de son armée , au temps du . traicté de paix, et d'une nouvelle armée espaignole, et avant que ces conquestes feussent asseurees.
Le gênerai Noris partit quelque temps après, pour appuyer ce desseing à la court d'Angleterre , et faire par soubs main que le conseil changeast de resolution de rappeler les trouppes de Brètaigne.
Neantmoins elles feurent commandées de s'embarquer le premier jour de mars, laissant seulement la compaignie des chevaulx légers dudict sieur gênerai , et cent arquebusiers à cheval ; le reste feit voile le 3 dudict mois.
M. le mareschal leur feit ofifre d'en payer douze
cens des deniers de la province, et voulleut acheter dix ou douze jours de temps au prix de mille escus' par jour; tout ce labeur feut inutile.
Cest accident, surveneu à Timproviste, leur feit changer Tesperance de conquérir en nécessaires resolutions de se deffendre; et, voyant le duc de Mercœur se^ mettre aulx champs, son corps d'Espaignols , fort et frais, partit de Corlay pour aller à Kimper, jugeant que rien aultre que sa présence ne pouvoit âsseurer ceste place , de laquelle despend trois cens mille escus de rente ordinaire.
Ledict sieur mareschal avoit temporisé à faire une citadelle en ceste ville , encores qu'il sceust fie la pouvoir conserver que par ce seul moyen; les instantes pryeres des habitans, et les plainctes qu'ils avoient faictes aulx estats du pays et à la court du parlement, avoient esloingné le temps, non la resolution de la commencer; il n'en jugeoit aussi la haste si nécessaire, ayant une armée aulx champs plus forte que celle des ennemis.
Il feit nécessité de son armée , où il trouva deux mille arquebusiers françois, oultre le corps des Suisses, et trois à quattre cens chevaulx.
Il laissa l'armeè entre les mains de M. de Sainct Luc , et la feit loger, entre Guingan et Pimpol, à ce que approchant du logis des Ânglois, les ennemis ne jugeassent la séparation jusques au jour de l'embarquement ; aussi que le duc de Mercœur marchant vers lui à Kimper, M. de Sainct Luc peust par Morlais et du long de la coste, se joindre à lui le premier, et sans hazard joincts ensemble , ils se résolvent de retrancher ung village à la teste de Kimper , et à la faveur du bras de mer qui vient à la ville , garder cinq
