CCVIII. --• LETTRE

De la royne de Navarre ^ escrite de sa main, à M. DuplessiSy de Van i SgS. // semble, qu'elle soit du commencement de F année.

Monsieur Duplessis, si le but de nostre contentement consiste à faire, par quelque utile service, cog-

384 LETTRE DE Lk ROYIVE DE NAVARRE, etc. noistre nosire affection à ce que nous honorons et chérissons le plus; et si le bien plus désirable est la tranquillité et asseuré repos de nostre vie, combien vous dois je, m'estant le moyen de deux si grands biens ! Certes, non pas l'effect mais la pensée ne peult atteindre au mérite de telle obligation ; que , si mon ame estoit aussi capable de s'expriiper comme de ressentir, je vous ferois juger par Theur et l'honneur qu'elle a conceu par vostre lettre du bon succès de ces deux fins (seule félicité de mes ans), et par Tasseurance qu'elle a prise du bien de vostre amitié, avec combien de fidelle et très humble dévotion j'ai dévoué au roy mon service , et avec combien de perfection mon amitié vous est dediee et acquise; mais bien que la nature m'en ait desnié les paroles, la fortune, puisque j'ai la faveur de la bonne grâce de ce qui seul la peult surmonter, ne m'empeschera que, par les effects, je ne le tesmoigne en toutes les occasions où, pour mon bonheur , je serai propre à servir à l'establissement et accroissement de sa grandeur, ou advancement de ce qui sera de vostre bien et contentement ; vous protestant que ces deux respects auront tousjours autant de force en moi que ceulx de mon salut et repos. Faictes donc estât, je vous supplie, que rien n'est plus soubmis à son obéissance que ma volonté , ni rien tant à vous que ce qui^era en ma puissance; J'escris à M. Erard quelques particularités pour mes affaires ; je vous supplie les recevoir en vostre protection, et croire que rien au monde n'admire et honore plus vostre vertu que vostre plus affectionnée et fidelle amie,

Marguerite.

MANIFESTE, etc. 385

Contre M de Mercœur, duquel le roy suspenifii la ■ publication à cause du iraicté qui intervint, sa ' majesté s' approchant de Bretaighe, i SgS.

Tout homme de bon sens présumera tûusjours, sans aultre preuve , que le roy en la seule qualité de roy, sans le considérer en sa clémence et bonté qui lui sont et particulières et naturelles, aura faict tout ce qu'il aura peu et deu pour pacifier son estât , n'aura rien obmis de ce qui l'y aura peu acheminer, rien laissé au chemin de ce qui pouvoit tant soit peu achopper, veu que c'est tout évidemment son bien qui se four^ rage par la continuation des misères civiles, sa maison qui se brusle, son sang qui se répand, sa vre qui se dissipe , chose naturellement très sensible à toutes per* sonnes; mais tant, plus à qui a plus de vigueur et. d'es-^ eus, que nulle stupidité ne peult amortir, nul ne se peult cacher insensible, donc plustost à eeulx qui, pour n'estre non membres de ce corps, ne peuvent estre animés du mesme esprit , ne sont naturellement touchés de mesme sorte ; qui , au contraire , pour avoir assigné leur avarice et leur ambition sur le sac du royaulme , non contens des honneurs qu'ils y posse^ doient par le seul bénéfice des roys , se plaisent au feu et au desordre , esquels la nature n'a poinct engendré les mouvemens et sentimens Irançois pour compatir au mal , et condescendre au bien de Testât en la dureté et barbarie, aussi desquels la benéficenee ^ la libéralité des roys, pour grande et gratuite qu'elle ait

MÉIU* DE DUPLBSSIS-MORITAT. ToMB TI. 2 5

esté sans precedens mérites, bien Teiist au dessus de leurs premières prétentions, ne les a peu empreindre; esquels, au contraire, Tardeur de la conviction a estouffé la conscience, forcené la raison, violenté toute la nature, assoupi tout juste sentiment pour abuser leurs vaines prétentions, et tout ce qu'il y a de plus. sacré entre les chrestiens, de plus vénérable entre les hommes pour flatter leurs yeux et leurs oreilles des cris de Torphelin , des larmes de la veufve; pour regarder avec plaisir la cheute de ceste monarchie qu'ils pensent avoir mise sur pilotis par leurs artifices, n'attendant que l'Espaignol à leur secours pour y mettre le feu; et lesquels, misérables qu'ils sont, ne veultent poinct voir qu'ils ne peuvent circuler si loing, se cacher si bas , que la ruyne ne les accable , que les estats ne les meurtrissent. S'imaginent , au contraire, de pouvoir mesnager la ruyne de cest estât, et le debvoir survivre, n'appercevant pas que ces grands corps ont leurs mouvemens plus lents, leurs périodes plus longues que les hommes , que ceulx mesmes qui les auront blessés à la mort, et les enfans de leurs enfans par le propre cours de la nature , sont ensevelis premiers qu'eulx , quand mesme le juste jugement de Dieu n'y interviendroit poinct, qui ne s'endort jamais sur les prétentions des tyrans , les sçait à poinct nommé précipiter du plus hault de leurs espérances , retrancher au plus verd de leurs ans.

Ores , demeure donc ceste présomption toute claire d'elle mesmes , que le roy aura faict ce qu'il aura deu , la paix ; l'ennemi , ce qu'il aura peu , pour ne l'avoir poinct , estant bien intéressé en sa conservation , l'aultre en la diàsipatian de ce royaulme. Et si la malice de quelque$ uûgs peult tout sur la simpHcité des aultres,

que de faire doubter de ce qui est évident par le sens , et nous oblige. à le prouver d'ailleurs, les preuves, en semblables cas, ne nous manqueroient poinct; ains nous doibvent abonder de tojites parts. Quand nous avons veu le roy tant de fois hasarder sa vie pour le recouvrement de ses estais , Tavoir veu le lendemain de ses victoires , pour abréger les souffrances de son peuple, offrir la paix à ceulx qui avoient conjuré sa ruyne, ne se rebuter jamais pour tergiversation,' pour difficulté, pour refus qu'ils en feissent, ne s'irriter pour action , pour passion qu'ils apportassent, au contraire pour injure publicque ou particulière, qu'il en receust l'amour , veu bref tout aussi tost qu'ils ont monstre tant soit peu de bon signe de voulloir çn^ tendre , descendre ^e son throsne , voire de sa majesté pour s'advancer au devant d'eulx , leur tendre la main , fouiller jusques au fonds de ses Nécessités, non que de ses moyens pour raicheter , donner son royaulme pièce à pièce, toutes ses injures au public sans reproches , ce qui estoit mesme de sa dignité et de son auctorité sans régner ( domaine le moins aliénable entre les grands princes ), pour pouvoir rendre le repos à ses subjects, et non tant encores pour avoir sels villes, que pour conquérir le cœur de ceulx que là maligne influence en avoit distraicts, lesquds, par la grâce de Dieu , elle a pris plus de plaisir de reunir à sa volonté qu'à sa subjection , de rendre capables de sa bonté que de sa force; comme aussi par ceste mesme grâce, nous voyons aujourd'hui qu'ils se sentent plus satisfaicts et exaltés d'avoir, par leur juste submission, acquis sa bonne grâce, qu'ils ne seroient d'estre- parveneus à leurs intentions par ces contraires voyes.

Mais si ceste affection naturelle d'acquérir la paix

388 ' MANIFESTK

à cest estât , rendre le repos à son peuple , rappeller à soi les volontés desunies , a pareu en tous les endroicts de ce royaulme, certes , en la province de Bretaigne spécialement, en la personne du duc de Mercœur, plus^ qu'envers tout aultre duquel les armes n'avoient leur cause qu'en son ingratitude, ne prenoient leur force que des bienfaits du feu roy , et duquel par conséquent la recherche par toutes voyes, et amiables et honorables, redouble en louange la bonté du roy, sentant que la grâce croist à proportion de Fingratjtude; la clémence à la raison du crime, redouble pareillement sur ledict duc de Mercœur le courroux de Dieu , la malédiction du peuple, la juste indignation du roy, la sévérité de sa justice et de ses justes armes; es ce nous fera foi l'histoire de ce qui s'est* passé, et de par lui et avec lui , laquelle sera ici récapitulée en peu de paroles.

Se ressoubviendra donc ici ung chacung que le feu roy Henri ill , de très louable mémoire , ayant espousé la roy ne Louise, à présent douairière, fiUe du duc de Yaudemont , puisné de la maison de Lorraine, attiré près de sa personne en Ëiveur de ladicte dame , le duc de Mercœur lui feit tost après espouser rheritiere de la de Martigues, sa femme, des plus riches de ce royaulme; le feit participant des principaulx honneurs qui estoient en sa puissance , jusques à deposséder du gouvernement de jj^etaigne feu monseigneur le duc de Montpensier , prince de son sang» nonobstant qu'il lui feut remonstré par les principaulx de son conseil que c'estoit faire une insigne playe à son estât, dont ils seroient responsables de leur vie en honneur, d'autant que ledict duc, à cause de sa femme isseue de la maison de Penthievre , pre-

CONTRE M. DE MERCOEUR. SSg

tendoit de grandes actions en Bretaigne^ et que lui donner ce gouvernement estoit proprement joindre à ses actions ]a possession , à ses pret^itions la force , dont l'occasion et la fadlité lui revelleroient l'envie, quand à son arrivée il ne l'auroit poinct. Lui feut mesme remarqiué son naturel attentif à ses affîiires, aheurté à ses desseings, veillant sur les occasions, autant que lors par avoir encores en peu de maniement on le pouvoit cognoistre , et neantmoins après plusieurs protestations dont feut baillé acte à M. le chancellier, à l'instante poursuite de la royne, feut passé oultre. Ce bienfaict donc , d'autant plus grand que moins il y avoit raison de le &ire, que plus il j en avoit pour ne le faire poinct

Viennent MM. de la maison de Lorraine à prendre les armes contre le feu roy, à lui suborner les principales villes de son royaulme, en ceste anxiété ne pouvant présumer ung si grand mal de lui , personne obligé par tant de biens, irrité de nulle injure, sinon en tant qu'il eust d'en estre vengeur de celfe du roy. Il varia de se retirer en Bretaigne , en espérance d y trouver de la fidélité, au moins de quoi respirer pour rallier ses forces; son bonheur vouUeut qu^il prist aultre conseil , parce que tost après il feut bien adverti qu'il lui estoit d'autant moins affectionné que plus il avoit subject de l'estre, comme de faict passant pardessus tous respects, et du roy et de la royne, et de soi mesmes, il eust en peu de temps monstre par divers exemples contre les serviteurs du roy, qu'en mesmes intentions il apportoit plus de violence et de malignité pour tous les aultres ; en ce égalant comme de guet à pens son ingratitude à la grâce du feu roy, taschant de lui faire tout le mal qu'il peult sans sub-

Sgo MANIFESTE

ject, comme le roy lui avoit faict infinis biens sans

mérite.

Son prétexte feut la deffense de la relligion catholique ; avec quel subject ? ains avec quelle apparence en Bretaigne , où il n'y avoit aulcune place teneue par Je parti contraire, où elle ne recevoit opposition ni contradiction? où les plus rigoureux esdicts estoient obéis et exécutés, où jamais n'y avoit eu guerre ni tumulte? Et de faict qu'estoit il besoing,[s'il ne tendoit ailleurs, xle prendre Nantes, Vannes, Quimper, Dol et aultres villes en Bretaigne ? Et qui persécuta il , qui chassa il des villes , sinon les catholiques , les abbés et les evesques mesmes? et puis, contre qui la defFendre? Ung roy, catholique de profession et de dévotion, qui avoit employé ses premiers ans à faire la guerre à la relligion contraire ? En ses derniers n'avoir eu plus grand soing que révérer le clergé, fonder monastères, y passer les jours et les nuicts jusques à en abandonner Jes affaires du royaulme, jusques à leur avoir abandonné en proye. Certes , ce n'estoit donc poinct les armes de Godefroy de Bouillon , ni de Simon de Montfort ; son zèle, comme ceulx là ne le feit 'poinct croiser contre les Albigeois, contre des mescreans, ne lui feit poinct traverser ni les monts, ni les mers, bien qu'il eust du subject et avec plus d'apparence ( et non loing de lui), pour employer ses armes ; mais bien son ambition , sa convoitise le relient en Bretaigne, où il se figura des monstres à combattre^ qui n'estoit du tout poinct,' où il le voulleut -faire croire pour abréger son voyage, qu'il trouvôit des Damas, des Damitt^s, des Thîberiades, des Sarrasins, des Mahonietans, des" infidcHés , les plus •gens de biens eu- toutes les bonnes villes en ce qui est

CONTRE M. DE MERCOEUR. Sgi

de naturel, en ce qui est de domination par toutes les sortes les plus affectionnées au service du roy, au bien de leur patrie, qu'il empoisonna, qu'ail expulsa, qu'il transqueta , qu'il feit en somme passer par toutes les sortes de barbarie , de tyrannie , tellement , qu'au lieu que la province de Bretaigne se pouvoit vanter de n'avoir souffert aucung dommage de toutes les guerres qui avoient esté en ce royaulme l'espace de trente ans à l'occasion de la relligion contraire , elle peult dire, avec vérité, que soubs la deffense de la relligion catholique pretendeue par le duc de Mercœur, elle s'est trou'^eeen moins de trois années entièrement ruinée et désertée , souffrant de ceste sienne dévotion, non les huguenots qu'il appelloit, mais les catholiques, mais pour une relligion contraire, dix mille catholiques.

Mais comme le feu roy èust esté assassiné par ce parricide jacobin , pensant estre désormais au dessus du vent et à la veille de duc de Bretaigne, il surmonta en malignité et en ingratitu^;-csrr les hommes naturellement ne ramentoiyent volontiers que les vertus des morts excusent ou ensevelissent leurs vices avec eulx ; que les princes et les capitaines generaulx pleurent leurs plus grands ennemis ; ceulx mesroes qui s'en rejouissent, en détestent les meurtriers et les meurtres. Et combien plus par ung assassinat , ung parricide si énorme! Le duc de Mercœur, au contraire, se faicl imprimer ung livre auquel il donne privilège, composé par Le Bossu, par lui installé en t'evesché de Nantes , auquel il déclare le feu roy pire que Néron , qu'Herode, que Judas, tyran du royaulme, traistre au genre humain, traistre à l'Eglise, approuve et exalte l'assassinat commis en la personne du feu roy, pro-

Sga MANIFESTE

cédé, dict il, du mouvement du Sainct Esprit ; l'assassin, par conséquent , sainct et martyr, digne d'estre canonisé, le Cousteau d'estre gardé en relique pour oraison funèbre à ce grand roy qui Tavoit faict son beau frère, et pour consolation à la royne sa sœur, qui Tavoit faict ce qu'il estoit. De ceste action , qui passe tous termes d'humanité , juge ung chacung sa passion profonde, et non plus contre le roy, que lui eust il servi ? mais contre cest estât, afin que la louange de ce parricide soit ung séminaire de plusieurs aultres, afin que par la mort de peu de princes qui nous restent soit coupée la gorge à cest estât.

Evident donc le roy à présent régnant au royaulme par cest acte barbaresque, la couronne lui estait plus tost inopinément tombée du ciel sur la teste, pour Festonner, que pour le couronner; tant de pesans affaires l'accabloient tout à coup à ce commencement , pendant lesquels il feut aisé au duc de Mercœur de faire grands progrés en Bretaigne , pour lesquels tant plus acheminer, il s'allia de l'Espaignol, receut ung argent de sa part auprès de lui, et lui livra le port de Blavet, qu'il a depuis fortifié, le plus important, plus commode et plus capable de toute la Bretaigne, et feut le premier de ceulx de ce parti ( qui doibt estre noté ) qui ouvrist nostre frontière et nostre mer aulx Espaignols.

En ce roy cessoient les prétextes precedens de leurs armes, le mauvais gouvernement, car il n'y avoit poinct participé ; ains en avoit souffert, au lieu qu'ils en avoicnt faict leurs affaires. La vengeance aussi pretendeue de Texeculion de Blois, car il n'y avoit trempé ni de la main ni du cœur, et cela debvoit faciliter la composition de toutes choses; mais la profession de reUigîon con-

CONTRE M. DE MERCOEUR. Sgî

traire lui restoit, prétexte à eulx Suffisant pour nourrir la vraye cause des armes ; lequel , estant levé , protestoient iceulx tous, le duc de Mercœur spécialement en toutes assemblées plus qu'aucung aultre, qu'il n'avoit plus rien à dire, qu'il n'estoit armé que pour la relligion , qu'aussi tost il poseroit les armes.

Ains ce feut lors, au contraire, qu'il desploya tant plus d'artifices; car le roy ayant faict sa profession à Sainct Denis , il la conteste et la calomnie à Rome. Il s'allie tant plus estroictement à l'Espaignol ; il ne crainct et ne defFeud rien tant que de s'en resjouir, que d'en parler; tellement que les livres et escrits qui la publioient, estoient condamnés pour libelles factieux , les bommes qui en parloient punis comme criminels de lèse majesté ; mais comme l'Espaignol voulleut faire profict de la craincte qu'il recogneut en lui, que la profession du roy ne troublast ses affaires pour l'obliger à son service, et le faire instrument de sa conqueste et de son droict pretendeu en Bretaigne ; le duc de Mercœur, au contraire, V qui ne voulloit démordre l'espérance dé l'usurpation de la duché de Bretaigne, pense qu'il lui falloit faire peur à l'Espaignol de sa reconciliation avec le roy , afin qu'il le pressast tant moins , n'ayant jamais eu aultre desseing ledict duc que de nager entre ces deux grands rois , attendant tousjours la mort naturelle de Fung, la violence de l'aultre , pour demeurer enfin duc de Bre* taigne, et c'est le commencement de ce traicté, si long temps entreteneu en vain , desquels ayant entendeu le progrés on en trouvera la fin moins estrange. *

La royne donc estant veneue à Mantes trouver le roy pour lui demander solennellement justice de las*

Sg/i MANIFESTE

sassinat du feu roy son seigneur et mari , le roy lui tint propos du désir qu'il avoit de retirer le duc de Mercœur à son service , et la prya de s'y employer , offrant de lui donner toute juste occasion d'estre content. Ce que la royne accepta volontiers, et pour son affection au bien de Testât, et pour le jugement aussi qu'elle faisoit que c'estoit l'advantage dudict duc. En ces termes , toutesfois , qu'il y avoit long temps qu'elle ne l'avoit veu, et ne sçavoit pas bien en quelle humeur il estoit ; sur quoi le roy la supplia de prendre la peine de l'aller voir pour sonder son intention. Mais comme les affaires l'eussent long temps reteneue, et qu'estant arrivée à Ancenis, ledict duc, contre toute gratitude et bienséance, eust passé quelques mois à l'y laisser ennuyer sans la voir, advient sur ces entrefaictes l'heureuse redduction de la. ville de Paris en l'obéissance du roy, laquelle en tiroit plusieurs aultres après elle , et lui debvoit esbranler les peuples de Bretaigne; lesquels, à ceste occasion, il estima debvoir leurrer et entretenir d'ung espoir de paix, craignant que, désespérés de la trouver en lui et par lui, ils se jettassent à la chercher comme les aultres villes et de par eulx mesmes et sans lui. Ains, pour hast€r ceste recherche, et en faire tant plus venir l'envie, il donna tost après ung espoir comme infaillible qu'elle produiroit une paix; car ung certain Jehan Vallée, prieur de la Trinité , soi disant estre à Paris pour faire quelques matières beneficiales , serviteur confident dudict duc, et non moins Tarbuoni Florentin, son agent en Espaigne, s'insineue vers M. de Schomberg, personnage qui lui sembla capable d'entendre à cest affaire, pour estre recogneu de embrasser avec extresme affection tout ce qui tend à la pacification

CONTRE M. DE MERCOEUR. SgS

du royaulme, l'asseure de la bonne inclinaison dudict duc à la. paix, et le roy mesmes, vers lequel il est introduipt par ce moyen , confère avec ledict sieur des moyens, en concerte les articles, qu'il juge acceptable» de sa part; n'y restant, disoit il, rien plus pour y mettre une fin pour envoyer quelques personnages de qualité requise pour assister la roy ne , et l'acheminer à ceste negotiation pour la conclure par le sieur de la Trinité ; sur ce propos en promettant de faire resouldre ledict sieur de.Mercœur, auquel il disoit en avoir desjà escrit par plusieurs lettres, mesmes escrit de Nogent le Rotrou et d'Angers audict sieur de Schombergy en date du i" et 3 de novembre, qu'il avoit receu deux despesches dudict duc de IV^ercœur en chemin , qu'il avoit deschiffrees, qui lui donnoient grande asseurance du fruict de son labeur, ayant ledict duc pris tel goust ( c'estoient ses mots) aulx articles avec lui concertés, que,.pourveu qu'on envoyast au plus tost des députés pour traicter la paix, infailliblement se fe- : roit , et , s'il estoit possible , que ce feust lui mesmes. Et . est à noter , parce qu'il veult tousjours faire bouclier de relligion pour abuser le peuple , que le premier article doût il estoit conveneu estoit couché en ces mots : « que l'edict de Tan 77 sera observé au pays de Bretaigne, comme par toutes les aultres provinces du •royaulme, fors et excepté es villes et faulxbourgs que le sieur de Mercœur portera en l'obéissance de sa majesté, où il n'y aura exercice que de la relligion calhohque. » Et item « que sa majesté fera sortir les estrangers dudict pays qui y sont pour son service , comme aussi fera ledict sieur de Mercœur des Espaignols, el seront les fortifications des places de nouveau fortifiées par les sieurs estrangers d'une part , et d'aultre

démolies et rasées, d Ce qui soit dict pour recognoistre tant 'plus en ce qui est ensuivi, de quelle foi et en quelle intention ce traicté avoit esté mis en avant.

Le roy donc, qui n'avoit rien plus cher que d'aller au devant de ceste bonne volonté , si telle elle estoit sans s'arrester à aulcung scrupule, faict choix dés plus notables de son conseil de toute» qualités, et les faict acheminer au plus tost pour assister la royne à ceste conférence, sçavoir, M. Tarchevesque deRheims, premier pair de France; MM. les comtes de Flesque et LaRochepot, Duplessis, de Chasteauneuf , chancellier de la royne, qui se rendirent à Âncenis, le m janvier , \y jour nommé. Y faict aussi rendre M. de Sainct Luc , lieutenant gênerai en la province , et MM. de Marigny, président au parlement, et de La Grée, en la chambre des comptes , pour y représenter tant miculx tout ce qui seroit du bien d'icelle, ne vouUant mettre sa majesté en considération ce que le commun sçavoit assés dire, que l'envoyer rechercher si loing, et par personnes qu'il ne pouvoit contrepeser , estoit trop rabaisser de sa dignité , laquelle il n'a jamais faict difficulté de ployer soubs la nécessité piiblicqûe.

Ores , aulx premières démarches n'eust esté malaisé de recognoistre de quel pied ils marchent , si le désir de la paix publicque n'eust faict mieulx penser d'eulx que leurs procédures ne voulloient. Car ce feut d'entrée de jeu à contester avec les députés dudict duc, partie sur des formalités, plans de présomptions, partie sur des propositions impertinentes. VouUant iceulx estre receus à traicter comme représentant la duché de Bretaigne au rang qu'elle tenoit avant le mariage de la royne , avant la reunion d'icelle à ceste couronne, c'est à dire traicter du pair avec le roy, in-

troduisit en la conférence certains petites gens aulxquels, ils voulloient faire tenir le lieu des provinces d'Anjou, de Poictou, de Normandie, soubs ombre de Chasteau Gontier, le mont Sainct Michel, maisons particulières qu'ils y tenoient , s'opiniastrant à refuser au roy son légitime nom , en le qualifiant chef dç son parti, afin qu'il n'eust aulcung advantage , sur leurs raaistres, et nonobstant la profession qu'il avoit iaicte, de laquelle il \oulloit voir la preuve en la ruyne de Theresie , en premier que de le recognoistre. Tesmoi-' gnages tous evidens , qu'ils ne craignoient rien plus que de venir à ung repos, et qu'ils l'abhorroient tant qu'ils en redoubtoient les faulxbourgs et les aveneues , et tous les chemins qui y pouvoient conduire; et feurent neantmoins recherchés et pris tous les expediens qu'il feut possible pour les en mettre en chemin , mesme au détriment de la dignité du roy et de la royne, au blasme et mespris de ceulx qui y condescendoient , s'il n'eust esté bien resoleu entre eulx , par le commandement du roy et par leur propre affection , de renoncer à toutes les considérations et de la bienséance et de la dignité pour parvenir au repos de cest estât.

Pour ce qui est de la substance, sur ce qu'ils persistoient tousjours à traicter pour toute la Bretaigne, eulx qui n'en tenoient ni la plus grande , ni la meil* leure partie , leur' feut dict qu'ils n'y pourroient estre receus , attendeu que c'eust esté trop faire de iort aulx vrais et légitimes estats de la province, et à tant de gens de bien de toutes qualités, qui avoient si bien servi le roy et la patrie, lorsqu'ils ne voulloient, ne debvoient tenir leur conservation d'iceulx, desquels ils n'avôient receu que de la ruyne; bien estoit on près

de traicter avec eulx pour les places qu'ils tienoient, et en ce faisant les gratifier autant que les affaires de sa majesté le pourroient promettre , et comme ils ne vouUeussent passer oultre sans avoir sur ce l'advis dudict duc de Mercœur, lesdicts sieurs députés du roy, voyant qu'ils ne cherchoient que des allonges, pendant lesquelles le peuple souffroit, pour y apporter au moins ung restreintif, leur offrirent de faire une trefve en Bretaigne et provinces circonvoisines pour trois mois, moyennant laquelle le roy renvoyast les Ânglois et Suisses, et eulx les Espaignols, afin que sôubs le silence des armes la paix se peust plus com^ modement traicter, à quoi derechef ils né voullurent aulcuneme.l^t entendre. Bref, coipine ils se virent accrocher et pour la paix et pour la trefve, lés requie- ^ rent au moins , afin que leur entreveue n'eust esté du tout inutile, de consentir ^ue de part et d'aultre les ecclésiastiques , les veufves et les mineurs jouissent de leurs biens. Â quoi encoresjls ne vouUeurent toucher, le remettant à la conférence prochaine , craignant d'offenser la pretendeue soit pieté, soit charité du duc de Mercœur. Et telle feut la séparation de ce premier pourparlers d'Ancenis, continué depuis le 12 jusques au 27 décembre, sauf à se retrouver le i5 janvier gS ensemble 9 non sans ung juste souspçon que ces tergiversations si grossières attendoient l'assassinat du roy, attenté six jours après dedans la ville de Paris par Pierre Chastel, nourrisson des jésuites.

Ores, le 10 febvrier ensuivant ( car il entretenoit tousjours nouvelles longueurs de leur part), MM. les députés du roy se trouvent à Ancenis , où ils attendirent jusques ^u 20 les députés dudict duc, qui ont appris de l'escho de l'Espaignol de se faire tousjours

attendre , et estimoient qu'il y allast de leur honneur d'arriver les premiers. On pensoit debvoir entrer en matière de plein pied; au contraire, ils protestent ne pas passer oultre , que le sieur de lïeurtaut , capitaine de Rochefort , prisonnier de guerre à Cli^son , ne feust délivré. On leur remonstre que c'est ung faict particulier peteneu au conseil du roy , qu'il en seroit faict despesche bien expresse à sa majesté; que cela cepen-dant ne debvoit accrocher le gênerai , ne s'ôpiniastrent neantmoins là dessus, et renvoyent audict duc de Mercœur , ets'y passe encores six jours. Il eut quelque honte d'en refuser la royne , et manda à ses députés d'entrer en conférence sur la promesse qui feut faicte de faire une fin de l'afTaire dudict sieur de Heurtant; mais enfin qu'elle , après si longue contestation , il y avoit apparence qu'ils seroient veneus resoleus de ce qui estoit demeuré controuvé. Au contraire, comme on veult reprendre les erremens de la précédente conférence, ils lesesgarent, et ne se veullent soubvenir de chose qui y eust esté dicte et faicte. Cent fois il leur auroit esté resoleu qu'ils ne pouvoient estre recensa traicter pour toute la Bretaigne, ledict duc n'ayant qualité, en vertu de laquelle il le peult prétendre, et s'estoient despartis pour s'en resouldre; et neantmoins, pour le consulter encores là dessus comme sur chose toute nouvelle, ils envoyoient vers lui les sieurs d'Olivet et de La Ragotiere. Lesquels demandent dix joura en leur voyage , et derechef ont charge de lui proposer la trefve aulx conditions que. dessus pour ^obvier à tant de longueurs affectées avec promesses , neantmoins de rendre toute l'assiduité requise pour la continuation de la negotiation principale. La fin feut derechef que ledict sieur duc persista tousjours à traicter

4oo MANIFESTE

pour toute la Bretaigne, au moins /dict il, pdur ce qui estoit de la relligion, pretendans partie rejetter. Testât en trouble par le mecpntentement de ceulx de la relligion pretendeue reformée , partie faire croire au peuple qu'il tenoit la conservation de sa relligion , de ses armes, chose dont le roy estoit et debvoit estre plus jaloux que de tout aulcre. Et quant à 1^ trefve pour le renvoi des esti^angers de part et d'aultre , ^espondit n'y pouvoir entendre si on ne lui proposoit condition plus raisonnable. Mais la vérité estoit (soit ici notée la bonne foi dudict duc) qu'il ne vouUoit ni paix , ni trefve ; car en ce mesme temps envoya sa majesté à MM. ses députés lettres interceptées dudict duc , escrivant à M. de Mayenne en ces mots : « Ce que je fais et ai faict jusques ici n'est quq pour contenter la royne et les esprits de nostre parti en ce pays , qui recherchent trop curieusement la paix ; resoleus , au reste , de continuer la guerre , et me conformer à vos conseils, etc. » Et leur feut ceste lettre communiquée en original , qui en scandalisa une partie.

Ici il est besoing de reprendre le propos de Johan Vallée , prieur de la Trinité , entamé ci dessus , et est à sçavoir qtfe le sieur Duplessis, qui avoit eu communication , et ce qu'il avoit proposé au roy et negotié avec M. de Schomberg, mesmes qui en avoit escrit et les articles et les lettres de sa main , voyant les duretés de la première conférence sur la séance, sur ung interrègne pretendeu en Bretaigne , sur le nom et qualité du roy et semblables impertinences ; mesmès les demandes notoirement impossibles, nullement proportionnées aulx articles qu'il disoit avoir esté approuvés par ledict duc de Mercœur, l'auroit pryé de le voir pour s'en esclaircir ensemble ; sur qjioi le seroit veneu

CONTRE M. DE MERCOEUR. 4oi

trouver coniine en secret sur la plainte qu'il lui avoit faicte de ses procédures, lui auroit persisté qu'il estoit bien fondé en toiit ce qu'il avoit dict et escrit audict sieur de Scliomberg; qu'il louoit la patience des députés du roy, s'accommodant à ces absurdités , et asseuroit que de ces commencemens fascheux la fin seroit au contentement de sa majesté, et de ceulx qui y estoient employés; comme donc ledict sieur Duplessis voit que la seconde encherissoit en difficultés sur la première, que les lettres, aussi du maistre ne correspondoient aulcunement à celle de ce Vallée, lequel le voyoit tous les jours sans lui en plus parler, il le prye derechef de le venir voir ; lui remonstre ceste hagarde façon de negotier , d'aheurter ung tel traicté sur la prise du sieur de Heurtaut, voulloir negotier pour toute une province , dont il n'estoit suivi que de la moindre partie; requérir choses impossibles qui menoient évidemment à la guerre et non à la paix. Et, au reste, comment il pourroit excuser les prescheurs de Nantes plus injurieux , particulièrement contre la paix, qu'auparavant ? Et aulx oreilles propres de M. de Mercœur, comment n'accuser ses lettres à M. de Mayenne, confirmées effectiiellement par ses. deportemens? Sur quoi ledict sieur de la Trinité lui recogneut librement que tout estoit vrai, mais que n'y avoit poifict de sa faulte; que non seulement ledict sieur duc lui avoit escrit, en approbation de ce qu'il avoit esbauché avec M. de Schomberg; mais mesme à son retour lui avoit dict en son cabinet qu'il tenoit ce qu'il avoit faict à grand service , et ne s'esloingneroit jamais de ces articles, et ne sçavoit ixiaintenant à quoi imputer ce changement , sinon qu'il ne sçavoit bonnement comment se départir d'ung prétexte qu'il avoit

MÉM* DB Dupi.ESSI8-M0RirAT. ToME VI. 20

tant de fois réitéré. Bien estimoit il qu'il ne se pouvoit rien faire avec une cohue de tant de gens , et de si diverses opinions; et que si la royne se retiroit à Chenonceaux, ledict sieur duc pourroit donner congé à ceste multitude comme leur charge estant expirée, et envoyer près d'elle quelque personne confidente avec laquelle il se feroit plus en trois jours qu'avec tant de députés en trois mois. Mais la vérité estoit qu'il avoit faict de la royne ce qu'il en vouUoit , donné crainte à l'Espaignol de paix pqur le rendre moins pressant en la poursuite qu'il faisoit , que ledict sieur duc de Mercœur feist de là , et avant la guerre pour lui et non pour soi mesmes. Ce qui feut tant plus clair à ladicte dame quand elle eust veu les lettres dudict sieur de la Trinité en original, et les articles avec lui concertés, desquels elle lui feit assés vif reproche, et mesme au sieur de Tournabuon pour l'avoir notoirement trompée, eulx qu'elle cognoissoit pour con* fidens serviteurs dudict sieur duc soi;i frère. Et ainsi feut séparée la seconde conférence d'Ancenis le i5 mai 95 ; sauf neantmoins à se retrouver près de la royne le i5 d'avril ensuivant, plus informés de part et d'aultre, encores qu'il y avoit peu d'apparence d'y rien faire.

Quelles remises il y eut de jour à aultre seroit long à déduire, iexcusant ledict sieur duc l'envoi de ses députés , tantost sur son esloingnement de Nantes , tantost sur maladie, et tantost ^ur ce que feu M. le mareschal d'Auraont lui faisoit la guerre, et prenoit des places en Bretaigne , où toutesfois il n'y avoit ni trèfve ni suspension d'armes, tant ont oublié ces gens à dis-tinguer ce qui est licite, de ce qui ne l'est poinct, par l'accoustumance des illicites. La royne , cependant,

CONTRE M. DE MEjaCOEUR. 4ô3

lui remonstrant le tort qu'il lui faisoit envers le roy, qui avoit subject de croire qu'elle connivast avec lui, le sommoit de satisfaire à sa promesse, en entroit sou'-^ vent en colère par lettres, et décolère quelquesfois en maladie , tant qu'enfin elle feut contraincte de lui déclarer la conférence rompeue, si dans le 5 juillet elle n'entendoit que ses députés feussent en chemin pour se rendre près d'elle. Comme aussi sur ce qu'il manqua à ce jour, déclarèrent à ladicte dame MM. les députés du roypar acte solemnel en date du 20 juillet, qu'ils se retireroient chacung où les affaires du roy ou leurs les appelleroient, et reînettroient leur pouvoir entre les mains de sa majesté pour leur descharge, si le 5 d'aoust pour toute prefixion les députés dudict sieur duc ne se rendoient près d'elle; mais vpicî le a I de juillet arriver le sieûr de La Ragotiere , lequel , après avoir faict en paroles sérieuses une ridicule plaincte à la royne de ce que M. le mareschal d'Aumont lui a«siegeoit Quimper pendant qu'on lui parloit de trefve, au lieu d'entrer en propos de paix, propose à la royne une trefve de deux mois, à commencer du I*' aoust, promettant comme dessus de faire trouver les députés à Chenonceaux le 20 de septembre. Donc se monstrant la royne fort offensée , et le pressant de lui dire la raison d'une si longue remise après tant d'aultres, lui dict franchement que ledict duc de Mercceur vouUoit attendre la response du roy d'Bspaigne, vers lequel il avoit envoyé , ne voullant entrer plus avant en tel traibté sans ^on consentement. Ce que ladicte dame feit entendre à MM. les députés da roy en présence dudict sieur de La Ragotiere, en ces mesmes termes. Â ce nom du roy d'Espaignç, n'eurent lesdicts députés ni à délibérer, ni à deviser ce qu'ils

4o4 MANIFESTE

avoient à faire , appercevant bien que ledict sieur duc persistoit en ses erremens ordinaires, et vouUoit faire profict des heureux succès que le roy avoit eus en Bôurgoigne contre le connestable de Gastille , et des desastres qu'avoit receus le roy d'Espaigne sur la mer, à Tocûasion desquels il seroit tout aisé de se servir de Iqi ei^ sa condition sans le presser dadvantage, et pourtant déclarant à la royne qu'ils ne pouvoient aulcunement negotier avec ledict sieur duc ^ puisqu'il voulloit en ce traicté dépendre du roy d'Espaigne, ou de quelque façon l'y faire entrevenir; que c'estoit chose nouvelle, et dont le roy ne leur avoit donné aulcune charge, et qu'il leur sçauroit mauvais gré après c^ste parole, d'y avoir séjourné ung seul jour, la suppliant très humblement de leur donner congé, lequel ils pri-' rent à la mesme heure. Et ainsi feut départie la première conférence de Ghenonceaux sur l'intervention du roy d'Espaigne.

Et neantmoins , sur ce que le sieur de LaRagotiere, ayant songé la nuict, tascha lé matin de pallier les propps-du jour précèdent, partie sui; la réprimande que lui en feit la royne , partie pour ne se charger de l'envie de la rupture d'ung tel traicté, jusques à donner espérance de faire venir madame de Mercœur près de la royne, assistée des députés pour mettre fin à cest affaire; MM. l'archevesque de Rheims et de Chasteauneuf, qui estoient demeurés ce jour à Chenonceaux, d'abandonner de bon désir , se relaschoient encôres à attendre les députés dudict duc jusques au 5 d'aoust, encores que le changement des paroles du serviteur ne leur feist parfois de la pénitence de l'intention du maistre. Et le tout cependant en vain , comme ils recogneurent à peu de temps de là; car, au lieu de députés,

ledict sieur de Mercœur envoyé le sieur d'Aubigny , qui arrive le 20 d'aoust près de la royne , par lequel il lui faict entendre qu'il ne lui envoyoit pas ses députés, parce que M. ()e Mayenne lui avoit despesché ung des siens exprès , par lequel il Tadvertissoit qu'en la conférence qu'il avoit etie avec les sieurs de Villeroy , de Roquelaure et de Seneçay, ils estoient demeurés d'accord qu'il auroit trois mois de loisir pour faire entendre de ses nouvelles à ses parens et amis , partant qu'il la sup* plioit de lui voulloir donner une partie de ce temps afin de se pouvoir esclaircir avec M. de Mayenne de plusieurs difficultés qi^i apporteroient grand advancement au traicté ci. La royne donc escrit à MM. les députés du roy par lettres du 12, lespryant de s'y accommoder, comme d'y apporter toute la douîceur qu'ils pourront, sauf la dignité du roy; proteste de lui dire le dernier adieu, si à ce coup il frustre son attente; lui redepeschant ledict sieur duc d'Aubigny avec fortes paroles sur. ce subject, tellement que lesdicts sieurs, pour rendre le respect deu aulx bonnes intentions de la royne , selon le commandement du roy , nonobstant que le passé leur feist peu espérer de l'avenir, se resoleurent de s'accommoder à son désir, sçavoir, en consentant que ladicte dame accordast au sieur duc jusqu'au i*' septembre , pour en conférer avec M. de Mayenne , moyennant^ que pour ce mesme temps la trefve feust en Bretaigne et es provinces de Poictou , Anjou , Touraine et le Maine , etc. Encores que la cause , comme la royne mesme remarquoit en ses lettres , feust bien différente , encores que M. de Mayenne avoit les trois mois après avoir traicté et concleu, et ledict duc les demandoit premier que traicter après tant de remise, et sans en donner grande espérance,

4o6 MANIFESTE

dont h royne les remercia fort par ses lettres du i6 aoust , recognoissant que par la facilité et doulceur de leur procédure, il debvoit estimer avoir esté.grandément pacifié. Et est à noter cependant de quelle foi il demandoit ce délai ; car il est certain que toutes les fois qu'il estoit veneu à propos d'alléguer l'exemple de M. du Maine , les députés l'avoient pris desdaigneusement à injure, et n'avoient poinct scellé qu'il ne tenoit ni de son auctorité, ni de ses conseils; comme de faict, Sainct Michel , valet de chambrie que M. de Mayenne lui avoit despesché , feut arresté à Nantes jusques au 4 de novembre, sans le voir, ni ouïr, pendant que le duc s'amusott à fortifier le chasteau de risie, sur la rivière de Villennes.

Mais aussi ceste sienne bonne fbi parut tost après par la response qu'il feit à la royne, mentionnée en ses lettres du 5 de septembre. Car, pour nourrir les longueurs, il dict iqu'il a besoing de passeports pour envoyer vers M. de Mayenne , lui laissant en doubte , comme ung homme qui n'en a pas grande haste, si elle les envoyera demander pour lui ou non, et sur Je poinct de la trefve, ne respond pas ung mot, dont elle se monstra fort scandalisée, et ne feut comme elle le veult presser de response. Il lui mfinde par les lettres escrites du dernier d'octobre « qu'il lui est difficile et deshonorable de la faire sans y comprendre ces estrangersy et de les y persuader ne parlant poinct d'eulx ,^ qu'il ne s'y peult employer, ne sçachant si ceulx du parti contraire l'auront agréable ; qu'il la supplie de l'esclaircir promptement , si l'intention des ennemis est de les y comprendre, etc. » Ce sont ses mesmes mots; tellement qu'au lieu que, sans aller plus loin^, il s'en pouvoit esclatrcir avec M. de Sainct Luc , qui

commandoit en la province, il fault despescher vers le rdy pour en avoir sa volonté, et par ainsi de nouvelles propositions il gaigne de nouvelles longueurs. Cependant , premier que d avoir response du roy ( car aussi ne jettoit il cela que pour contenter la royne ) , il ne laisse de conclure la trefve particulière dé Bretaigne avec ledict sieur de Sainct Luc , moyennant laquelle il requestoit avec plus de moyen les provinces circonvoisines par la guerre, ou les reduisoit à telles conditions de trefve qii*il voulloit ; à quoi estant parveneu , ne se soucia plus de parler d'une paix:, ainsi qu'A $e verra ci après.

Nous voici donc derechef à la fin de Tan gS, de la seconde année entreleneue en cbicanneries de Chastelet , sans entrer d^ung seul pas à la paix , de laquelle , au contraire, se faict ung long silence pendant qu'il tire grands deniers de la Bretaigne et des provinces circonvoisines pour la trefve. Encores que, pendant ce temps, les pretendeues difficultés lui debvoient avoir esté entièrement levées celle de la profession catholique du roy, parce que le pape lui avoit donné l'absolution,' envoyé mesmë le cardinal de Florence pour tenir lieu de légat près de sa majesté qui lui ostoit tout prétexte ; c'est aussi de M. de Mayenne avec lequel il disoit voulloir conférer pour n>archer tous d'ung pied , d'autant qu'il avoit concleu son traîcté, et MM. de Nemours et de Sainct Sorlin, à son exemple, estoient veneus trouver le roy en personne pour lui faire les soubmissions requises , et lui avoit donné toute asseurance de la sincérité de sa redduction et de la fidélité de son service. Ains ce feut lors, au contraire, qu'il feut remarqué par les plus clairvoyans qu'il preqoit plaisir et pretendoit tirer profict de la redduction de M. de

4o8 MANIFESTE

Mayenne, blasmant ouvertement envers tous cesCe action; et tenant à grande gloire d'estre le dernier debout pour demeurer seul chef du parti de la Ligue en ce royaulme, et en recueillir les esclats à soi, comme depuis il y a pareu. Et quant à l'absolution , il ne se pouvoit tenir de son escarmouche devant les siens , qu'elle estoit nulle contre le canon de l'Eglise, jus* ques à s'en prendre au pape et au consistoire, jusqu'à la nommer hérésie.

Or avôient , pendant ce temps , prospéré les affaires du roy d'Espaigne en Picardie , par la prise de Dourlan , Cambray , etc. , lequel , d'aultre part , voulloit mesnager la redduction de M. de Mayenne contre le sieur duc de Mercœurr et, sur ce grand afFoiblissement de son parti , le réduire au poinct qu'il avoit tant de fois tenté, de recognoistre l'infante, duchesse de Bretaigne, prendre recompense condigne de lui , et faire désormais la guerre soubs son nom; et, de ce pas lui estoit il difficile dVschapper par ce mesmes qu'il tenoit une armée de mer toute preste pour faire une grande descente, si derechef il ne lui faisoit encores peur de la paix avec le roy, tandis que Tournabuon se t:iendroit en Ëspaigne, Perer, son agent près du cardinal d'Autriche, en Flandres, pour mesnager ces occasions à son advantage. Ledict sieur de Mercœur donc se resoult d'envoyer, sur la fin de mai, en 96, le sieur de La Ragotiere vers la roy ne , lequel eut charge en partant de voir le. sieur Duplessis à Saulmur, et Tasseurer qi^'il avoit l'esprit totalement tourné à la paix ; et comme le susdict sieur Duplessis lui déclara franchement la nouvelle qu'il avoit de la prise de Calais, non encores divulguée, lui de- .mandant si ce malheur ne traverseroit poinct ceste bonne volonté, lui affirma fort expressément que non;

]ui donnant à cognoistre, par plusieurs propos qu'il lui tint , que le progrès de TEspaignoI lui estoit suspect et formidable. Tost après aussi la royne feit cest honneur audict sieur Duplessis, de lui escrire que ledict sieur de La Ragotiere lui avoit apporté asseurance que ledict sieur duc voulloit traicter; et qu*à ce coup, s'il plaisoit au roy faire trouver des députés près d'elle, elle esperoit que ce seroit à bon, sans plus tergiverser, lui demandant de tenir la main vers le roy, vers lequel aussi elle feroit acheminer M. de Chasteauneuf, son chancellier, pour lui représenter plus à plein Testât des choses, aussitost qu'elle seroit asseuree du temps que ledict sieur duc vouidroit prendre pour faire trouver ses députés près d'elle, parce qu'elle ne voulloit plus entretenir le roy et ses serviteurs ni en remises ni en paroles. Cependant sera noté ici en passant, qu'il ne se hasta gueres de l'en resouldre, ayant tousjours teneu pour maxime d'enfiler la trefve d'ung quartier à l'aultre, en retardant les abouchemens des. conférences jusques à la fin du quartier, afin d'en rendre, la continuation nécessaire; et ne laissa toutesfois en pleine trefve, et au préjudice d'icelle, de s'emparer du .chasteau du TifTauges, auctorisant , contre la foi publicque, la trahison d'ung subject stipendié contre son roy^ d'ung serviteur domestique et à gages contre son ihaistre, sans jamais avoir voulleu. entendre à le restituer, quelque remonstrance qui lui ait esté faicte , non pas mesmes à entretenir sa capitulation qu'il avoit fàicte avec M. de Malicorne, par laquelle^ il consentoit que le traistre Champigny en sortist, qu'il n'y demeurastque cinq de ses gardes ; que toute corvée et commissions y cessassent , et le tout attendant la première conférence

4iO MANIFESTE

près de la royne , en laquelle ses députés avoient charge d'en décida" avec les députés du roy. .

Enfin, après toutes ces longueurs, le 23 octobre, arrivent à Chenonceaux , près de la royne , les sieurs de Schomberg, comte de Nanteuil, etdeThou, président en la court, et s'y rendent les sieurs de La Rochepot et Duplessis de la part du roy ; s^f trouve aussi en mesme temps le sieur de La Ragotiere; et sembla ceste négociation de primeface debvoir réussir, parce que la royne se confiott qu'on y marchoit de tout aultre pied que es auitres ; parce particulièrement que ledict sieur duc avoit voulleu faire croire qu'il prenoit grand plaisir au choix que le roy avoit faict de M. de Schomberg, et surtout parce que le voile de la relligion estoit levé par la veneue de M. le légat , sans qu'il en peust rester exception aulcune ; mesmeâ que ledict sieur légat lui estant monstre une commission dudict sieur de Mercœur, en laquelle estoient ces mots « attendant qu'il y ait ung roy catliolique recogneu en France » , lui avoit sérieusement escrit une lettre, en date du no aoust 97, quf lui seroit seurement veneue en mïlins. Que faisant ledict duc profession de catholique et observateur de ceste foy, il ne sçavoit avec quel prétexte il pou- Toit affirmer en expéditions publicques , qu'en France il n'y eust poinct de roy catholique, estant lui légat a Uuere du pape , non seulement près du roy Henry iv , mais à l'endroict du royaulme; qu'il estojt pourtant de son debvoir de lui dire que la France a ung roy catholique , que le pape l'a absouls , et lui donne te titre de très ohrestien , particulier aulx roys de France , ce qu'il debvoit mettre en considération , en tant qu'il desiroit qu'on peust dire qu'il conveuoit avec le pape, etc.,

protestant que ce qu'il lui en disoit estoit de son propre mouvenijent.

Ores, comnie on vient à traicter en présence de la ' royne, ledict sieur de La Ragotiere remet encores sus qu'il avoit charge de traicter pour toute la Bretaigne; sur quoi lui estant réplique qu'il lui avoit esté trop de fois déclaré qu'il ne se pouvoit , et qu'il ne debvoit s'estre* acheminé sur ce fondement, se rendit enfin à ceste conclusion , qu'il traicteroit donc pour ce qui estoit de la seureté de la relligion en ce qui concernoit les places que M. de Mercœur avoit à ramener au service du roy, et qu'il ne faisoit poinct de difficulté qu'on ne se peust accorder des limitations; tellement que cestui ci demeurant comme resoleu, il feut passé oultre aulx aultres articles , lesquels feurent baillés par lui dis'tinctement, generaulx et particuliers. Pour les. generaulx demandoit qu'approbation de ses armes luifeust accordée telle que M. de Mayenne.

QuMl se feist une paix ou une longue trefve avec le roy d'Espaigne; l'ung feut dict que le roy d'Espaigne la désirant traicter avec sa majesté, elle y entendroit par les formes en tel cas requises.

Qu'es bénéfices de la province il feust pourveu de personnes de la quaHté requise par les saincts canons et décrets accordés, non toutesfois que sa majesté se voulleust obliger par traicté à ce qu'elle practiquoit d'elle mesmes tous les jours.

Que sa majesté confirmast les privilèges du'sainct siège et provinces de Bretaigne , et qu'en conséquence tous les possesseurs des bénéfices vacans par mort ou résignation audict pays , et pourveus par le pape ou aultres ayant pouvoir de lui depuis les presens troubles, feussent mainteneus ; respondeu : que sa majesté estoit

4f2 MANIFESTE

d'accord avec le pape et tout ce qui le concernoit, sans qu'il y feust besoing de l'intervention de personne; et quant à la conséquence qu'il en vouloit tirer, bien qu'elle feust hors du texte, feut dit : que pour les bénéfices consistoriaulx , seroit baillée une liste sur laquelle sa majesté declareroit son intention , et y gratifieroit volontiers ledict sieur duc de ceulx qui lui seroient recommandés de sa part ; pour les non consistoriaulx , qui estoient en grand nombre, et desquels il pourroit naistre plusieurs différends , que sa majesté nommeroit quelques personnages ecclésiastiques notables , soit en parlement ou aultres, lesquels en commanderoient avec ceulx que ledict sieur duc nommeroit de sa piirt , y appeler les evesques et prélats qui y pourroient avoir interest. Que ceulx qui auroient esté pourveiis par ledict sieur duc des estais de justice et finances vacans par mort ou résignation , feussent mainteneus sans payer finances , et que ceulx qui auroient esté commis en la place de ceulx qui auront esté mis hors les villes, par ledict sieur duc , y feussent mainteneus. Cest article offensoit la dignité du ii'oy et le mérite de la fidélité de ses bons subjects et officiers notoirement ; et neantmoins cha-* cung juge, par ce seul article , quel soing on avoit en ceste négociation de compasser l'auctorité du roy avec la nécessité publicque; feut respondeu c.que ceulx qui avoient esté pourveus , par ledict sieur duc , d'offices vacans par mort ou résignation de personnes de son parti residens , lors de la mort ou résignation , es villes qu'il rameneroit au service de sa majesté, seroient mainteneus en leurs offices sans payer finances , seulement en rapportant leurs provisions et les' prenant nouvelles de sa majesté; et pour le regard de ceulx qui auroient esté pourveus d'offices vacans par la mort

CONTRE M. DE MERCOEUR. 4l3

de ceulx qui seroient decedës hors son parti , et don( neantmoins les fonctions éstoient es villes par lui teneues (desquels tous ledict La Ragotiere bailla les noms); accordoit sa majesté que les maistres des comptes seroient mainteneus , pour estre supprimés par mort ; que Bidé, pourveu de Testât de lieutenant à Nantes, et Gendionnier de lieutenant criminel , attendeu que c'estoient estats singuliers, seroient aussi mainteneus, en remboursant le^ pourveus par sa majesté, dont toutesfois elle leur bailleroit bonne assignation , dont il seroit conveneu par le mesme traicté. Quant à Peschin, enfores que la fonction du payeur du parlement feust à Rennes, yille d'obéissance, que neantmoins sa majesté, pour gratifier ledict sieur de Mercœur, duquel il estoit serviteur domestique , lui donneroit la valeur de l'ofEce, selon qu'on a accoustumé de le payer en parties casuelles. Et pour le regard de ceulx qui auroient esté pourveus des estats et offices de ceulx qui, pour le service du roy, éstoient absens des villes, que ledict sieur duc rameneroit, sçavoir : le sieur de Brenesay, en Testât de seneschal de Nantes en Tabsence du sieur de Charettes; le sieur de la Bussomiere en la place de TAlloué; le sieur André de Chaselle, prevost; Bidé de la Boissiere , prpcureur du roy audict Nantes; et Auron en la place de Sainct Sire, procureur du roy à Dinan ; entendoit sa inajesté que les offices feussent rendeus à ses serviteurs, consentant neantmoins à recompenser les détenteurs. Plus , accordoit de recevoir en la chambre des comptes les deux qui avoient esté créés supernumeraires par ledict sieur duc, à condition d'estre supprimés par mort.. Aussi que le sieur de la Courpeau, son lieutenant et greffier, pourveu par ledict sieur duc de Testât de prevost des mareschaulx , exer-

4l4 MANIFESTE

çast avec Tancien et eust département, tellement que, pour le bien de paix en tous poincts , le bon demeuroit du costé du sieur de Mercœur , au détriment soit de la dignité de sa majesté , soit de ses finances.

Que les gouverneurs et capitaines des villes, chasteaulx et places teneues par le susdict sieur duc es provinces de Bretaigne , Anjou , le Maine , Poictou , de Normandie, feussent mainteneus esdicts gouvernemens avec leurs pensions et entretenemens accoustumés , et gages suffisans, jusqu'à sept ans , pendant lesquels, avenant vacation, y feust pourveu en sa nomination; et après içeulx sept ans, continué^ ceulx qui s'y troiye-f roient; feust absolument accordé pour les villes et places appartenantes à sa majesté , en prenant iceulx provision de sa majesté en lui faisant serment, mesme qu'advenant vacation, le susdict duc en nommeroit trois pendant lesdicts sept ans, desquels sa majesté cl^oisiroit l'ung; pour le regard des places appartenantes aulx seigneurs particuliers , voulloit, sa majesté, comme en tous traictés, pour nourrir, la paix entre ses subjecl^, qu'il y eust restitution de part et d'aultra Et neautmoins, pour faciliter ceste difficulté, et lever tout scrupule, feut proposé que sa majesté ordonneroit une somme notable pour desdomniager les gouverneurs et capitaines qui auroient à en sortir ; que les nouvelles fortifications y seraient démolies; qu'en icelles mesmes qui appartenoient à $eîgneurs de la relligion prestendeue reformée , seroient installés , au moins pour quelques ans, capitaines catholiques; et, afin qu'on Juge mieulx de l'équité qui estoit en ceste response, ou riniquité qui eust esté en une aultre, il estoit question de la maison de Graon , appartenant par partage définitif à madame la princesse de Condé, mère du premier

CONTRE M, DE MERCOEUR. 4i5

prÎDce du sang; de ia maison de Chasteaubriand, appartenant à M. le connestable; de Beligné, et Poptivy, maisons principales de M. de Rohan , proche parent et présomptif héritier du rioy, en sa maison de Navarre; de Josselin , maison et demeure de madame la douairière de Rohan ; de Montjault , maison de M. le comte de La* val , eh contrepoids desquelles il estoit remis à Moncontour et Guinguans. Car , quant à Rochefort , contentieux entre M. de La Tremouille et le vicomte de Mirepoix, sa majesté entendoit que les détenteurs feussent recompensés sur la somme à ce destinée; que la place ^ pour avoir esté long temps retraicte de brigands , feust rasée , et se chargeroit de la recompense envers le propriétaire; et, pour le regard de la royne, en avoir jà tiré le consentement , et par ainsi sembloit estre suffisamment satisfaict aulx articles generaulx par lui requis.

Quant à ceuJx qui concernoient son particulier, demandoit le susdict sieur duc, le gouvernement et admirante de Bretaigne. Lui feut accordé ledict gouvernement, nonobstant les remons^trances que la meilleure partie de la noblesse faisait au contraire , et pour l'admiraulté, que le règlement faict par le feu roy entre lui et M. de Joyeuse, admirai de France, tiendroit.

Restoit une difficulté qui demandoit de nommer ung lieutenant gênerai à sa majesté, en retirant M. le ma* reschal de Brissac , ou bien lui bailler ung oompaignon à sa nomination, ce que sa majesté ne trouvoit raison-* nable ; demandoit quatre cens mille escus à une fois payer, et cinquante mille escus de pension annuelle; accordoit, sa majesté, deu?c cens soixante et six mille escus pour une fois , et trente trois mille escus de pension pour les droicts pretendeus de la maison de Pen-

4l6 MANIFESTE

thievre ; detnandoit la somine de deux cens mille escus pour laquelle lui feust baillée la comte de Nantes. Respondoit sa majesté, que ses droicts estoient esteints par plusieurs transactions dont il feut faict apparoir au sieiir de La Ragotiere, et neantipoins ofTroit gratifier madame de Mercœur de soixante six mille escus ; demandoit que Concarnau, oultre toutes les villes que sa majesté lui laissoit, lui feust rendeu , ce qui lui estoit refuse comme n'ayant raison ni couleur quelconque.

Et nonobstant ces grandes et libérales extensions qui ne pouvoient estre que Textresme foule de subjects du roy, alloit criant, ledict sieur de LaRagotiere, qu'on ne faisoit rien pour son maistre ; à sçavoir , parce qu'il avoit dévoré en espérance la duché de Bretaigne.

Pour ce qui concernoit la partie des Espaignols, feut conceu et concerté avec le sieur de La Ragotiere, comme il s'ensuit : que le duc de Mercœur, après s'estre desclaré serviteur du roy , pourroit accorder aulx Espaignols , soubs le nom et auctorité de sa majesté , quattre mois de trefve, a condition qu'ils se retireroient et se contiendroient tous dans vingt trois lieues , et y seroient entreteneus par le roy d'Espaigne; que, pendant iceulx, les fortifications y cesseroient, et n'y pourroient entrer de nouvelles forces, ne s'y feroit aussi la guerre ni par terre, ni par mer, ni à sa majesté,^ ni aulx amis et alliés de sa couronne ; que ledict duc s'estant déclaré comme dessus, serviteur du roy, pourroit envoyer vers le roy d'Espaigne pour le lui faire entendre comme, en ce faisant , il avoit obteneu ladicte trefve, à condition aussi que ledict seigneur roy d'Espaigne les retireroit de Blavet et de toute la Bretaigne dans les susdicts quattre mois du jour de la trefve, moyennant la somme de payable

dans ung an, par le pays, dont leur seroient bailleies bonnes et suffisantes cautions en la province; lui declareroit aussi ledict sieur duc qu'au cas qu'il ne vouUeust accepter lesdictes coiiditions, il estoit teneu d'employer sa personne, vie et moyens pour faire sortir les Espaignolâ de la province , et nommeement de Blavet , par la voye des armes, et toutes aultres possibles. A quoi aussi il s'obligeoit par le traicté , et en donnoit sa foi et serment; entendoit au reste ledict sieur duc, en faisant sortir les Espaignols de Blavet, nommer à sa majesté ung gentilhomme pour y commander.

Orés, estant veneues les choses si avant, il semblera estrange comment il s'en soit peu reculer, et sa bonne foy paroistra tant mieulx en observant par quels degrés : le sieur de LaRagotiere donc part de Chenonceaux le ag, avec les responses ci dessus , prqmettant à la royne d'apporter la resolution dudict sieur duc de Mercœur dans le i5 novembre; mais , le 20, il escrit à M. de Schomberg qu'à l'occasion de certaine assemblée qu'il a^oit conveneu audict sieur de Mercœur faire à Chasteaubriand , sur les responses à lui faictes, il avoit esté reteneu et ne s'y pouvoit rendre que le 3p. Cependant (soit ici notée sa persévérance en bonne foi), de céste assemblée il escrit une lettre en date du a4 novembre à messieurs de la court du parlement de Rennes, pleine de ses zizanies accoustumees , si le champ où il les semoit en eust esté capable , qui consistoit principalemejit en trois poincts. Le premier, par lequel il se plaignoit qu'on ne l'avoit voulleu recevoir à traicter de la seureté de la relligion pour toute la Bretaigne, et les adjuroit de se joindre à sa requeste, bien loing d'avoir esteint en son cœur la cause essentielle de ses injustes armes , puisque encores il en vouUoit fomenter le pre-

Mf.:^t. db Duplessis-Mornat. Tome vi. a 7

4i6 MANIFESTE

texte. Le second , par lequel il leur faisoit appréhender^ s'il concluoit à la paix avec le roy , qu'ils auroient à entrer en une plus dure guerre avec l'Espaignol; preparatif pour faire avaler plus doulcement les remises qu'il vouUoit faire de ce traicté avec le roy , et la continuation de ses pratiques avec l'Espaignol. Et lé troisiesme , par lequel il taschoit de les mettre en jalousie de ceulx aulxquels sa majesté avoit commis ceste negotiation comme non intéressés au bien ou mal de la province , lesquels toutesfois y avoient assés de tesmoignage de leur sincère affection , et ne traictoient rien qu'avec bonne et assiduelle correspondance de ceulx qui y avoient charge.

Le 3o , neantmoins , arrive le sieur de La Ragotiere auprès de la royne , aussi peu resoleu que la première fois sur les responses à lui faictes, pressant tousjours extresmement sur Conquarnau, sur le lieutenant gênerai, à sa nomination, qui partageast l'auctorité avec M. le mareschal de Brissac , sur le droict prestendeu de la maison de Penthievre , et au lieu d'iceulx la comté de Nantes ; escoutant cependant ledict sieur ^e Mercœur si la fusée qu'il avoit jettee dedans Rennes tnettroit le feu aulx poudres, laquelle, par la prudence de M. le mareschal de Brissac et de messieurs du parlement , avoit esté tost esteinte ; tellement que ledict sieur de La Ragotiere retourne encores pour nouveaulx advis, n'est pas mesmes touché au faict de Tiffauges , remis par la capitulation à estre traicté en ceste conférence, affirmant ledict sieur de La Ragotiere n'en avoir rien entendeu dudict sieur de Mercœur ; promet neantmoins d'estre de retour dans le i6 décembre à Tours, instruict et resoleu de toutes choses, particulièrement aussi desdicts faicts de Tiffauges, mesme d'amener des

députés avec lui , munis de suf&sans pouvoirs pour aller conclure le traicté à Bourges , où la royne , partie pressée de sa santé à cause de l'iiyver, partie ayant jugé à son poulx qu'il ne se pou voit rien faire, s'achemina sur le commencement de décembre, après plusieurs remises , duquel il feroit apparoir en passant ; mais voici que, des le j 2 décembre , il escrit à M. de Schomberg quç les affaires s'estoient trouvés si grands et si importans , qu'il ne pouvo'it arriver au 16; et si n'a voit il rien qui leur deust estre nouveau qui n'eust esté proposé des la première conférence , rois en délibération par eulx des leur assemblée de Ghasteaubriand; puis, le 27, que désormais il n'y avoit moyen de marcher sans passeports, parce que la trefve expiroit; et sur ce qu'il leur auroit esté proposé que la conduicte de M. de La Rochepot leur pourroit faire passeport; que, pour la difficulté du temps , il estoit besoing d'en avoir du roy mesmes, tellement que voici derechef une aul^re année passée en chicanneriés, et une continuation de trefve ^aignee pour ung quartier par M. de Mercœur, si ce n'est qu'on veuille , comme le droict du jeu vouUoit, rompre toute conférence et venir aulx armes.

Geste façon peu respectueuse , soit au regard du roy, soit mesmes de la royne , estoit pour picquer les plus modérés , et toutesfois l'amour du bien public feit prendre patience. Il demandoit dans combien il pourroit avoir des passeports ; on l'asseura de les recouvrer dans le ao janvier 97 , et Je prie on de se tenir près avec les députés de M. de Mercœur, pour pouvoir arriver à Tours dans le dernier. Il avoit aussi faict couler en sa lettre que si , comme on disoit , M. de Schomberg venoit à Âncenis , il s'y rendroit pour avec lui acheminer tousjours les affaires ; et ledict sieur de Schomberg

4'iO MANIFESTE

prend encores occasion là dessus de le convier entre ci et arrivée des passeports , de s'ad vancer jusques à Tours. Une outrecuidance entreyient là dessus, qui peult seule suffire contre toutes calomnies, qui peult faire foi de l'affection des serviteurs du roy en ce traicté, c'est que sur ces entrefaictes le sieur de Janvier, le sieur de Heurtant, commandansàRochefort, dénoncent la guerre à M. de La Rochepot, et commencent Thostilitë le seiziesme ensuivant, et disoit sa lettre que c'estoit par commandemens exprès dudict duc de Mercœur. Et neantmoins c^stant ledict duc deteneu de- maladie, ne laissa M. le président de Thou de se rendre à Angers pour communiquer avec le sieur de La Ragotiere, lequel déclara d'abord n'avoir charge de rien traicter de la paix, nimesme des affaires generaulx, estant veneu seulement à la semonce dudict sieur de Schomberg ; et ne s'en ensuivit pourtant que la suspension générale pour deux mois , depuis laquelle ne se parle plus de paix , ni d'envoyer des députés à Bourges, pour faire la suspension par laquelle il estoit dict que Tiffauges seroit mis en Testât porté par la capitulation faicte entre ledict sieur duc et M. de Màlicome ; sçavoir , que Champigny en sortiroit , qu'il n'y demeureroit que cinq ou six des gardes dudict sieur de Mercœur ; que toutes corvées et impositions ces^eroient, et jusques à ce qu'il en feut décidé en la première conférence ; et neantmoins trois conférences se passèrent sans que son negotiateur ait charge d'en parler ; et le lendemain de la suspension, Perraudiere y entre avec ung régiment; deux compagnies de chevaulx légers y sont mises en garnison ; commissions envoyées de toutes parts aulx paroisses , maisons et gentilshommes , petardés tous les jours et pillés; la grange de Barbasle mesmes; maison

, CONTRE M. DE MERCOEER. /^^i

du sieur de Sainct Estienne prise, une garnison logée dedans, et se fortifie en diligence. MM. les députés du roy, nonobstant, vont encores à Angers pour s'aboucher avec ledict sieur de La Ragotiere, et avec lui entrent si avant que la suspension est traictee ; restant toutesfois quelques difficultés , en ce qu'ils la vouUoient estendre par terre et par mer, et ledict sieur de Mercœur ne la consentoit que par terre, afin d'entretenir les courses et pirateries de Fontenelles; en ce aussi que les susdicts sieurs l'estendçient jusques à la nii octobre pour y comprendre la récolte et la vendange; lui , pour reserver le moyen de l'incommoder , et pour aultres causes qui se diront ci après , ne la voiillQit.que jusques à la mi juillet, pour lesquelles vuider .^yec lui retourna à Nantes le sieur de La Ragotiere, Mais comme au deceu des susdicts sieurs députés du roy, on revenge de plusieurs contraventions précédentes, Chasteaubriandeust esté pris^ur lui par le sieur de Sainct Gilles , se disant advoué de M. le çonnestable ; ledict sieur duc commence à protester du violement de la fby publicque pour ne vouUoir plus entendre à paix , trefve ni suspension que cest acte ne lui soit reparé; ne comptant pour rien les prises de Prunel, Sainct Ouan et Pcnnarck en Bretaigne , TifFauges et La Grange en Poictou, durant la trefve; les entreprises faillies sur Morlaix, Paimpoul et Ploermel en Bretaigne, Domfront en Normandie, Mauleon et Mortaigne en Poictou, verifiee;s, les unes par l'exécution des complices, les aultres par les pétards et les échelles; tout cela justement faict, si vous croyez ledict sieur de Mercœur, et sans qu'on s'en puisse plaindre , parce qu'entr>e les serviteurs du roy , où il recognoist foy et loi, il y a lieu de contravention en son parti , où il sçait qu'il n'y en a

poinct, il pense estre exempt par conséquent, et quoi qu'il fasse, de desloyauté, de perfidie. Ores, marchandoit il depuis trois mois le chasteau de Mirebeau en Anjou , appartenant à M. de Montpensier, faisant profict du mescontentement du sieur de Villeboîs qui se faschoit de lui remettre la place, et avoit différé la conclusion de la trefve exprès pour, pendant l'interruption d'icelle, le faire déclarer pour son parti, ce qu'il feit aussitost; sur quoi lui font prcfposer MM. les députés du roy, par la bouche du sieur Meslier, député pour le Poîctou , qui Talla exprès trouver à Nantes , que , sans entrer en contension et reproches de tant de contraventions que toutes les provinces alleguoient contre lui , s'il vouUoit continuer la suspension générale jusques au i5 octobre, selon les conditions ci devant conveneues , ils consentoient que Ghasteaubriand lui feust rendeu en restituant Mirebeau , ou que l'une et l'aultre place, après la réciproque restitution , demeurast neutre; mais il persistoit tousjours, nommeement par ses dernières lettres du aa avril , qu'il n*entreroit en aulcung traicté que Ghasteaubriand ne lui feust restabli sans rendre Mirebeau, sans voulloir estre en compte de toutes lés contraventions précédentes, qui estoient sans nombre, et feut sur ceste obstination la negotiation interrompeue et départie.

On demande maintenant à quelle fin ces tergiversations, quel bien lui en revient, et c'est ce qu'il nous fault entendre; certes que, pendant ceste negotiation, il attendoit nouvelles de ses agens Tournabuon et Perer en Espaigtie et en Flandres, s'il pourroit encores nager entre ces deux roys par ses artifices, comme dessus, et faire profict de l'ung contre l'aultre. Car , sur la fin de mars, vient à estre pris à Saulmur , par ung instinct

vraiment de Dieu, ung courrier nommé d'Esloger, soi disant faulsement à M. le chancellier , mais en effect nepveu de Perer , agent dudict sieur de Mercœur , en Flandres , lequel tost après est mis en mains du sieur Rapin , grand prevost de la çonnestablie , pour estre conduict au roy avec ses chiffres et despesches, pleins de monstrueux desseings que Dieu veuille estoufFer par sa puissance , comme par sa providence il les lui a pieu manifester. Ce courrier donc pprtoit lettres au duc de Mercœur du cardinal d'Autriche , du janvier, par lesquelles il le remercioit de Tasseurance qu'il lui^ donnoit par ses lettres , de sa resolution au service du roy d'Espaigne; Texhortoit de tenir la promesse qu'il avoit faicte de ne faire poinct la paix avec le roy , et lui promettoit réciproquement qu'il ne se traicteroit rien de la part du roy d'Espaigne avec la France qu'il n'y feust compris, 3elon que ses bons et louables comportemens meritoient, etc. Escrivoit aussi ledict sieur cardinal à don Mendo Roderigues, agent du roy d'Espaigne près ledict duc de Mercœur, qu'il eust à tenir la main vers lui , à ce qu'il y gardast sa promesse en confiance; qu'elle lui seroit aussi teneue de l'aultre part, etc. Et estoit d'abondant ledict courrier chargé de plusieurs lettres en jargon , qui faisoient mention d'une armée qui lui debvoit venir d'Espaigne, à la faveur de laquelle plusieurs notables entreprises s'exe-r cuteroient; plusieurs soulevemens se feroient par les menées dudict sieur duc et pour le roy d'Espaigne en ce royaulme, en ces mots : que les fleurs noires avoient produict des fleurs rouges tout fraischement en Picardie; qu'il en escloroit bientost d'âultres par toute la France, et nommeement dans Paris; vouUant dire que la Ligue avoit triomphé pour l'Espaigne; et c'estoit

la bonne foy dont il procedoit en ce traictë avec le roy ; laquelle nous est encores inieulx expliquée par ses propres lettres. Car, comme ledict sieur duc feut fort en peine de la prisé de ce courrier et de ses despesches, il escrit, en date du 8 avril , à l'advocat Carpentier, dëscogneu par d'Esloger , son compaignon exécuté avec lui, en ces termes : qu'il est extresmement affligé de la prise dudict d'Esloger et cle ses despesches; qu'il a faict et fera tout ce qu'il pourra pour sa délivrance; mais n'y voit plus de moyen, ayant esté par M. Duplessis envoyé au roy; sinon que le cardinal d'Autriche envoyé le lui redemander comme sien ; que les députés du roy le poursuivent très instamment d'une longue trefve; mais qu'il ne la Tcult faire que jusques en juillet, sur Tasseurance qu'on lui donne d'Ëspaigne,. qu'on lui donnera une armée dans ce temps, et que le cardinal d'Autriche se mettra d'aultre part en campaigne ; que s'il lui tient promesse, il fera parler de lui à bon escient ; et que, depuis la prise d'Amiens, s'il eust eu d'argent d'Espaigné ou de Flandres, il eust gaigné plusieurs bonnes ailles et places sans canon , non seulement en Bretaigne, mais en Frarice; que si on le veult croire et user de l'occasion, le roy aura en chef de grands affaires, et sera ruyné à plat, comme il mérite ; ce qu'il désire plus que chose du monde, estant ennemi des catholiques comme il est sans double; que depuis trois jours il a envoyé en Espaigne ung des siens , qui a eu le vent fort bon pour faire entendre à Tournabuon Testât de la France, et par lui au roy d'Espaigné, selon les cognoissances qu'il en a très particulières; que, pourveu que ledict roy ne le veuille astreindre à àultre chose qu'à ce qui est de son or et de sa renommée (ainsi nomme il en son jargon sa relligion qui ne gist qu'en

avance et ambition), c^est à dire qu'il ne le presse poinct de faire la guerre pour lui ; au lieu qu'il la veut faire toute sienne comme, dict il, il s'en est resoléu à ceste fois. (Et c'estoit ce à quoi il tendoit par toutes les chicanneries.) Il ne fault poinct qu'il doubte qu'^n peu de temps il ne iasse merveilles : mais qu'aussi est il besoing qu'il ait au plus tost des gens de guerre, et de Targent d'Espaigne pour les payer ; aussi quelques canons et pouldres de Flandres, suivant l'ordre qu'il en ajà donné au Ccirdinal; moyennant quoi il mettra sn^ une belle armée. Que pour lui dire deux mots de son humeur, il vouidroit estre saulté pour quattre mois en Flandres, pour y estre ung des serviteurs du cardinal archiduc; pendant lesquels il espereroit tailler bien de la besoigne au rôy et à la France; itiais, puisque cela ne se pouvoit , il se falloit resouldre dans cinq ou six mois (soit noté le temps qui tombe en juillet, où il vouUoit finir la trefve), qu'ils eussent chacung son armée en estât pour s'approcher de Paris ou de Rouen , où il estoit fort désiré , et où ils se pourroient entrevoir comme il le jugeroit nécessaire, et ne ttendroit à lui que cela né s'efTectuast, ni toute aultre chose que le roy d'Espaigne ou le cardinal archiduc lui voulleussent commander pour leur service ; estoient tous ces mesmes propos confirmés par lettres du prieur de la Trinité audict Garpentier , de pareille date , en pareils ou plus forts termes; nommeement que le duc de Mercœur estoit très instamment recherché d'une trefve (carde paix ils en font conscience de la nommer), et qu'il craignoit qu'il lae . feust contraînct de l'accepter , pour n'avoir encores receu ni les munitions de Flandres, ni l'argent d'Espaigne, sans lesquels ils ne pouvoient faire la guerre, mais que ce seroit à toute extrémité,

et à leur grand regret : faisoit mention de plus d'une entreprise sur Sainct Germain , proposée parledictCarpentier; sur Ia<|uelle il lui respond qu'ils ne veuUent poinct du chasteau, qui ne se peult garder; mais bien de celui qui est dedans, qui viendra à propos en sa saison lorsque les forces seront approchées, n'arrestant ce monstrueux esprit, son ambition, qu'en l'extermination de la race royale.

Toutes ces pièces et plusieurs aultres claires et authentiques , dont les originaux se gardent en suffisant tesmoignaige à toute la chrestienté de la perfidie du duc de Mercœur, en conviction très expresse de sa félonie, et sont teneues-ici plusieurs aultres menées conteneues en iceljes, desquelles le roy, par sa prudence, a desjà esteint une partie, et Dieu lui fera la grâce d'estouffer les aultres.

Cependant il est du debvoir de tout bon François de mesnager ces advertissemens chacung en sa vocation, et recherchant son salut particulier en l'affermissement du roy, au salut du royaulme, particuHerçment en la Bretaigne , où le foyer réside ; ce pernicieux homme , notoirement fatal à la province , qui. veult embrasser de sa conVoitise tout cest estât ; qui par son ambition a premier ouvert la digue à l'Espaignol pour inonder , si Dieu l'avoit permis , toute la France. Messieurs du clergé ont à recognoistre ici de plus en plus l'hypocrisie du duc de Mercœur, qui profane la foy , foule toutes bonnes loix aulx pieds , arrache le sceptre de la main du légitime prince , le pain de la bouche de son povre peuple , et tout cela soubs le nom sacré de relligion; d'autant plus détestable que la cause de ses armes est esloingnee de tout prétexte; le sainct et salutaire nom de Dieu , par la malice d'ung homme , em-

ployé àlaruyne des hommes; doibvent donc instruire chacung en son endroict ; les peuples eu la cognoissance de ces pernicieux artifices, pour n'estre plus ensorcelés par les illusions, subornés parles practiques des jésuites et de leurs adherens , ministres de TEspaignol , de cest usurpateur et de leurs complices.

Ont messieurs de la noblesse à considérer où va le desseing du duc de Mercœur pour leur particulier; qui , prétendant à la duché de Bretaigne , sçait bien juger qu'il ne peult s'y establir que par la ruyne de la noblesse., surtout des grandes et illustres maison^ dont ceste province est ennoblie par dessus les aultres, et s'en est desjà apperceu par le peu de cas qu'elles ont faict de lui ; taschera donc de plus en plus de les appovrir, avilir, exterminer comme il a faict, et ne se donnera jamais repos, si Dieu pour nos peschés le laisse vivre, qu^il ne l'ait abatteue , abastardie, anéantie du tout. Pourtant réveilleront leur ancienne vertu , reprendront leur première vigueur , pour garantir de ceste oppression, et leurs personnes, leur postérité et leurs jours, la mémoire de leurs ancestres, la perpétuité de leurs illustres races ; mais surtout se resouldront que la source de leur noblesse réside en leur roy et seigneur naturel; que pour garder les surgeons, il' fault conserver, fault deffendre la source , estant bien certain que la noblesse d'ung estât est le bras et la force d'ung légitime roy; mais certes aussi le légitime roy l'ame et la vie de la noblesse.

Ont messieurs de la justice à se représenter quel progrés et quelle fin ils peuvent attendre d'ung tel commencement, quelle légalité ils se doibvent promettre d'une félonie, quelle équité d'une tyrannie,

4î»8 MANIFESTE

d'ung abrégé de toutes espèces d'injustice , quelle justice; car quelle aultre que proscriptions, confiscations, exécutions sanglantes, assassinats, qui ont tousjours précédé, accompagné, suivi toute usurpation; ne pouvant naturellemient une violence estre soubteneue que par violences; ung crime estre deffendeu que par crimes; pourtant opposeront vertueusement la juste rigueur des loix à ceste fureur; fureur qui s'esteint par sévérité et s'embrase par connivence ; fiireur comme \k sorcellerie , qui n^a force que dedans les bois et les déserts ; se trouve liée sans force ni mouvemeot devant la justice. La justice voirement qui n'a rien à craindre de toutes les menaces qu'on lui puisse &ire, puisqu'elle est évidemment bénite d'en hault, puisqu'elle est le bras dextre de Dieu; en protection des .bons, en terreur des meschans en ceste terre.

Se ressoubviendront messieurs dû tiers estât que, soubs les. grands et légitimes roys, il y a d4i soulagement , du bon traictement quand ils sont paisibles ; et leurs pères en ont gousté soubs les roys precedens ; eulx mesmes en jouiroient aujourd'hui, soubs le roy à présent , si • le malheur public ne TeUst faict succéder k des misères. Au contraire , que d'uag usurpateur ne se peult espérer que^mal; es plus petit, il sera tousjours plus grand; de !sa paix, que trouble; de sa prospérité, qu'oppression; de. son establissement , que certaine et perpétuelle misère; que leur prud'homie lui sera tousjours odieuse^ leur richesse suspecte, leur repos formidable ; qu'il se prevauldra des plus meschans contre les gens de bien; des safraniers et malotrus contre les plus apparens , les meilleures familles; des fols contre les sages ; des brouillons contre

CONTRE M. DE MERCOEUR. /pg

les pacifiques; ce qui ne se voit desjà que trop sans le prédire, en toutes les villes qu'il a usurpées en ceste province. Pourtant se roidissent toutes les villes de sa majesté de plus en plus contre cest ennemi, ne feignant poînct de desployer et employer tous leurs nerfs pour assister le roy, se saulver elles mesmes; mais surtout s'esvertuent celles qui sont soubs l'oppression , à tenter tous les moyens d'en secouer ce joug ; et se résolvent que soubs ceste tyrannie, il ne peult avoir ni seureté, ni liberté, ni vie; ne plaignent consequemment poinct, à l'exemple ^e tant de généreux peuples anciens, à l'exemple tout récent de quelques villes notables de ce royaulme, de bazarder une misérable vie, pour en recouvrer une paisible et tranquille; ne feignent poinct de tenter ung incertain péril, pour sortir d'ung tout certain, pour, soubs leur roy légitime naturel, rentrer en leur condition première; racheter et eulx et leurs enfans de ceste intolérable servitude qui les gesne ; acquérir par justice et vertu sur tant de pauvre peuple, souspirant soubs le faix , ne respirant qu'à peine , une obligation perpétuelle vers la postérité ; consequem* ment une mémoire glorieuse , une, louange immortelle. Ne doubtent au reste tous les bons François que ï)ieu , protecteur des roys et des royaulmes, conservateur des légitimes polices, vengeur de l'oppression et de la tyrannie , n'exauce leurs vœux , ne bénisse leurs labeurs, ne favorise leurs justes armes, ne maudis3ey ne punisse, ne combatte évidemment les contraires; mais pourveu certes (et il faut que ce soit à bon escient) que nous nous convertissions à lui et recher* citions sa grâce ; que nous renoncions à nos vices et corruptions, que nous donnions aussi nos sollicitudes particulières pour ung temps au public; cherchions

43o MANIFESTE , etc.

nos biens, nos vies, nos honneurs en la defFense du roy , de Testât et de nostre patrie , c'est à dire à proprement parler , à nostre deffense mesmes.